الدوران المضبوط...ازاي؟

[abeeron]

سلام عليكم
ارجو ان تكونوا جميعا بخير
انا مبتدئة جدا في القيادة..باتعلم حاليا وعندي مشكلة كبيرة في تقدير الدوران خصوصا في اي U-Turn حيث لا استطيع تحديد الدوران المناسب بالدركسيون الذي لا يخرجني عن حدود حارتي
وكمان مشكلة التهدئة وتقليل الغيار..التهدئة اثناء الدوران وتقليل الغيار قبله مش كدا؟ ..لكن احيانا العربية تقف مني اثناء الدوران..فهل من نصيحة؟
في انتظار رايكم ..وشكرا

[amrelsaqqa]

ما تبصيش للدركسيون وانتى بتلفى وما تحسبيهاش

بصى على الطريق وقدرى حركة العربية و لفى لحد ما العربية تلف وبعدين لما العربية تتعدل اعدلى الدركسيون بسرعة

هى عملية sense بس ومحدش بيحسبها خصوصا اللف العادى على السرعة البطيئة

[samirayad]

كنصيحه بوجه عام

ياريت تحاولى فى المراحل الأولى من قيادتك للسياره

الحذر الشديد والتعلم على مثل هذه المناورات القياديه فى أماكن غير مذدحمه بالسيارات

أولا .....تجنبا للحرج

وثانيا ....لعدم ألحاق الضرر بسيارتك أو بنفسك أو بسيارات الآخرين

ويمكنك فى البدايه التدرب على مثل هذه الأمور مع أخيكى أو والدك

أو أى قريب من الدرجه الأولى ( مثل العم أو الخال وهكذا )

الى أن يتم ثقلك مهاريا فى كيفية التعامل مع مثل هذه المواقف

بعد هذا ومع أيجاد حسن التصرف

يمكنك قيادة سيارتك لوحدك ....بدون أى قلق

فى أى مكان

وعامة الأمور دى بتيجى بالممارسه واحده واحده

وبالنسبه للدوران

لاتحاولى لف الدركسيون فى أى منعطف الا عندما تكون العجلات الأماميه
أو وأنت جالسه على كرسى القياده أمام زاوية المنعطف تماما
مع التأكد بأنك تبعدين حوالى واحد متر من المنعطف عندما تنوى الأنعطاف

[م.محمد علاء]

كنصيحه بوجه عام

ياريت تحاولى فى المراحل الأولى من قيادتك للسياره

الحذر الشديد والتعلم على مثل هذه المناورات القياديه فى أماكن غير مذدحمه بالسيارات

أولا .....تجنبا للحرج

وثانيا ....لعدم ألحاق الضرر بسيارتك أو بنفسك أو بسيارات الآخرين

ويمكنك فى البدايه التدرب على مثل هذه الأمور مع أخيكى أو والدك

أو أى قريب من الدرجه الأولى ( مثل العم أو الخال وهكذا )

الى أن يتم ثقلك مهاريا فى كيفية التعامل مع مثل هذه المواقف

بعد هذا ومع أيجاد حسن التصرف

يمكنك قيادة سيارتك لوحدك ....بدون أى قلق

فى أى مكان

وعامة الأمور دى بتيجى بالممارسه واحده واحده

وبالنسبه للدوران

لاتحاولى لف الدركسيون فى أى منعطف الا عندما تكون العجلات الأماميه
أو وأنت جالسه على كرسى القياده أمام زاوية المنعطف تماما
مع التأكد بأنك تبعدين حوالى واحد متر من المنعطف عندما تنوى الأنعطاف

حتى فى دى....أستاااااذ..
الله يفتح عليك كمان وكمان يا استااااذ

[samirayad]

ربنا يخليك
ياهندسه

[SkyBird]

عن تجربتي الشخصية
في الدوران لما يكون نهاية الرصيف في حذا نص العربية وبعيد عن العربية مسافة متر تقريبا لفي الدريكسيون على الاخر (ها على الاخر) وانت بتتحركي ببطء
كده هيبقى اسهل ليكي تظبطي وضعك حتى العربية نفسها ممكن تظبط نفسها لو سبتي الطارة

لكن لو لفيتي الدريكسيون نص لفه واتحركتي ممكن تطلعي برة الحارة وفي الحاله دي يا تكملي اللف للاخر بسرعة جدا (وده صعب) او تفقي وترجعي (وده اصعب) بس كله ممكن

مع ملاحظة ان مفيش حد جاي سريع من الشارع اللي هتدخلي فيه لان الاولوية للقادم

جربي الطريقة دي وقولي ايه الاخبار ..

