مالفرق بين انواع البوجيهات ngk

[sammor_28]

كنت عاوز اغير البوجيهات بتاعت عربيتي ولقيت بوجيهات NGK باسعار مختلفه يعني:

1.لقيت بوجيه اربع علب كل علبه جواها بوجيه 1 شمعه ب40 جنيه

2.نفس العلب بنفس البوجيهات ب50 جنيه

3.ورقه كرتون تضم اربع بوجيهات مع بعض NGK ب25 جنيه

المهم ان في ناس قالتلي ان في بوجيه عادي وبوجيه الكتروني وابو 25 جنيه ده عادي هل الكلام ده صح ولا ايه؟

وانا معايا افيو لو ركبتلها البوجيهات ام 25 جنيه دي عادي ولا تعمل مشكله وايه خطوره المشكله لو في؟

للعلم : انا بسأل لأني عاوز اغير البوجيهات ولما لقيت الأسعار المتفاوته دي قلت اسالكم وانا مش بسترخص للعربيه انا عاوز اركب النظيف

ملحوظه: كل البوجيهات مفحور عليها كلمه Japan

مستني منكم الأفاده وعذرا عالأطاله

[SkyBird]

ياريبت تكتب الاكواد المطبوعه على كل نوع

[sammor_28]

للأسف مش هقدر لأني كنت شفتهم عند بتوع قطع الغيار وللأسف ما اخدتش الأكواد الموجوده عليهم

مستني ردودكم

[samirayad]

1.لقيت بوجيه اربع علب كل علبه جواها بوجيه 1 شمعه ب40 جنيه

ركب دول وتوكل على الله

[M.Zaher]

ركب دول وتوكل على الله

+1111111111

[sammor_28]

شكرا ليكم ياشباب على ردكم واهتمامكم

[SkyBird]

بص على الكود
لو عربيتك انجكشن يبقى الكود اللي فيه حرف r
لو عربيتك كاربارتير يبقى الشمعه العادية الكود لا يحتوي على حرف r
لو بتسافر كثير وتحب الجري يبقى تجيب شمعه بارده الكود يبقى فيه رقم 7
لو استخدامك عادي يبقى شمعه متوسطه والكود فيه رقم 6
لو استخدامك للعربية قليل يبقى شمعه ساخنه والكود فيه رقم 5

فرق الاسعار بيكون من التفاوت ده
ومش حكايه ان السعر غالي يبقى الشمعه كويسه في الاخر كلهم شمعات ngk بس المهم تختار صح

[sammor_28]

شكرا ليك skybird

[SkyBird]

احب اضيف حاجه
ان الكود اللي فيه حرف r والمقصود بيها البوجيهات resistor لازم وضروري للعربيات اللي فيها كمبيوتر
علشان البوجيهات دي بتعزل المجال الكهرومغناطيسي الناتج عنها
واللي ممكن يبرجل العربية اللي فيها كمبيوتر
انا قلت في المشاركه السابقه نستعمل NGK "R" للعربيات الانجكشن وكنت اقصد بيها العربيات الحديثه اللي فيها كمبيوتر
والبوجيهات دي هي اللي اعتقد انها تكون سعرها غالي اما لو العربيه مفيهاش كمبيوتر فملوش لازمه ترمي فلوسك على الارض والمفروض تشتري البوجيهات الرخيصه العاديه

[aboo_aead]

معلومات مهمة جدااااااااااااااااااااااا

[m.aligamal]

شكرا sky على التوضيح الجامد ممكن اعرف الاكواد الى بتقول عليها دى بتكون فين بالظبط على البوجيه نفسه ولا العلبه ولا فين !!

[SkyBird]

مطبوع على العلبة ومطبوع على البوجيه نفسه

شوف الصورة دي لبوجيهات عادية مش resistor

[m.aligamal]

انا شفت الصوره يباشا فين بقا الرقم هل bp6ey

[m.aligamal]

ولا الاستوك نمبر 6036

[ahmedbasto]

طب والكود دة ببيبقى وجود فين فى البوجيه