ما وظائف كل من ((الإسكاترا-علبة الدركسيون-المقصات)) وما المقصود بتربيط العفشة؟

[الصيداح]

سلام الله عليكم


1-ما هي هذه الأجزاء وما وظيفتها؟
الإسكاترا-علبة الدركسيون-المقصات

2-تربيط العفشة أليس من الممكن أن نقوم به بأنفسنا...كيف السبيل؟
نريد شرحا لموضوع التربيط هذا


وجزاكم الله خيرا

[د.محمود صلاح]

انظر للصورة .

المقص هو المكتوب عليه arm
الاسكترا هي هي علبة الدركسيون

بالطبه ممكن تربيط العفشة بنفسك بس محتاج عدة متخصصة شوية

[د.محمود صلاح]

ودي صورة الاسكترا

[samirayad]

الإسكاترا-علبة الدركسيون

نفس المسمى والمعنى

ولو حبيت تربط العفشه بنفسك

فكل مسمار أو صاموله تشوفها تحت العربيه من مكونات العفشه

الرباط مع عقارب الساعه والحل العكس

[د.محمود صلاح]

م/ سمير ازي حضرتك ,,

فيه بعض العربيات بتحط في الصواميل بتاعة العفشة تيلة بعرض قطر المسمار تمنع انها تتفك حتى ولو الصامولة هوت شوية ..
وبعض العربيات ما بتحطش التيلة دي ...
ياترى أيهم أفضل ؟

[samirayad]

الله يخليك يادكتور

وعملية تأمين صواميل الرباط بتيلة تأمين من خلف الصاموله

أفضل فنيا بدون أدنى شك
وأأمن فى عمليات الرباط

والدليل على كده بالبلدى برضه

مفيش صرة عجل عربيه بتتجمع على الكبالن بدون تيله أو مسمار خشابى ( كطريقه بلدى )
لضمان عدم حل الصواميل بتاعة العجل مع الأحمال الجانبيه للصرر على الصواميل الكبيره المعروفه بتاعة محاور صرر العجل


نظرا لخطورة دور الأربع صواميل دول ( أثنين أمامى وأثنين خلفى )

على سلامة الركاب أثناء التحرك بالسياره وبالذات على السرعات العاليه

[الصيداح]

جزاكم الله كل خير
بس مفيش أي صور ظاهرة

عفوا ظهرت الصور

جزاكم الله كل خير على التوضيحات
بس ما هي وظائفهم

[samirayad]

بس ما هي وظائفهم

علبة الدركسيون ( الأسكترا ) STEERING GEAR

بتحول الحركه الزاويه لطارة الدركسيون الى حركه خطيه
تفيد فى عمل أزاحه زاويه للعجل الأمامى على المحور الرأسى من خلال أتصال العلبه بصينية الركب الأماميه بمنظومة الأتياش وبيض الدركسيون
وبالتالى توجيه مقدمة السياره فى الأتجاه الذى يريده السائق ( حسب رغبته وحسب ظروف القياده )


المقصات أو control arms


تعمل عملية ربط ميكانيكى بين شاسيه السياره وشمعدان الركب الأماميه المركب عليها العجل الأمامى من خلال بيضة المقص المركبه على نهاية المقص لتحديد زاوية أمالة العجل مع التوجيه أيضا

وتسمح أيضا بحركات تردديه لأعلى وأسفل للعجل بسيطه ( سواء الأثنين أو الواحده فقط )
حسب ظروف الحفر وتضاريس الطريق

[د.محمود صلاح]

م/ سمير جزاك الله خيراً

[zyadahmed]

م/ سمير ازاى حضرتك معلش ليا سؤال متعلق بنفس الموضوع
صوت التزيق فى العربيات مع الطرق الغير ممهدة هل ممكن يكون من ايه غير العفشة
لانى روحت ربطت عفشة ( فيليشيا ) وكشف عليها قال تمام لكن الصوت مازال موجود ومن مناطق كتيرة
مع وجود تزيق بسيط فى الدركسيون لكن من غير بوش هل كده الاسكترا خلاص انتهت
وجزاك الله خيرا

[samirayad]

لو أنت مطمن فعلا لكل مكونات العفشه

وفيه تزييق منعكس على الدركسيون
فكده أنت محتاج تحل الأسكترا وتعمل لها حشو وأعادة تشحيم

دا لو كان التوجيه عندك عباره عن أسكترا عاديه

وممكن برضه تكشف على كاوتش وكراسى تثبيت الأسكترا على صدر غرفة المحرك

أحتمال يكون السبب فى تثبيت الأسكترا نفسها

[A.Saad]

باشمهندس سمير
نورت المنتدى تانى
ممكن طيب شرح ولو امكن مصور لاجزاء العفشة

[samirayad]

الله يخليك يا أحمد باشا

طيب أطلع على المواضيع فى التعليمى
وشوف المواضيع
واللى متلاقيهوش
أحنا حتناقش فيه مع بعض
أصل موضوع توضيح العفشه ده قصه كبيره برضه
فلازم ناخد كل قطعه واحده واحده
ونعرف دورها فى العفشه

[A.Saad]

الله يخليك يا أحمد باشا

طيب أطلع على المواضيع فى التعليمى
وشوف المواضيع
واللى متلاقيهوش
أحنا حتناقش فيه مع بعض
أصل موضوع توضيح العفشه ده قصه كبيره برضه
فلازم ناخد كل قطعه واحده واحده
ونعرف دورها فى العفشه

انا تقريبا اطلعت على اغلب التعليمى
بس شرحك انت بيكون شرح علمى مفصل

[sam_zen_elden]

افادكم الله