عايز رأي خبير في الدبرياج

[macdiv]

من فضلكم يا ذوي الخبره الفنيه العلميه و العمليه ...... عايز اعرف التالي :
من افضل ... الدبرياج العادي (السلكي ) ام الهيدروليك ام محول العزم او التورك كونفرتر في الفتيس الاوتوماتيك و ذالك من حيث التالي :
1- عمر فاعليه النظام (يعني معمر ولا بيحتاج لصيانه كل شويه )
2- صيانته سهله و لا صعبه و محتاجه ميكانيكي محترف بس و لا لازم التوكيل
3- سعر الصيانه و مدى تكلفتها
4 -مدى تحمل النظام للاستخدام المتكرر في الطرق المذدحمه
كل ما سبق مع الاعتبار ان القياده تتم في الشوارع المصريه الزحمه على طول .. دبرياج ..اول ،،دبرياج تاني ..فرامل ..دبرياج اول ...الخ و متوسط السرعه 40 كم/ساعه .... راحه السواق مش مهمه في المقارنه ...عشان عايز القي الضوء على الآله -الميكانيكا فقط)
ارجو التعليق لتعم الافاده و لكم جزيل الشكر

[macdiv]

:b4_592::b4_592::b4_592:
ايه هو انا عامل مسابقه والا ايه ...انا فعلا عايز اجابه !!!

[sab3aawy]

1-بالنسبة للعمر التورك كونفيرتر اطلوها عمرا، عادة فأن عمره يكون من عمر الفتيس كله وعادة فأنه لا يحدث له شئ ولكن ينتهى عمر الفتيس كله لأى سبب آخر
2- سهولة الصيانة: الدبرياج ابو سلك اسهلها فى الصيانة، يليه الهيدروليك يليه التورك كونفيرتر
3- سعر اصيانة: نفس ترتيب سهولة الصيانة
5- مدى تحمل النظام للاستخدام المتكرر فى الطرق المزدحمة: لا توجد مقاييس هنا، فيه ناس بتهلك دبرياش بسرعة جدا وفيه ناس بتركب العربية لحد ما العربية تعجز وتموت وتندفن ويطلع الدبرياج منها سليم يتركب فى عربية تانية، الفكرة كلها فى اجادة القيادة الاقتصادية، بالنسبة للتورك كونفيرتر فيكاد يكون العامل الوحيد المؤثر عليه هو حالة الزيت، لأن استجابته للغيارات مرتبطة بنظام تحكم السيارة وليس بالسائق

[mohamed777]

هو انتوا بتتكلموا عن دبراج اوتوماتك ولا اية
اية الانواع الغريبة اللي اول مرة اسمع عنها
انا اللي اعرفة عن الدبراج ديسك واسطوانه وبلية

ارجو التوضيح

[semsem_inside]

1-فيه ناس بتهلك دبرياش بسرعة جدا وفيه ناس بتركب العربية لحد ما العربية تعجز وتموت وتندفن ويطلع الدبرياج منها سليم يتركب فى عربية تانية، الفكرة كلها فى اجادة القيادة

ممكن التوضيح أكتر للافادة
وجزاك الله خيرا

[semsem_inside]

هو انتوا بتتكلموا عن دبراج اوتوماتك ولا اية
اية الانواع الغريبة اللي اول مرة اسمع عنها
انا اللي اعرفة عن الدبراج ديسك واسطوانه وبلية

ارجو التوضيح

حضرتك عارف ان الدبرياج راكب بين المحرك و صندوق التروس وانت بتتحكم فى عملية الفصل والوصل من خلال دواسة الدبرياج ودى بتكون متصلة بمجموعة الدبرياج بطريقة من الطرق المذكورة :
- اما عن طريق سلك
- أو عن طريق وصلات هيدروليك
- أو الطريقة الثالثة ودى اللى بتكون موجودة فى الفتيس الأوتوماتيك ويعرف باسم محول العزم ( وده فكرته ببساطة كأنك جبت مروحتين مكتب ووجتهم فى اتجاه بعض وشغلت واحدة والتانية مش شغالة هتلاحظ ان المروحة التانية ابتدت هى كمان تلف وفى نفس الوقت لو وقفت المروحة اللى مش متوصلة بالكهرباء بايدك هتلاقيها وقفت دون التأثير على حركة المروحة الاولى ، وده بالضبط هو اللى بيحصل - المروحة المتحركة اعتبرها الحركة بتاع الموتور والمروحة الثابتة هى الحركة المنقولة من الفتيس لآلات الجر بينما الوسط اللى بتنتقل فيه الحركة هو زيت الفتيس والممثل بالهواء فى المثال بتاعنا )

أرجو أكون وضحتلك الصورة

[mohamed777]

مع الشكر...

[macdiv]

مع الشكر...

حضرتك عارف ان الدبرياج راكب بين المحرك و صندوق التروس وانت بتتحكم فى عملية الفصل والوصل من خلال دواسة الدبرياج ودى بتكون متصلة بمجموعة الدبرياج بطريقة من الطرق المذكورة :
- اما عن طريق سلك
- أو عن طريق وصلات هيدروليك
- أو الطريقة الثالثة ودى اللى بتكون موجودة فى الفتيس الأوتوماتيك ويعرف باسم محول العزم ( وده فكرته ببساطة كأنك جبت مروحتين مكتب ووجتهم فى اتجاه بعض وشغلت واحدة والتانية مش شغالة هتلاحظ ان المروحة التانية ابتدت هى كمان تلف وفى نفس الوقت لو وقفت المروحة اللى مش متوصلة بالكهرباء بايدك هتلاقيها وقفت دون التأثير على حركة المروحة الاولى ، وده بالضبط هو اللى بيحصل - المروحة المتحركة اعتبرها الحركة بتاع الموتور والمروحة الثابتة هى الحركة المنقولة من الفتيس لآلات الجر بينما الوسط اللى بتنتقل فيه الحركة هو زيت الفتيس والممثل بالهواء فى المثال بتاعنا )

أرجو أكون وضحتلك الصورة

1-بالنسبة للعمر التورك كونفيرتر اطلوها عمرا، عادة فأن عمره يكون من عمر الفتيس كله وعادة فأنه لا يحدث له شئ ولكن ينتهى عمر الفتيس كله لأى سبب آخر
2- سهولة الصيانة: الدبرياج ابو سلك اسهلها فى الصيانة، يليه الهيدروليك يليه التورك كونفيرتر
3- سعر اصيانة: نفس ترتيب سهولة الصيانة
5- مدى تحمل النظام للاستخدام المتكرر فى الطرق المزدحمة: لا توجد مقاييس هنا، فيه ناس بتهلك دبرياش بسرعة جدا وفيه ناس بتركب العربية لحد ما العربية تعجز وتموت وتندفن ويطلع الدبرياج منها سليم يتركب فى عربية تانية، الفكرة كلها فى اجادة القيادة الاقتصادية، بالنسبة للتورك كونفيرتر فيكاد يكون العامل الوحيد المؤثر عليه هو حالة الزيت، لأن استجابته للغيارات مرتبطة بنظام تحكم السيارة وليس بالسائق

شكرا ليكم جميعا يا شباب ..