[A.Saad]

http://www.nilemotors.net/Nile/143681-a.html

http://www.nilemotors.net/Nile/127724-a.html

[elewey]

انا اعتقد ان الموضوع دة مش محتاج حسابات خالص هو فى الاول و الاخر ممارسه مع الوقت حتتعودى على ابعاد العربية كويس و الدورنات و كدة

[م. عصام مهنى]

http://www.nilemotors.net/nile/143681-a.html

http://www.nilemotors.net/nile/127724-a.html

على فكرة الموضوعين دول هيتقلوكى فى السواقة أقريهم بتمعن وان طلب الامر احفظيهم والله الموفق
ازيك يا استاذ أحمد
يا باشا أنت فين طمنا عليك
ربنا يطمنا عليك
أخوكم
م.عصام مهنى

[HolyShift]

انا اعتقد ان الموضوع دة مش محتاج حسابات خالص هو فى الاول و الاخر ممارسه مع الوقت حتتعودى على ابعاد العربية كويس و الدورنات و كدة

أفضل ما قيل فى الموضوع .
مع الوقت والممارسه فى الأماكن الفاضيه , هتلاقى نفسك بتقدريها من نفسك من غير حسابات , المهم الجرأه بدون تهور , حاولى يكون احد اهداف تعليمك للقياده تغيير فكره الناس عن قياده السيدات وبالتأكيد حاولى تستمتعى .

[abeeron]

سلام عليكم
شكرا جزيلا لكم جميعا ..انا جربت فعلا النهاردا ولاول مرة اخرج لوحدي الصبح بدري والحمد لله ربنا ستر بدون خسائر في الارواح:) بغض النظر اني ماشية ع الاول والتاني وماباغيرش عند المطبات والمنحنيات لاني بطيئة جدا اصلا
وفعلا زي ما قلتم هي مسالة تقدير او sense وربنا يسهل وتتحسن مع ممارسة اكتر..ومتشكرة جدا جدا لـ م.سمير وSkybird نصايحكم فعلا قيمة وباحاول اطيقها بس انا لسا خايفة اجرب الU-Turn انما هاحاول باذن الله..وكمان باتابع الموضوعين اللي م.أحمد سعد قال عليهم
ووالله انا نفسي ماكونش رقم جديد يضاف للسيدات اللي الناس بتكره قيادتهم..وربنا الاعلم اني اتمنى الا اضر احد ولو حتى بتعطيله ثواني خصوصا مع مشاكل المرور والزحمة ونفاد الصبر
الف شكر لكم ..ربنا يكرمكم ويجازيكم خيرعلى نصائحكم

[A.Saad]

على فكرة الموضوعين دول هيتقلوكى فى السواقة أقريهم بتمعن وان طلب الامر احفظيهم والله الموفق
ازيك يا استاذ أحمد
يا باشا أنت فين طمنا عليك
ربنا يطمنا عليك
أخوكم
م.عصام مهنى

الف شكر على السؤال
انا كان دخولى قليل الفترة اللى فاتت

[محمد عز]

مناورة ال u- turn

تعتبر من اصعب مناورات القيادة

لانها بتطلب تحكم تام بالسيارة

وللاسف صعب المساعدة النظريه

لان المناورة بتعتمد على تصميم فتحة ال U- turn نفسها

وبما اننا فى مصر ومافيش اى حاجة قياسية

هحاول اساعدك على قدر الامكان

انا هعمل موضوع النهارده ان شاء الله مشابه لمواضيع الركن

بالصور ازاى تاخدى ال U-turn بسهولة

[sab3aawy]

كلمة السر هى feed back
يعنى انا لما بلف الديريكسيون مش بقعد ابص على الطارة اشوف انا لفيتها قد ايه، لكن بأخد الfeed back بتاعى من الطريق، يعنى اشوف العربية راحت او رايحة فين وهل هى ماشية زى ما انا عايز او راحت زيادة سوشة او اقل شوية من اللى انا عايزه وارجع احرك الطارة تانى بحسب مقتطيات الموقف، لكن محدش بيروح لافف الطارة من الأول بقدر محسوب مسبقا وبعدين يروح ممشى العربية على هذا القدر ومطرح ما تروح تروح، المسألة ببساطة ان ايدى على الطارة وعينى على الطريق، معلوماتى باخدها من الطريق مش من الطارة، وايدى بتطاوع المعلومات اللى عينى جابتها، وشوية وهيبقى الأمر لا ارادى تماما بيتعمل من غير ما تفكرى

[د.محمود صلاح]

يرجى التدريب الجيد لمدة شهر على الأقل قبل التحرك بالعربية