غسيل الرداتير ووش السلندر

[ahmedshafei77]

السادة


غسيل الرداتير فى البنزينة هل فيه خطر على وش السلندر

انا عارف انه الموتور بيبقى داير لكن كده مش ميه بارده بتخش على الموتور وهو سخن نار

ده مافيش فيه اذى على وش السلندر

شكرا

[ahmedshafei77]

اين الردود

[astrologer]

اعتقد ان مفيهاش مشكله لانى جربتها قبل كده ومحصلش حاجه

وننتظر راى المختصين +1111111

[piezo]

السلام عليكم اولا
ثانيا انا بريح دماغي من الموضوع ده خالص ان وش السلندر يحصل فيه حاجه انا بروح ديما اركن العربيه قبل ماروح للراجل ليه علشان العربيه تبرد خالص تاني كاني قايم الصبح وقعدلي بتاع نص ساعه مثلا و بفتح الكبوت علشان الحراره الي في غرفة المحرك كلها تطلع بره و تدي فرصه للماتور انه يبرد اسرع و اول ملاقي مؤشر الحراره نزل تحت بقوم مدور وداخل عليه واغسل الدوره وانا مريح دماغي و مطمن كمان

[Ahmed Galal]

هوا ممكن فعلا يبقا فيه تاثير بس عايزة حد يكون حصل معاه مشكلة عشان نتاكد عموما انا بحاول اتفاداهم و اعمل الموضوع بنفسى فى البيت هوا بيبقا كويس بنسبة 70 % عن اللى بيعملوه بافك الخراطيم و اشتغل بخرطوم ميه عادى فى الردياتير و اسيبه يصفى خالص و اقفل و ازود ميه خضرا باغرق الشارع جامد بس ببقا راضى عن الاداء

[AAAH]

هوا ممكن فعلا يبقا فيه تاثير بس عايزة حد يكون حصل معاه مشكلة عشان نتاكد عموما انا بحاول اتفاداهم و اعمل الموضوع بنفسى فى البيت هوا بيبقا كويس بنسبة 70 % عن اللى بيعملوه بافك الخراطيم و اشتغل بخرطوم ميه عادى فى الردياتير و اسيبه يصفى خالص و اقفل و ازود ميه خضرا باغرق الشارع جامد بس ببقا راضى عن الاداء

بخصوص الميه الخضرا
حضرتك بتملأ الردياتير كله ميه خضرا والا بتزود عليها ميه عاديه؟

[Ahmed Galal]

بخصوص الميه الخضرا
حضرتك بتملأ الردياتير كله ميه خضرا والا بتزود عليها ميه عاديه؟

لا طبعا باملاه كله ميه خضرا و ما باستخدمش المية العادية الا فى تنظيفه و باستناه لما يصفى لاخر نقطة

[wghazi]

ممكن تقولنا ازاى نعمل موضوع غسيل الردياتير بالتفصيل عشان انا معنديش اى فكره عن الخطوات ولا ايه اللى يتفك من خراطيم وازاى اعمل دوره الغسيل دى

[Ahmed Galal]

ممكن تقولنا ازاى نعمل موضوع غسيل الردياتير بالتفصيل عشان انا معنديش اى فكره عن الخطوات ولا ايه اللى يتفك من خراطيم وازاى اعمل دوره الغسيل دى

