الدوران المضبوط...ازاي؟

[abeeron]

كلمة السر هى feed back
يعنى انا لما بلف الديريكسيون مش بقعد ابص على الطارة اشوف انا لفيتها قد ايه، لكن بأخد الfeed back بتاعى من الطريق، يعنى اشوف العربية راحت او رايحة فين وهل هى ماشية زى ما انا عايز او راحت زيادة سوشة او اقل شوية من اللى انا عايزه وارجع احرك الطارة تانى بحسب مقتطيات الموقف، لكن محدش بيروح لافف الطارة من الأول بقدر محسوب مسبقا وبعدين يروح ممشى العربية على هذا القدر ومطرح ما تروح تروح، المسألة ببساطة ان ايدى على الطارة وعينى على الطريق، معلوماتى باخدها من الطريق مش من الطارة، وايدى بتطاوع المعلومات اللى عينى جابتها، وشوية وهيبقى الأمر لا ارادى تماما بيتعمل من غير ما تفكرى

شكرا جزيلا ..القلق فقط مرتبط بعدم القدرة على التقدير والضبط بسرعة مع وجود سيارات اخرى..والاصعب اني اكون مثلا بالف شمال لكني مش في اخر حارة شمال وانما اللي يمينها مثلا..فيكون تقدير الدوران اصعب لانه غير مرتبط بالطريق او بالرصيف كدليل وانما السيارة اللي على شمالي... ام ان المفروض الا يلف شمال الا الناس اللي في الشمال تماما وليس الحارة المجاورة لها؟؟
على فكرة مدونة حضرتك ظريفة جدا وموضوعاتك هنا كمان مفيدة جدا..ربنا يكرمك

مناورة ال u- turn

تعتبر من اصعب مناورات القيادة

لانها بتطلب تحكم تام بالسيارة

وللاسف صعب المساعدة النظريه

لان المناورة بتعتمد على تصميم فتحة ال u- turn نفسها

وبما اننا فى مصر ومافيش اى حاجة قياسية

هحاول اساعدك على قدر الامكان

انا هعمل موضوع النهارده ان شاء الله مشابه لمواضيع الركن

بالصور ازاى تاخدى ال u-turn بسهولة

ياريت والله يبقى كتر خير حضرتك جدا لان موضوعاتك موضحة بالصور بشكل رائع جدا ربنا يجعله في ميزان حسناتك ..في انتظار الموضوع ومعلش بنتعبك

يرجى التدريب الجيد لمدة شهر على الأقل قبل التحرك بالعربية

باحاول والله..شكرا جزيلا على نصيحة حضرتك

[Dr.lancer]

[QUOTE=amrelsaqqa;3872585761]ما تبصيش للدركسيون وانتى بتلفى وما تحسبيهاش

بصى على الطريق وقدرى حركة العربية و لفى لحد ما العربية تلف وبعدين لما العربية تتعدل اعدلى الدركسيون بسرعة

هى عملية sense بس ومحدش بيحسبها خصوصا اللف العادى على السرعة البطيئة[/QUOTE

+1

[abeeron]

سلام عليكم
اشكركم مرة اخرى على نصائحكم.. ومعلش استحملوا اسئلتي البدائية:
ما زلت اتساءل: هل الصح في اي U-Turn الا يلفه الا من في الحارة الشمال فقط ام ممكن ايضا حارات مجاورة؟ - لان مشكلتي في هذه النقطة وكيفية الضبط والتوجيه لو لم اكن في الحارة الشمال
وفي انتظار مشاركة م/ محمد عزالدين اللي وعد بها مشكورا في الموضوع
مع خالص شكري لكم جميعا

[SkyBird]

الدوران يكون من الحارة الشمال علشان متقطعيش الطريق على سيارات ممكن تكون مسرعة وتلفي وتاخدي الحارة الشمال برضو في الطريق العكسي........ وفي للطرق السريعة او الصحراوية يعملو حاره شمال زياده للي هيعمل يو ترن بمسافة كافية قبل الدوران وزيها بعد الدوران يعني على الاتجاه الاخر .............

[abeeron]

شكرا جزيلا يا Skybird
بس انا باشوف دايما اكتر من عربية - في اكتر من حارة مش بس الشمال بيلفوا في الU-Turn دا معناه ان كل اللي مش في الحارة الشمال غلطان مش كدا؟

[SkyBird]

نعم لانه بيكون معرض نفسه والاخرين للخطر

[AAAH]

زى ما الاخوة الافاضل قالوا
مسأله تقدير وسينس وهاتتعودى عليها مع الممارسه والوقت

[abeeron]

شكرا جزيلا لنصائحكم
وانا فعلا باحس ببعض التحسن في المرات القليلة اللي بانزلها وان كنت لسا باعاني من عدم ضبط الدوران خصوصا في اي U-turn لو مش بالف جنب الرصيف تماما
ولي تساؤل ياريت تردوا علي فيه: المدرب الاول كان بيقول لي اهدي عند اي دوران او التفاف بالفرامل..مدرب تاني بيقول لي دبرياج+فرامل...بالاضافة لكدا سمعت ان المفروض اخد غيار اقل او الغيار التاني تقريبا وانا بصراحة بارتبك جدا وحاسة ان المطلوب كدا كتير او تنفيذه بسرعة صعب شوية..فمعلش انا مش عارفة ايه الصح وترتيبه ازاي..يعني لو ممكن تحديد الصح ايه في صورة خطوات مرتبة اكون شاكرة جدا لكم

