امتى يتقال انك قارص على الموتور؟

[tutankhamoun]

يعنى مثلا لو انا ماشى على التانى او على التالت وجيبت 5600 rbm كده هاتطلع 83 حصان

كدا سيادتك هاتحرق الموتور

معناها أن السيارة هاتوصل لكامل قوتها عند 5600 لفة في الدقيقة
و ده ممكن توصله بالخامس و معناه أن سرعة عربيتك هاتوصل فوق ال 150 كم / س

أما عن تغيير السرعة
فيجب الالتزام بالآتي

الأول حتى سرعة 25 و سيقابله 3 RPM
و الثاني حتى 45 كم و سيقابله أيضا 3 RPM
و هكذا عند كل السرعات ......... يجب أن تقوم بتغيير عصا السرعات عند 3000 لفة في الدقيقة أي 3 RPM

أما الخامس فهو مختلف عن باقي السرعات فيمكنك تزويد السرعة و عدد لفات المحرك
و لكن لا ينصح به لأنه يزيد من الاحتكاك بين الأجزاء الميكانيكية للمحرك مما يزيد التآكل و تقليل عمر المحرك و أيضا يقلل عمر الزيت الخاص بالمحرك و يضاعف استهلاك الوقود

RPM عالي = عمر أقصر للمحرك + استهلاك أعلى للوقود

و لا تحاول أن تصل بعدد لفات المحرك لأعلي من 4000 لفة في الدقيقة
و هذه نصيحة حتى تحافظ على محركك و أيضا تقلل أستهلاك الوقود و إن كان أفضل لا تزيد عدد اللفات عن 3000 لفة في الدقيقة

[fahd_628]

3500 لفة دة يا جماعة المعقول فى بعض الأوقات مثلا عاوز تشد او حاجة ممكن عادى تنقل على 6000 Rpm بس طبعا مش كل يوم :) و الا الموتور حيفوت بدرى جدا و الكلام دة تقريبا فى كل العربيات البنزين الحديثة

[tutankhamoun]

باشا ممكن تشوف المانيوال بتاع العربية بتاعتي(regata85 1990 1500cc) و تقولي طيب:

http://myfreefilehosting.com/f/b86865f383_0.83MB

أستاذ محمد عيسى
معظم السيارات تصل لأقصى عزم عند 3 أو 3.5 RPM
و سيارتك الريجاتا تصل لأقصى عزم عند 3500 لفة في الدقيقة
أي يستحسن التغيير للسرعات عند 3 أو 3.5 RPM

[ASD peugeot]

انا مشكلتي اني مش فاهم حاجهاللي اعرفه ان rpm عداد يوضح عدد سرعه لفات المتور تمام كده بس لو العربيه مانوال انت بتدي الغيارات لما دواسه البنزين تخف او كل غيار له سرعته ممكن تقرص شويه وتدي الغيار اللي بعده فهي ايه وظيفته في الموضوع ده لاني عربيتي مفهاش rpm
ارجو الرد ولكم كل الشكر

[tutankhamoun]

انا مشكلتي اني مش فاهم حاجهاللي اعرفه ان rpm عداد يوضح عدد سرعه لفات المتور تمام كده بس لو العربيه مانوال انت بتدي الغيارات لما دواسه البنزين تخف او كل غيار له سرعته ممكن تقرص شويه وتدي الغيار اللي بعده فهي ايه وظيفته في الموضوع ده لاني عربيتي مفهاش rpm
ارجو الرد ولكم كل الشكر

وظيفة عداد لفات المحرك هي معرفة عدد لفاته بالظبط و النقل عند عدد اللفات المظبوط
و وجود سيارات بدون عداد " عدد لفات المحرك " لا يعني أنك تمشي و خلاص من غير ما تعرف السرعة المظبوطة للنقل ...... علشان تحميل زيادة على المحرك يزيد التآكل كما شرحنا من قبل
و تقريبا كل العربيات ال 1500 و ال 1600 سم مكعب يكون النقل فيها كالتالي

الأول عند سرعة 20 أو 25 كم / س
الثاني عند سرعة 40 أو 45 كم / س
الثالث عند سرعة 55 إلى 60 كم / س
الرابع عند سرعة 70 إلى 75 كم / س
و الخامس عند سرعة 80 أو 85 كم / س إلى أقصى سرعة ممكن توصل لها السيارة
و هذا للحفاظ على المحرك

و طبعا لا ينصح اطلاقا بالوصول لسرعات عالية إذا كنت تبحث عن عمر أطول للمحرك و عمر أطول للزيت و عمر أطول للقطع الميكانيكية في المحرك و السيارة بوجه عام .......... و أستهلاك بنزين أقل و كل هذا عند سرعة 90 إلى 100 كم / س

