عربية مغيرة النص

[abo_lamar]

يعني ايه عربية مغيرة النص ؟؟

[nab!l]

نص العربيه كله متغير
وده غاليا بسبب حادثه جامده
يعنى مغيره كبوت بالقوايم مثلا
او شنطه بالقوايم

[د.محمود صلاح]

وربنا ما يوقعك في واحدة منهم حيث صعبة الإكتشاف على الأشخاص العاديين أمثالنا

[Nader_Mohamed]

على حسب ما عرفت وسمعت ان العربية لما بتعمل حدثة كبيرة والشاسية بيدمر بيغيرو الجزء دة بيقطع باللمبة ويلحم الجديد والنص الجديد ممكن يجى بنفس اللون الاصلى للعربية ويلحم ويرش دواخل على قد اللحام بس وبيعملو حاجة اسمها تعفير فى لغة الصنيعية بمعنى انو بيخفى مطرح اللحام والرش علشان محدش يقدر يكتشفها وطبعا النص الجديد بيكون فبريكة دواخل فمفيش اى حد ممكن يكتشفها غير الصنيعى المحترف. بس المشكلة على حسب ما الناس قليلتى ان العربية الى مغيرة نص بيكون الرسك فى عالى اوى بمعنى انها لو عملت حدثة كبيرة قول بالسلامة للى فيها علشان اللحام مبيكونش بنفس قوة لحام المصنع.

[aid904]

عايز أضيف أن العربيه اللي مغيرة نص بتنزل لنص تمنها

[momo100010]

طب والربع يا جماعة؟
انا صحبي لسه عامل حدثة ومغير ربع خلفى ف التوكيل
ايه النظام سعتها؟؟؟؟؟

[heshamzaky]

زى ما الزملاء قالو باظبط ربنا يبعدك عنها بس عل فكرة صعب جدا اكتشافها الا لو لو حضرتك ذو خبرة غير عادية وتكون ركبت نفس نوع العربية فحافظها انا شفت سمكرى فى اول شارع رمسيس غيرو نصف كامل غى عربية هيونداى ماتركس كل يوم وانا رايح الشغل بشوفها بعد عمل اللحامات ووضع اللباد والموكيت على ارضية العربية ابقى قابلنى لو فقست اللعبة والله انا مكنتش مصدق لانى شوفت العربية اول ما كانت جاية عند السمكرى وشوفتها بعد الدهان يارب ابعد عنا هذا الشر واخر حاجة ممكن يتقال غير كلمة نص كلمة قطمة كاملة

[m_mekkawy]

لو عمل حجتين هيهرشها هيهرشها
يخلع جلد الباب اللى قدام من ع القايم وبعده وطبعا دى نظره وهيعرفها
يرفع العربيه ويبص عليها من تحت لازم يرقى فاصل او حته مش مظبوطه من قدام

[heshamzaky]

لو عمل حجتين هيهرشها هيهرشها
يخلع جلد الباب اللى قدام من ع القايم وبعده وطبعا دى نظره وهيعرفها
يرفع العربيه ويبص عليها من تحت لازم يرقى فاصل او حته مش مظبوطه من قدام

يا باشا النص الكامل بيكون بالقوائم اللحام الى ممكن تشوفة أما لو فكيت فرش السقف ودة أحتمال غير قائم بالمرة أو لو نزلت تحت العربية بس على بيارة يعنى تكون واقف على رجليك تحت العربية كانك نزلت مع العامل فى البنزينة وانت بتغير زيت علشان الؤية تكون واضحة وبعديت هو بيعفر العربية من تحت بلاك علشان ما تبانش تفائلو خيرا وربنا يبعدنا عن الشر والنصب دة بس حيقى بعد ما العربية الى كنت بتكلم عنها خلصت بقت عروسة ولا الهوا باين

[lobna_yaseen]