[A.Saad]

انا شايف انك
تكونى جنب الرصيف
تدى اشارة لو مش مشغلاها
تهدى
لو شابفة الدنيا واقفة يبقى اول
لو كويسة يبقى تانى
اكسرى دركسيونك
تبصى يمينك وتاخدى بالك لو فيه حد بيلف معاكى من يمينك وهتلاقى يقرب
يبقى تستنى وتديله كلاكس
لو مفيش
قدرى العربيات اللى جاية من الطريق الرئيسى
ابتدى امشى

موضوع التموير خليه بعدين لما تبقى متمرسة اكتر
خدى الملف دلوقت
فرامل ودبرياج وغيارك اول او تانى
علشان ما تتلخبطيش بالفتيس
لان لو العربية هدت منك اوى
هتجيبى غيار وهتببرجلى اكتر

[DR/WAFEK]

اديكى نصيحه كويسه لما تبقى عند اليوتيرن حاولى بقدر الامكان انك تبقى جنب الرصيف علشان متركزيش غير فى ناحيه واحده واهم حاجه انك مزنقيش على حد وتكونى واخده بالك لحد يكسر عليكى بعد اليوتيرن

[DR/WAFEK]

انا شايف انك
تكونى جنب الرصيف
تدى اشارة لو مش مشغلاها
تهدى
لو شابفة الدنيا واقفة يبقى اول
لو كويسة يبقى تانى
اكسرى دركسيونك
تبصى يمينك وتاخدى بالك لو فيه حد بيلف معاكى من يمينك وهتلاقى يقرب
يبقى تستنى وتديله كلاكس
لو مفيش
قدرى العربيات اللى جاية من الطريق الرئيسى
ابتدى امشى

موضوع التموير خليه بعدين لما تبقى متمرسة اكتر
خدى الملف دلوقت
فرامل ودبرياج وغيارك اول او تانى
علشان ما تتلخبطيش بالفتيس
لان لو العربية هدت منك اوى
هتجيبى غيار وهتببرجلى اكتر

+11111111 ده اللى انا اقصده بالظبط دى فعلا اهم حاجه

[abeeron]

انا شايف انك
تكونى جنب الرصيف
تدى اشارة لو مش مشغلاها
تهدى
لو شابفة الدنيا واقفة يبقى اول
لو كويسة يبقى تانى
اكسرى دركسيونك
تبصى يمينك وتاخدى بالك لو فيه حد بيلف معاكى من يمينك وهتلاقى يقرب
يبقى تستنى وتديله كلاكس
لو مفيش
قدرى العربيات اللى جاية من الطريق الرئيسى
ابتدى امشى

موضوع التموير خليه بعدين لما تبقى متمرسة اكتر
خدى الملف دلوقت
فرامل ودبرياج وغيارك اول او تانى
علشان ما تتلخبطيش بالفتيس
لان لو العربية هدت منك اوى
هتجيبى غيار وهتببرجلى اكتر

الف شكر يا ا. احمد..بس بعد اذنك مافهمتش ايه موضوع التموير؟ وبالنسبة للغيار يكون قبل الملف عموما مش كدا؟؟ يعني الصح: التهدئة قبل الملف وبعدين تنزيل للغيار للثاني (او الاول لو الدنيا واقفة)..بس لو كنت ماشية ع التاني اصلا يبقى خلاص ماغيرش..صح؟ (الا لو هاحتاج انزل للاول مش كدا؟)

اديكى نصيحه كويسه لما تبقى عند اليوتيرن حاولى بقدر الامكان انك تبقى جنب الرصيف علشان متركزيش غير فى ناحيه واحده واهم حاجه انك مزنقيش على حد وتكونى واخده بالك لحد يكسر عليكى بعد اليوتيرن

حضرتك عندك حق..عشان يكون دليلي ثابت وهو الرصيف..متشكرة جدا

ربنا يكرمكم

[amgada7555]

جزاك الله خيرا

[A.Saad]

الف شكر يا ا. احمد..بس بعد اذنك مافهمتش ايه موضوع التموير؟ وبالنسبة للغيار يكون قبل الملف عموما مش كدا؟؟ يعني الصح: التهدئة قبل الملف وبعدين تنزيل للغيار للثاني (او الاول لو الدنيا واقفة)..بس لو كنت ماشية ع التاني اصلا يبقى خلاص ماغيرش..صح؟ (الا لو هاحتاج انزل للاول مش كدا؟)


حضرتك عندك حق..عشان يكون دليلي ثابت وهو الرصيف..متشكرة جدا

ربنا يكرمكم

التموير ده ناس بتمور قبل ما تلف
علشان تحافظ على الكبالن
وما انصحش بكدة للمبتدئين لانه يسبب فى اضطراب ودربكة ليهم

[abeeron]

جزاك الله كل خير يا ا. أحمد
انا فعلا مش مستوعبة موضوع التموير فخليه بعدين لما ربنا يسترها واخد على السواقة اكتر
شكرا جزيلا