طريقة تخزين السيارة

[elkenzy]

السلام عليكم

أنا عندى سيارة 128 وكنت عايز ارفعها لظروف سفر وذلك لمدة طويلة

كنت عايز اعرف ايه اللى اعمله من حيث حفظ البطارية والكاوتش والتنك والريداتير

وكل شيئ بالتفصيل

وجزاكم الله كل الخير

[rouaame]

روح أى بنزينة وهما هايعملوا الواجب

[elkenzy]

أنا كنت عايز اعرف الطريقة وعشان اتعلمها
وشكرا لردك


متااااااااااااااابع

[amrelsaqqa]

فك البطارية و فضيها من المية
وسيبها شوية مقلوبة تصفى المية اللى كانت فيها
بعد كدة اشطفها 3 مرات وما تزودش عن كدة
وبعدين املاها مية و حط عليها في كل ربع شوية كرباناتو
وسيبها شوية و بعدين فضيها خالص و اقلبها وسيبها مقلوبة
--------

بعد كدة في العربية نفسها
هتفضى الردياتير عن طريق الحنفية او الطبة اللى من تحت

بعدين هتجيب 4 قرم خشب يكونوا متساويين وكويسين
وتجرش العربية في مكان كويس وجاف عشان البرومة
ويستحسن تدخل الجراج بضهرك
تحط قوالب طوب عند العجل
وترفع بالكوريك من عند كل عجلة ورا وتحط الخشب و تنزل الكوريك وتسيبها على الخشب

من قدام هتيجى ترفع العربية من النص من تحت من مكان قوى وثابت في الشاسيه بالكوريك و تحط القرمتين الخشب و تنزل الكوريك وتسيبها على الخشب
وبكدة العربية اترفعت و بالنسبة لتنك البنزين مش مهم ممكن تسيبه ع النص مثلا عادى مش هيحصل حاجة ، وعشان تبقى سهلة لما تيجى تنزلها بعد كدة

بالنسبة للزيت في ناس بتنزله وناس بتخليه
بس اعمل حسابك كدة كدة انك هتغيره لما تنزل العربية تانى
والافضل تسيبه بدل ما تنزل العربية بعد كدة وتدورها وتنسى ان مكنش فيها زيت والموتور يحصله حاجة


ده كل الموضوع ببساطة بس خلى بالك من حتة الرفع بالكوريك لأنها اخطر حتة ولازم تكون عارف كويس عربيتك بتترفع اازاى ولازم حد يكون معاك

[elkenzy]

ألف شكر ليك اخ عمرو على ردك


وياريت لو فى حد عنده معلومة مايبخل علينا

[rouaame]

أ/عمرو السقا
ردك ممتاز جدا