أنا كنت عاوزه أسأل عن العربيه اللى مغيره نص أو حتى ربع إيه مشكلتها غير الحادثه لو اتعملت يعنى بتقلل من كفاءة السياره ومكوناتها ولاهى عشان لو الواحد عمل حادثه بس لو الواحد عمل حادثه بعربيه جديده ماهو ممكن يموت برضه
أقصد من كلامى إيه عيوب السياره اللى مغيره جزء منها مش بتمشى برضه ولاإيه (خلى عندكم سعة صدر وإنزلوا لمستوى تفكيرى وفهمونى) وشكرا جزيلا

[heshamzaky]

أنا كنت عاوزه أسأل عن العربيه اللى مغيره نص أو حتى ربع إيه مشكلتها غير الحادثه لو اتعملت يعنى بتقلل من كفاءة السياره ومكوناتها ولاهى عشان لو الواحد عمل حادثه بس لو الواحد عمل حادثه بعربيه جديده ماهو ممكن يموت برضه
أقصد من كلامى إيه عيوب السياره اللى مغيره جزء منها مش بتمشى برضه ولاإيه (خلى عندكم سعة صدر وإنزلوا لمستوى تفكيرى وفهمونى) وشكرا جزيلا

العفو يا باشا المشكلة الحقيقية انك لو معاك عربية لا قدر الله تبقى حتفضل فى أرابيزك محدش يرضى يشتريها لو كشفها و يبخس بسعرها الارض حتى لو تم الاصلاح والعربية بقت تمام يعنى بالبلدى العرف فى السوق ان العربية وحشة بس هو دة كل الموضوع

[A.Saad]

أنا كنت عاوزه أسأل عن العربيه اللى مغيره نص أو حتى ربع إيه مشكلتها غير الحادثه لو اتعملت يعنى بتقلل من كفاءة السياره ومكوناتها ولاهى عشان لو الواحد عمل حادثه بس لو الواحد عمل حادثه بعربيه جديده ماهو ممكن يموت برضه
أقصد من كلامى إيه عيوب السياره اللى مغيره جزء منها مش بتمشى برضه ولاإيه (خلى عندكم سعة صدر وإنزلوا لمستوى تفكيرى وفهمونى) وشكرا جزيلا

علشان ممكن تلاقى الشاسيه حصل فيه حاجة بعد كدة


واللى بيموت غير اللى بيكسر

[mabrrok]

فى احتمال تانى لتغيير نص للعربية ، مثلاً انا عندى بارومة جامدة فى نص العربية الخلفى والسمكرى نصحنى بتغيير النص الخلفى بدل الاصلاح علشان يكون اقوى وأمتن يعنى هغير نص من غير حادثة ولا حاجة بس طبعا انا قلقان من الحكاية دى ومش عارف ااتخيل شعورى هيبقى ايه وانا سايق عربية كانت نصين وملحومين ومتخيل كدا انى لو كلت مطب جامد ممكن العربية تتقسم نصين ههههههههه ربنا يستر.

[msnaga]

لا مشكلة على الإطلاق فى تغيير نص أو ربع أو حتى كل صاج السيارة
العربية أصلا بتكون ألواح صاج وفى التصنيع يتم تشكيلها على أجزاء فى اسطمبات بمكابس ضغط عالى جدا
ثم يتم تجميع هذه الأجزاء على امتداد خط الإنتاج بواسطة اللحام المسمى سبوت ويلدنج ، يعنى هى أصلا أجزاء مجمعة باللحام ، وتغيير نص أو ربع و خلافه إذا تم بواسطة سمكرى فاهم ودقيق فى شغله تعود السيارة كما كانت ‘ ولم يحدث أن سمعنا من قبل على سيارة مركبة نص فكت من بعضها وهى ماشية أو فى مطب أو نتيجة خبطه ، أما الحوادث فهى قدار كل لسيارات معرضة له ربنا يكفيكم ويكفينا شرها

[powerofhelll]

بتبقي حوادث جامده جدا الله يعفينا
و بيطر صاحب السياره لتغير ربع او نصف السياره التالف باستعمال خارج طبعا سعر العربيه بينزل كتير و لازم تكشف علي اللحام كل فتره علشان في بعض الحالات ممكن يفك و طبعا بتبقي كارثه



سبحان الله و بحمده سبحان الله العظيم