ماذا افعل للمكنه الخفيفه

[misoalex]

الموتور عندى بقاله فتره ادائه سيئ للغايه قولت اعمل بنصيحه اخوانى هنا فى المنتدى واغير بوجيهات وطقم كهربا
فكيت ال 4 بوجيهات لاقيت عليهم زيت
بس مش على الشمعه لا على القلاوظ بتاع البوجيهات

جبت 4 بوجيهات سن قصير وركبتهم وامرى لله وبرضه اداء الموتور متحسنش كتير لكن احسن من الاول

المشكله دلوقتى ان المكنه كده عاوزه شنبر او الله اعلم عاوزه عمره كامله

طب ازاى احافظ عليها الفتره الجايه دى لانى مش حعمل طقم شنبر دلوقتى
وهل فيه زيت معين استعمله ولا عادى انا بستعمل التعاون عشان تقيل
والحرق على الغيارات حيقصف عمرها

وهل المكنه كده تستحمل جرى وسفر ولا كده خلاص مينفش اسافر بيها

يعنى عاوز اعرف كل الاحتياطات الى اعملها لاطاله عمر المكنه

[samirayad]

ياريت صوره للمنظر العام للمكنه وبالذات من عند منطقة البوجيهات

وياريت تكتب الأرقام والحروف اللى على علبة البوجيهات أو البوجيه

نفسه مع أيضاح نوع البوجيه المركب حاليا

[misoalex]

ياريت صوره للمنظر العام للمكنه وبالذات من عند منطقة البوجيهات

وياريت تكتب الأرقام والحروف اللى على علبة البوجيهات أو البوجيه

نفسه مع أيضاح نوع البوجيه المركب حاليا

حاضر بس هو البوجيه صينى ب 4 جنيه
انا جبت فرنساوى بس لما لاقيت كده المكانيكى قالى حرام عليك تركبهم بترمى فلوس على الارض هات الصينى لان المكنه كده تعبانه
فرجعتهم وجبت الصينى سن قصير
واصور المكنه من بره ولا احل البوجيهات انا عندى البوجيهات القديمه حصورها كمان

[kaza]

حاضر بس هو البوجيه صينى ب 4 جنيه
انا جبت فرنساوى بس لما لاقيت كده المكانيكى قالى حرام عليك تركبهم بترمى فلوس على الارض هات الصينى لان المكنه كده تعبانه
فرجعتهم وجبت الصينى سن قصير
واصور المكنه من بره ولا احل البوجيهات انا عندى البوجيهات القديمه حصورها كمان

الحل الوحيد للماكينة الخفيفة غير العمرة هو الزبت الثقيل وتغييرة علي فترات لا تزيد عن 1500-2000 كم وطبعا الفلتر تتابع تغيرة زي المعدل العادي بتاعك كل 5000 كم علشان تقلل من وجود الرواسب الكربونية في المحرك نظرا لاحتراق الزيت وطبعا وجود الرواسب دى هو اللي بيؤذي المحرك اكتر ويزيد معدل النحر فية لان جزيئات الكربون بتعمل زي الصنفرة تحت ظروف التشغيل اما بالنسبة للسفر والمشي بالعربية طالما انت مابتحملش جامد علي المحرك هيصمد معاك وهو عموما فية خطورة تتناسب طرديا مع زيادة عدد اللفات للمحرك نظرا لضعف مخدة الزيت بين الاجزاء وبعضها وبالاخص الكراسي الرئيسية والبيلات هما اللي بيتاثروا جامد من قلة التزييت

[kaza]

الحل الوحيد للماكينة الخفيفة غير العمرة هو الزبت الثقيل وتغييرة علي فترات لا تزيد عن 1500-2000 كم وطبعا الفلتر تتابع تغيرة زي المعدل العادي بتاعك كل 5000 كم علشان تقلل من وجود الرواسب الكربونية في المحرك نظرا لاحتراق الزيت وطبعا وجود الرواسب دى هو اللي بيؤذي المحرك اكتر ويزيد معدل النحر فية لان جزيئات الكربون بتعمل زي الصنفرة تحت ظروف التشغيل اما بالنسبة للسفر والمشي بالعربية طالما انت مابتحملش جامد علي المحرك هيصمد معاك وهو عموما فية خطورة تتناسب طرديا مع زيادة عدد اللفات للمحرك نظرا لضعف مخدة الزيت بين الاجزاء وبعضها وبالاخص الكراسي الرئيسية والبيلات هما اللي بيتاثروا جامد من قلة التزييت

اة وطبعا البوجيهات ذات القلاوظ القصير او السن القصير .. لك تحياتي

[مواطن مصرى]

لو المكنه خفيفه عندك 4 حاجات لازم تعملها علشان متزيدش الحاله اكثر

1- استخدم زيت ثقيل (التعاون اللبنى او كالتكس الاسود) و غيره على 1500 كيلو و راعى انك تنظف فلتر الزيت كل مره و تغيره كل مرتين تغيير زيت

2- لو العربيه بتدخن اسود جامد حط زيت شنبر مع زيت الموتور كل مره تغير فيها الزيت

3- استخدم بوجيهات سنها قصير و بلاش البوجيهات الصينى فيه بوجيهات دنسو سنها قصير الطاقم بـ 24 او 28 جنيه مش فاكر بالضبط

4- اوعى تقرص على المكنه بمعنى ما تجريش و لا تطلع فجأه و لا تشد مع حد و لا الكلام ده لانك بكده هتقصف الباقى من عمرها

مع مراعاه ان كل ما سبق حلول مؤقته الى ان يكرمك الله من فضله و تغير طاقم الشنبر او تعمل عمره ...