هاقولك على اللى باعمله

1- طبعا هاتوقف العربية فى حتة مستوية و يكون قريب منك خرطوم ميه
2-هاتنزل تحت العربية و تشوف فين العصفورة البلاستيك اللى بتلفها عشان تنزل ميه الردياتير و حاول تجيب طبق صغير تحتها عشان المية تنزل فيه و لو لقيتها ناشفة تلف عليها قماشة و تفكها بكماشة براحة قوى عشان ما تكسرهاش
3-تستنى بقا الردياتير ينزل ميه براحته و فى نفس الوقت طلع قربة الملو و نضفها بره العربية براحتك تضرب فيها خرطوم جامد و لو فيها صدى يبقا تجيب فرشة تنضيف صغيرة و تنضفها من جوه
4-تفك بأه الخراطيم اللى واصلة للردياتير فوق و تحت خرطومين تخان مربوطين بكوليهات يتفكوا بكماشة و تحاول تفك كل خرطوم لوحده و تنزل ميته فى الطبق برده
5-بعد ما كل المية تنزل تمسك بقا الخرطوم بتاع البيت و تضغط على بوزه عشان يزود الضغط شوية و تضرب فى فتحة الردياتير و تدنك بقا تكبس و تغرق الشارع كله و ممكن بردك ترش شوية فى وش العربية من ناحية الشبكة
6-بعد ما تبقا راضى عن النتيجة و شايف المية نازلة من الردياتير صافية سيبه ينزل بردك بواقى المية براحته
7-وصل الخراطيم السودا تانى و اقفل العصفورة بتاعت الردياتير من تحت كويس بقماشة و كماشة على خفيف قوى و ممكن تسد الفتحة بتاعتها بلبيسة قلم جاف عشان تطمن بردك للحبك الكويس الفتحة اللى بتنزل منها الميه و رجع قربة الملو
8-كله كده واصل و تمام ابتدى بقا هات جركن الميه الخضرا و عبى الردياتير و كل ما المية توصل للزور تصبر عليها هاتنزل تانى و تزود لغاية ما تطمن ان العربية خدت كل المية بتاعتها
و بعدين تملا قربة الملو الميه انا باجيبها من كرفور فيه ناس بتقول مش حلوة بس و الله شغالة كويس معايا و لو عاوز تجيب جركن الموبل هايكون افضل بس بضعف التمن و بيتهيا لى محتاج عربية تكون ماشية على السراط المستقيم على طول اما عربيتى فجبتها مستعملة و مش واثق فى الزبون اللى قبلى فباخاف احط مية موبل بردك عشان سمعت ان لو فيه صدى الميه ديه صح و هاتاكله و ممكن تفرول الردياتير يعن كله كلام و الواحد بيستريح للتجربة العملية
9-كل اللى فات و العربية كانت باردة دورها بقا و انت فاتح الغطا بتاع الردياتير و بردك راقب الميه و زود لحد ما تدفى و بعدها بقا لمدة يومين تلاتة تراجع مستوى الميه

كل اللى فات ده اجتهاد منى و ما باقولش انه صح 100% و ممكن يكون فيه اخطاء بس انا باحس ان النتيجة كويسة جدا و عشان المكان مساعدنى اعمل كده

[Matrix_Reloaded]

انا بقالى مرتين بغسل الراديتير (انا بغسلة كل سنة) وبعد ما الراجل يغسلة الاقى المياه بتنقص حوالى لتر كل 5 ايام وده كتير

اروح للميكانيكى اسيب العربية ساعتين كده تبرد وأربط على مسامير وش السلندر الاقيها كانت سايبة بس المشكلة بتتحل

[mohamed777]

انا بقالى مرتين بغسل الراديتير (انا بغسلة كل سنة) وبعد ما الراجل يغسلة الاقى المياه بتنقص حوالى لتر كل 5 ايام وده كتير

اروح للميكانيكى اسيب العربية ساعتين كده تبرد وأربط على مسامير وش السلندر الاقيها كانت سايبة بس المشكلة بتتحل

اية اللي بيخلى مسامير وش السلندر تسيب عندك؟
اية علاقتها بغسيل الردياتير؟

انا عندى الماية بتنقص زيك تقريباً ده ممكن يكون وش السلندر مش مربوط كويس؟؟

[د.محمود صلاح]

لو اتغسل بطريقة صحيحة لا خطورة على الموتور

[mahmoud_e2007]

اية اللي بيخلى مسامير وش السلندر تسيب عندك؟
اية علاقتها بغسيل الردياتير؟

انا عندى الماية بتنقص زيك تقريباً ده ممكن يكون وش السلندر مش مربوط كويس؟؟

معلش يا جماعة انتو بتقولو المياة بتنقص بعد غسيل الريداتير - انا فعلا بعد ما بغسل الريداتير عند الرجل بلاقي بعديها بيومين ثلاثة المياة نقصت تقريبا لتر فبزودها وخلاص دة صح ولا اروح للميكانيكي اقولة وخلية يشوف فية اية وهوا بيشيك علي اية بالظبط.. ولا اروح لبتاع الريداتير

[SkyBird]

لازم تفرغ الهوا من دورة التبريد
في الانسر كريستاله تبقى صاموله صغيرة في الكوعه اللي طالعة من الموتور للخرطوم اللي رايح للرادياتير ومكتوب عليها تحذير انك تخلي بالك انك تفكها والموتور ساخن علشان متتحرقش من المية السخنه
تفك الصاموله لغاية ما تجيب ماية وبعدين تربط عليها

[rasim]

طب ممكن حد يجيب صور الى العمليه
اصل انا عاوز اعمله وخايف شوية