نصائح وتعليمات لركن السيارة

[cpt_shawky]

نصائح وتعليمات الركن :

1 - لا تركن عربيتك قدام ميكانيكى ببساطة لأن ده شغلة خلى بالك ممكن ترجع تلاقية رافع عربيتك وبيشتغل فيها

2 - لا تركن سيارتك قدام فرن عيش عشان طوابير العيش وأجارك الله لو العيش ملهلب هيخدوه العيش من هنا على عربيتك منها ويملوهالك ردة

3 - لا تركن عربيتك قدام بقال ( مش سوبر ماركت ) هيقولك بتقطع على اكل عيشة.

3 - لو جيت تركن وواحد قالك فى عربية بتركن هنا وسعادتك نفضتلة وقلتلة 5 دقايق وجاى ذنبك على جنبك صدقنى هيجبلك لورى تحجز عليك عشان تتربى

4 - لا تركن سيارتك جنب اى مقلب زبالة لإن الناس هيعتبروها مقلب زبالة

5 - لا تركن سيارتك تحت اشجار كثيفة لإن الحمام يفضل ......عليها ولامؤخذة

5 - لا تركن سيارتك تحت اشجار ( توت - نبق - الخ ) العيال بيحدفوا عليها حاجات تسقط الشجرة نفسها مش تسقط اللى على الشجرة وطبعا اللى بيحدفوه بعد اما يضرب الشجرة هيضرب عربية سعادتك

6 - لا تركن سيارتك قدام نجار أو حداد أو منجد أجارك الله على كمية المسامير اللى بيرموها ولو قررت تجازف يبقى حاول ترفعها على طووب

7 - لا تعطى اشارة انتظار وتقف صف تانى او صف أول حتى قدام اى سبوبر ماركت مشهور ( المحمل - ابو زكرى - الخ ) هتبص تلاقى العسكرى جايلك يامخالفة يا 5 جنية .

8 - اياك تحط عربيتك فى جراج لإنها برة الجراج هتتخبط وجوة الجراج برضة هتتخبط . صدقنى هتخسر فلوسك على الفاضى

9 - اوعى تركن صف اول قدام محلات من المحالات الكبيرة برضة هتلاقى ناس بتركن عليك صف تانى وتالت

10 - اوعى تركن بشارع مكرم عبيد او اى شارع من شوارع مدينة نصر صف أول مش هطلعها غير تانى يوم الصبح

11 - لو اضطريت تركن صف تانى أو تالت اقفل عربيتك كويس وعشق واديها الغيار الأولانى وشد فرامل اليد وخلى اى حد عايز يطلع عربيتة يضرب دماغة فى الحيط .

11 - برضة لو اضطريت تركن صف تانى أو تالت اقفل عربيتك كويس واوعى تنسى تعشق واديها الغيار الأولانى وشد فرامل اليد عشان لو معملتش كدة وكنت سايبها فى أول شارع هتلاقيها فى أخر الشارع . دى غير العيال الصغيرة هتفتكرها لعبة وتزقها ورا وقدام.

12 - اوعى تركن عربيتك قدام اى محطة سواء مترو أو اتوبيس الباعة المتجولين هيبهدلوهالك .

13 - اوعى تركن عربيتك قدام سايبر أو نت كافية أو اى مدرسة عشان الشباب هيعملوهالك كنبة

14 - اوعى تركن عربيتك على كورنيش النيل عشان العيال الحبيبة .

غير كدة بقى اسمع كلام اى حد يقولك ماتركنش هنا واخويا يركن فين والحورات دى دايما صادقة

[mady88]

ايه ده يا عم ده كده مفيش حد هيركن فى البلد
انا هبنى جراج لنفسى و مش هخلى حد يركن معايا:d

[tutankhamoun]

اللي أحسن من كل الكلام ده أنك تكبر دماغك و تنزل مواصلات أحسن
يبقى كدا مش هاتقلق على مكان الركن
و برضه القاهرة مفيهاش مكان نحترم تركن فيه
-------
و زي ما أحنا قلنا دي مدينة ملاهي كبيرة الكل بيخبط في الكل و لا كأن حاجة حصلت عادي دي عربيات تصادم
...........
و تحيا مصر و يحيا المصريين و تحيا الزحمة

[عزوز]

قفلتها يعنى

[tutankhamoun]

قفلتها يعنى

هـــــــي متــــــقفلة جاهــــــــــز

[ahmedezzat78]

احسن حاجه الواحد يكهرب العربيه

واذا ما جابتش نتيجه يولع فيها

[Nader]

كل واحد ياخد عربيتة في ايدة وهو ماشي!!

[MoToRiZeR]

واحد صاحبي كنت بسأله علي اقتراح ساعة ما مفاتيح عربيتي ضاعت و كنت خايف تتسرق
قاللي اقتراح ظريف جدا يتفع في الموضوع ده .. قاللي انا عشان مضيعش المفاتيح بعلقها بسلسلة في رقبتي
فا بما ان المفاتيح بتاعتك ضاعت خلاص فا انت تجيب جنزير و تعلق العربية نفسها في رقبتك

[tmz9111]

ٌقتراحات مفيدة

[ms3111]

thanx for your advice it's realy in our life we see all of that :))))

[segsauer]

كل واحد ياخد عربيتة في ايدة وهو ماشي!!

+100000000
هو ده الحل

[major_memo]

كدة مبقاش في حتة يتركن فيها
انا هفضل ماشي بالعربية لحد ما البنزين يخلص وهيا ونصيبها بقي تقف في اي حتة

[HRH_Sameh]

ههههههههههههه
موضوع جامد جدا وكلام سليم :)