كاوتش صباب ولا شمبر ولا رشاش ولا موبينة

[mohsen]

لو سمحتوا
ازاى نعرف ان اللى على البوجيه ده زيت ولا بنزين ولو زيت ازاى نعرف انه من كاوتش الصباب ولا من الشمبر ولو بنزين ازاى نعرف انه من رشاش ولا من موبينه

البوجيه لما بيتفك بيكون معرق سائل اصفر فاتح شفاف ريحته تحتوى على بنزين وموجود على السن بالكامل والشمعة بيبقى لونها اصفر فاتح بالظبط كأنها مدهونة وش فلوت

ولكم جزيل الشكر

[samirayad]

أنقل رشاش الغرفه (اللى عليها العين )

لغرفه مظبوطه فى حريق بوجيها

- لو أتنقل العيب معاك وتلوث بوجيه الغرفه السليمه يبقى الرشاش ده وحش

_ لو لم يظهر العيب على بوجيه الغرفه السليمه ( بعد مانقلنا لها الرشاش المشكوك فى أمره )

يبقى عيب الغرفه المضروبه ( كاوتش صباب )
والسائل ده (اللى على البوجيه اللى مزعلنا ) زيت مكنه وعليه نسبة بنزين غير محروقه ( بسبب ضياع شرارة البوجيه لتلوثه بزيت المكنه )

[M.Zaher]

أنقل رشاش الغرفه (اللى عليها العين )

لغرفه مظبوطه فى حريق بوجيها

- لو أتنقل العيب معاك وتلوث بوجيه الغرفه السليمه يبقى الرشاش ده وحش

_ لو لم يظهر العيب على بوجيه الغرفه السليمه ( بعد مانقلنا لها الرشاش المشكوك فى أمره )

يبقى عيب الغرفه المضروبه ( كاوتش صباب )
والسائل ده (اللى على البوجيه اللى مزعلنا ) زيت مكنه وعليه نسبة بنزين غير محروقه ( بسبب ضياع شرارة البوجيه لتلوثه بزيت المكنه )

طب يا هندسه افرض الاربع بوجيهات عايزين نعرفهم و الاربعه بيعرقوا برضوا يبقى ايه المشكله
رشاشات كده صح ولا ايه؟؟؟

[samirayad]

لا مش حيبقى رشاشات
وخللى بالك برضه

اللى عند أخونا : محسن
مش رشاش بيسيل .....لا ده كاوتش صباب

بس حبيت أقوله على فكره لكى يقطع الشك باليقين

الرشاشات لما بتسيل بتهبب البوجيه ومتعملش عليه لون أصفر شفاف

مائل للمعان

وتهبيب البوجيهات بيكون سببه الأساسى أن نسبة البنزين المحقونه من الرشاش كبيره جدا على كمية الأكسجين الموجوده فى الهواء اللى دخل غرفة الحريق وأتقفل عليه وبالتالى بيكون صعب أنها تتحرق بسهوله

لأن تسييل ......عكس التزرير

التسييل ...........فيض من البنزين فى صوره سائله نتيجة عدم مقدرة سوستة قلب الرشاش على رد الفونيه على قاعدتها بأحكام وعدم وجود حبك جيد بين فونية الرشاش وقاعدتها .....مما يودى الى صعوبه فى الحرق نتيجة كون البنزين النازل من الرشاش فى صوره سائله

وبالتالى تكون هباب أسود على رأس البوجيه

التزرير ........دش رشيق من البنزين المضخوخ من فونية الرشاش فى شكل هرم مقلوب قمته عن مركز ضخ البنزين وبالتالى سهل حرقه حرق جيد دون تكوين أى هباب على البوجيه


____________________________________

برضه تقدر تقول أن حرق أى وقود وهو فى صوره قريبه من الحاله السائله بسبب كبر حجم قطرات البنزين (بتبقى شبه خرطوم الميه اللى مش راكب فى نهايته رشاش )

بيكون أصعب كثيرا على شرارة البوجيه

عن مايكون البنزين فى صورة قريبه من الحاله الشبه غازيه بسبب أن زرات البنزين بتكون دقيقه فى الحاله دى

زى ماتكون بترش ميه بخرطوم فى نهايته رشاش ميه أو خانق الخرطوم بين أصبعيك

[M.Zaher]

شكرا يا بشمهندس سمير على المعلومات الجامده دي
بس انا كنت عايز اعرف لو كل البوجيهات بتعرق مش بوجيه واحد فبالتالي مش هانقدر نبدل و نجرب فده بيبقى رشاشات ولا كاوتشه صباب

[samirayad]

أحنا كده أتفقنا أن ده مش عيب رشاش أو رشاشات

ده عيب زيت بيلوث سن البوجيه

_______________________

لما بيكون بوجيه واحده أو أثنين اللى بيحصل عليه لمعة زيت بنتوقع بنسبه عاليه أن ده كاوتش صباب تالف

أما لما بتكون كل البوجيهات هى اللى بتعرق ماده صفراء داكنه ذات ملمس لامع بيبقى صعب معرفة أيه السبب

