مشكلة ثقافية

[aamin]

السلام عليكم
عندي مشكلة ثقافية من الدرجة الأولى نشأت نتيجة تعدد مصادر تعليم القيادة، فهناك من يقول إياك إياك من استخدام الدبرياج للتحكم في سرعة السيارة (عند الملفات أو لتقليل السرعة) وأن جل استخدامه في النقل بين الغيارات فقط (مدرسة إياك)، وهناك من يقول لي أن السواقة دبرياج، وأنه هام جدًا في المطبات والملفات والتحكم في السرعات (مدرسة السواقة دبرياج)، وأنا في حيرة من أمري وفي كل مرة استخدم الدبرياج وفقا للمدرسة الثانية أشعر بتأنيب ضمير، فما هي الاستخدامات الصحيحة للدبرياج؟

[memo_hefnawy]

وعليكم السلام و رحمة الله و بركاته

شوف يا أستاذ أمين :

الشئ لو زاد عن حده يتقلب ضده

السواقة دبرياج صح بس فى الوقت نفسه مش عمال على بطال فى الملفات ممكن تسقط نقله لو الملف جامد بس مش تسقيط أوى يعنى ماتكونش ماشى 120 و تنزل من الخامس للتالت و مش عمال على بطال فى كل الملفات
فى المطبات الصح إنك بتهدى و تمور و إنت داخل على المطب و تنقل و تعشق بعد ما العجل الأمامى يعدى من المطب مباشرة بتنقل و تطلع

تهدية السرعه بالنقلات العكسية مالوش لازمة إلا فى حالة واحده و بس إن كاوتش فرقع و عشان لو دوست فرامل العربية مش هاتقدر تتحكم فيها فعشان كده بتسقط نقلات على ما العربية تهدى و تدوس فرامل واحدة واحده

من الحاجات الغلط إنك تريح رجلك على الدبرياج كثيير لأن ده بهلك الإسطوانه
إتعود إمشى على النقلة المناسبة للسرعه بدون ترييح على الدبرياج

بس و أى إستفسارات إسأل و لو عندى الإجابة مش هاتأخر إن شاء الله

[Xpert]

وعليكم السلام و رحمة الله و بركاته

شوف يا أستاذ أمين :

الشئ لو زاد عن حده يتقلب ضده

السواقة دبرياج صح بس فى الوقت نفسه مش عمال على بطال فى الملفات ممكن تسقط نقله لو الملف جامد بس مش تسقيط أوى يعنى ماتكونش ماشى 120 و تنزل من الخامس للتالت و مش عمال على بطال فى كل الملفات
فى المطبات الصح إنك بتهدى و تمور و إنت داخل على المطب و تنقل و تعشق بعد ما العجل الأمامى يعدى من المطب مباشرة بتنقل و تطلع

تهدية السرعه بالنقلات العكسية مالوش لازمة إلا فى حالة واحده و بس إن كاوتش فرقع و عشان لو دوست فرامل العربية مش هاتقدر تتحكم فيها فعشان كده بتسقط نقلات على ما العربية تهدى و تدوس فرامل واحدة واحده

من الحاجات الغلط إنك تريح رجلك على الدبرياج كثيير لأن ده بهلك الإسطوانه
إتعود إمشى على النقلة المناسبة للسرعه بدون ترييح على الدبرياج

بس و أى إستفسارات إسأل و لو عندى الإجابة مش هاتأخر إن شاء الله

باشا ... يا بــاشا ... باشا ..هههه
كلام الاخ ميمو طبعاً مفيش بعده كلام .. بس بص .. قاعده عامه بقي ...
استخدام الدبرياج في حاله تغير الغيار فقط .. يعني .. لو انا داخل ملف بسرعه متوسطه .. مش هاحتاج اغير الغيارات و بالتالي مش هادوس دبرياج .. لو انا داخل بسرعه .. و بهدي طبعاً .. و هاهدي و اغير نقله عكسيه (هيا اسمها كده) .. يعني هاسقط غيار من الرابع للتالت مثلاً .. فهاحتاج ادوس دبرياج ..
و المطبات نفس النظام ..
تدوس دبرياج بس لما تحتاج تغير .. غير كده ممكن تهدي بالفرامل عادي (خد بالك لو الفرامل وحشه او حاجه ممكن العربيه تحدف مثلاً) .. انا عن نفسي باسوق كده و باركب اكتر من عربيه و باسوق كده .. بس لازم تكون واخد علي العربيه اللي انت سايقها ..

[sab3aawy]

استعمال الدبرياج يكون دايما فى أضيق الحدود لأن التحميل العكسى على المحرك (يعنى لم تكون بتهدى وسايب العربية معشقة) بيساعد فى انتظام التآكل فى المحرك مما يزيد من عمره، ده طبعا الى جانب الحفاظ على مجمعة الدبرياج، لكن طبعا السلامة اولا، يعنى لو فى موقف الدبرياج هيسعفنى فيه لازم ادوس دبرياج ضاربا عرض الحائط بكل العومال الأخرى

[magomago]

يعنى لو فى موقف الدبرياج هيسعفنى فيه لازم ادوس دبرياج ضاربا عرض الحائط بكل العومال الأخرى

مش فاهم الجزء ده ..... ممكن شرح ؟؟
:o:o:o:o:o:o:o:o:o:o