شرح فكرة تقطيع السيارات و استخدامها لتصليح عربيات الحوادث

[islambana]

موضوع جامد وشكرا علي النصيحه

[د.محمود صلاح]

مافيش نصايح لحضرتك بالنسبة للمقبل على شراء المستعمل يعرف منين اذا كانت مقطعة ولا مش مقطعة ؟

[abo_lamar]

موضوع جميل تسلم الأيادي

[TOOLA]

خلاص فكر في الموضوع وعرفنا

ان شاء الله يا باشا أول ما نوصل لقرار هبلغكو ان شاء الله, ربنا يكرم

[TOOLA]

مافيش نصايح لحضرتك بالنسبة للمقبل على شراء المستعمل يعرف منين اذا كانت مقطعة ولا مش مقطعة ؟

بص يا باشا أنا لما كنت بشترى البورا كان ليا 2 أصدقاء فاتحين محل قطع غيار فى الحرفيين و رغم ان العربية كان شكلها نضيف فضلوا يفصصوها حتة حتة و انا مش فاهم هما قلقلين كده ليه خصوصا ان العتب كان راشش (طبعا وجودهم فى الحرفيين مر عليهم كمية عربيات ملحمة خلاهم مقلقين من أى عربية و ده الأنا مكونتش فاهمو ساعتها) و مارتحوش لغاية ماجابوا سمكرى متخصص كشف على البوية كلها و نزل تحت بص على الشاسيه.

عموما هيا شوية حاجات لو شوفتها تبتدى تقلق و لازم فى جميع الأحوال تخلى سمكرى أو بوهيجى ثقة يبص عليها.

1- العتب تحت فى العربيات الملحمة لازم يترش من الجنب عشان يدارى مكان اللحام طبعا (طبعا كتير مننا بيدهن العتب من كتر ما بيدخدش فى الأرصف)
2- القوايم الأمامية تشوفها رشة من برة و من جوة ولا لأ, و من جوة تحل الجلد اللافف حولين القايم و تبص القايم عليه البنط الفيه ولا لأ لأنها طبعا لو مرشوشة مش هتلاقى البنط ديه
(ملحوظة انا دلوقتى ماشى ب فرنا بتاعت الشغل و العربية ديه انا عارف انها عاملة حادثة و مغيرة فردة شاسيه و قايم أمامى فى التوكيل, جيت أحل القايم أبص عليه لقيت الجلد ملزوق و مش عاوز يتحل و تقريبا التوكبل نفسو الصلح العربية هو اللزق الجلد عشان العربية متتشمش و الله أعلم)
و بالتالى لو لقيت الجلد مش بيتحل متبقاش حسن النية و تقول ده عوامل الزمن لأ, كبر و سيبك من العربية و شوف غيرها تقدر تبص على كل الدواخل.
و أخيرا الصنايعى الثقة الهتوديلو العربية لو لقى الحاجات التقلق لازم طبعا يبص على الشاسيه من تحت كويس و يبص على رقم الشاسيه بالمرة واخد دهانات ولا بوية الفابريقة.

[brown-eyes]

انا بردو الموضوع ده كنت لسا بفكر فيه وكنت كاتب موضوع في المنتدي عن طرق ادخال العربيات دي وعموما انا عايش في ايطاليا وبفكر في الموضوع ده ولسا بدرسه عموما ممكن نفيد بعض بمعلومات وان شاء الله خير