كاوتش صباب .....ولا شنابر بدأت تخف

__________________________

ولكن من الممكن تقريب التشخيص والوصول الى توقع قريب

لو فتحة فتحة ملىء الزيت والمكنه شغاله ومع الأمبيلهات وحسيت بخروخ نفخ واضح وريحته قريبه من ريحة عادم السياره

يبقى كاوتش صباب المكنه كله بايظ وهنا ممكن نكتفى بالروديه وكاوتش الصباب ( على أساس أن المكنه معقوله فى سحبها ومش محتاجه شنابر حاليا )

ومن جهه أخرى لو حبينا نعرف العيب من الشنابر من الممكن بمتابعة خط الفائظ

على أساس لو تلاحظ خروج زيت ملحوظ رايح الى مجمع سحب المكنه ( المانيفولد )
يبقى شنابر المكنه دى تعبانه وتوقع منها كل شىء

وهنا بأه بنخش فى تغيير شنابر وروديه بالمره


________________________________________


ومن الممكن تحليل وتشخيص الحاله بدقه متناهيه
لو توفر لديك مركز الخدمه الفاهم والقادر على أجراء أختبار كبس صحيح ودقيق

فمن الممكن مع أختبار الكبس توضيح حالة كل شىء

[M.Zaher]

أحنا كده أتفقنا أن ده مش عيب رشاش أو رشاشات

ده عيب زيت بيلوث سن البوجيه

تمام لحد كده

لما بيكون بوجيه واحده أو أثنين اللى بيحصل عليه لمعة زيت بنتوقع بنسبه عاليه أن ده كاوتش صباب تالف

يبقى كده عرفنا امتى نقول كاوتش صباب

أما لما بتكون كل البوجيهات هى اللى بتعرق ماده صفراء داكنه ذات ملمس لامع بيبقى صعب معرفة أيه السبب

كاوتش صباب .....ولا شنابر بدأت تخف

هنا بقى مربط الفرس

لو فتحة فتحة ملىء الزيت والمكنه شغاله ومع الأمبيلهات وحسيت بخروخ نفخ واضح وريحته قريبه من ريحة عادم السياره

هوه ينفع ادور العربيه و فتحة الزيت مفتوحه ؟؟
وايه الامبليهات دي ؟

ومن جهه أخرى لو حبينا نعرف العيب من الشنابر من الممكن بمتابعة خط الفائظ
على أساس لو تلاحظ خروج زيت ملحوظ رايح الى مجمع سحب المكنه ( المانيفولد )
يبقى شنابر المكنه دى تعبانه وتوقع منها كل شىء وهنا بأه بنخش فى تغيير شنابر وروديه بالمره

اللى هوه ده


وهوه مش المفروض الفايظ ده بيطلع الزيت الزياده بتاع المكنه ولا مش ده بتاع الزيت

ومن الممكن تحليل وتشخيص الحاله بدقه متناهيه
لو توفر لديك مركز الخدمه الفاهم والقادر على أجراء أختبار كبس صحيح ودقيق

فمن الممكن مع أختبار الكبس توضيح حالة كل شىء

اكيد طبعا بس الواحد بيحب يتعلم من حضرتك
معلش بقى بنتقل عليك

[samirayad]

هوه ينفع ادور العربيه و فتحة الزيت مفتوحه ؟؟

وماهى المشكله

حتقوللى فيه طرطشة زيت
نعم بس بتكون نسبه خفيفه

وممكن متفتحش الغطاء اللى أما تحتب تكشف

زى الناس اللى بيقعدوا يفرزوا العربيات المستعمله

بيعملوا القصه دى بتاعة الغطاء علشان يطمنوا على الروديه

ويشوفوا المكنه بتنفخ من فوق ولا لا

اللى هوه ده

تمام

وهوه مش المفروض الفايظ ده بيطلع الزيت الزياده بتاع المكنه ولا مش ده بتاع الزيت

الفائظ ....يعنى خط التنفيس أو التهويه عن داخل المكنه والمقصود طبعا بطن المكنه أو الكرتير

لأن أى حيز مغلق لازم نهويه ...وإلا بتخلق ضغوط عاليه جواه
لو فضل مكتوم

ومع حالتنا كمكنه ....
لو كان الفائظ مكتوم .................أيه اللى ممكن يحصل

1- تلف سيلات الكرنك ( أمامى وخلفى )

2- تعرض المكنه للسخونه الشديده

مكتومه وحتطق من جنابها بالمعنى البلدى

وهى دى فايدة خط الفائظ فى أى مكنه أو منظومه هندسيه مغلقه على نفسها

وايه الامبليهات دي ؟

لو دورت المكنه ومسكت بكرة الأكسراتير من عند البوابه أو شديت الواير علشان تزود سرعة المكنه

فهى دى الأمبليهات............صوت ( فووووووووووووووووووو )

[M.Zaher]

الف شكرا ياهندسه على ردودك الجميله دي دايما بنتعلم من حضرتك