و علشان سؤال حضرتك
عداد عدد لفات المحرك للدقة الأكثر للسائق

لك تحياتي

[oshy]

طيب يا جماعه أنا عربيتى فيات أرجنتا 2000 سى سى موديل 82
و بغير بين 4000 Rpm و 4500 Rpm
أيه النظام؟؟ أكيد هتقولوا ان الموتور هيموت كمان كام شهر:D:D
تمام كده
يبقى السؤال دلوقتى منين أشترى موتور فوليمكس ( 2000 سى سى برضو بس تربو ) ؟؟؟
بس تكون حالته ممتازة
أرجو الإفاده

[DAHB115]

شكرا علي هذه المعلومات الجميله سؤال مهم لمبتدئة ينفع امشي علي الغيار الثاني والثالث فترة طويله علي حسب حاله الطريق.كدا ياثر علي الماتور في حاجه ؟

[M.Mostafa80]

بيتهيئلى حسب معلوماتى البسيطه الى بيتأثر من الموضوع ده هو الأول لكن الباقى كل واحد ليه سرعته وقدام سرعتك ما زدتش عن 45 ك فى الساعه بالنسبه للتانى وعن 70 بالنسبه للثالث فا دا مش هيقصر فى حاجه لأن دى السرعه الطبيعيه بتاعته

[Rembrandt]

شكرا علي هذه المعلومات الجميله سؤال مهم لمبتدئة ينفع امشي علي الغيار الثاني والثالث فترة طويله علي حسب حاله الطريق.كدا ياثر علي الماتور في حاجه ؟

الغرض من النقل هو ترييح الموتور يعنى بعد التالت تقدر تجيب الرابع ومش ضرورى تجرى بلعربية لان الحرق على غيار واحد فترة طويلة مش كويس على الموتور

[ahit]

شكرا علي هذه المعلومات الجميله سؤال مهم لمبتدئة ينفع امشي علي الغيار الثاني والثالث فترة طويله علي حسب حاله الطريق.كدا ياثر علي الماتور في حاجه ؟

طالما بدون جرى و الماتور مستريح يبقى مفيش مشكلة إن شاء الله

[bmw323]

طيب أنا يا جماعة بجيب بالبى أم التانى عندى بجيب بية 60 وببقا حاسس انى لسة مش قارص

[M_Nabil]

طيب أنا يا جماعة بجيب بالبى أم التانى عندى بجيب بية 60 وببقا حاسس انى لسة مش قارص

المهم الـ RPM ميدخلش في الأحمر والعربية تفصال عشان متتعبش الماتور

[highlinker]

انا عربيتي كليو 1400cc 16V
انقل على كام عشان استفيد من اعلى عزم للمتور ؟

[Sharaf2009]

الحقيقه ان تعبير قارص على الموتور الى حد ما نسبى.
الاول خلينى اوضح لك ان فى اكتر من عامل بيعتمد عليه نقل الغيار: العامل الاول: لتحسين استهلاك الوقود
العامل الثانى: للحصول على احسن عزم من المحرك
العامل الثالث: لتقليل الاجهادات على (المحرك واليه الجر)
العامل الرابع: طبيعه اتصال الاطار بالارض والمحل المطلوب (يعنى ماشى على اسفلت - رمل - ثلج - طالع مطلع-......)

علشان كده بتلاقى فى العربيات الحديثه واللى مزوده بأتوماتيك ترانسميشن ان فى زر خاص لتحديد الـ Shifiting mode اللى تنقل التروس بيه (Economy - sport - winter - ...... )

المهم فى ناس تقولك قارص على الموتور ان سرعة دوران المحرك بتوصل الى مثلا 3500 - 4000 وارجع الى الكتالوج . انا عايز اقول انه مش كده بس المهم انك هاتوصل لده خلال زمن اد ايه ويعرف بـ Engine acceleration وكتير من المحركات الحديثه بتحقق العامل ده Response يبقى عالى جدا

الخلاصه: انك تدوسش على الدواسه بمعدل عالى فى الحالات التيه: العربيه محمله - طالع مطلع - بتجر حاجه وراك - المحرك لسه بارد..... كل ده بيمثل أحمال عاليه على المحرك

والرحمه حلوه برده

[nasroo]

طالما بدون جرى و الماتور مستريح يبقى مفيش مشكلة إن شاء الله

هل ده معناه اني ممكن انقل من التالت للرابع على سرعة 50كم؟
ولو كده مش ده مكن يخللي الموتور يسقف ؟
ولا امشي على الغيار لغاية اخره يعني مثلا مانقلش للرابع الا لما اوصل ل60؟