ماهى مسببات تلف عمود الكرنك

[kantoosh]

يا جماعه انا طلع العيب عندى ان عامود الكرنك اتكسر منى وانا ماشى وكانت فيها زيت وما سخنتش وكنت ماشى على 90 او 100 على الاكثر وانا مؤمن جدا بالقدر بس لكل حاجه سبب نفسى اعرف ايه السبب اللى يخلى عامود الكرنك ينكسر نصين لوحده علشان نستفيد جميعا وشكرا


_________________________

تم تنقيح صيغة العنوان بصيغه أشيك

مشرف الورشه

[mohmdomar]

كنت بتسمع صوت تخبيط او دق قبل ما ينكسر؟؟

[M.Zaher]

ياريت بياناتك
العربيه نوعها ايه ؟
عامله كام كيلو ؟
اخر الصيانات اللى اتعملت فيها ايه؟

[gazzar91]

ممكن كان في كونسرته سايبه من البيئل و طبعا دب دب دب دب... الكرنك راح لفظ أنفاسه الأخيرة تحت إجهاد الصدم اللبسبب البيئل...
و إن شاء الله الباشمهندس سمير يخش يقول لحضرتك و يقولنا الزتونة d: ... و الله أعلم
في رعاية الله

[samirayad]

طيب يورينا صوره أنكسر منين بالضبط

وغالبا أنا أشك أنه أنكسر من عند كرسى من كراسى التحميل بسبب
أنسداد خرم توزيع الزيت لهذا الكرسى

طبعا الخرم لما أتسد ....لم يتم تزييت الكرسى ده بصوره جيده

أو مفيش زيت كان رايحله أساسا

وبالتالى حصل قفشان غير مرئى لمنطقة التحميل على هذا الكرسى

أتحرقت المنطقه د ى ....ومع وجود أجهاد لى عالى ( لأن الكرنك قافش فى المنطقه دى بسبب عدم التزييت وجهد أو عزم

الدوران العالى لعمود الكرنك )

حصل المراد وأنكسر الكرنك نصفين

[opa optra]

اخوي الغالي كسر عمود الكرنك او تلفه وخاصة ما يحدث بالسيارات الاوتوماتيك:

وذلك يحدث بسبب عدم انتظار اشارة الهولد في الطبلون عند تشغيل الكونتاكت ولو تلاحظ لما تجي تشغل الكونتاكت يطلعلك صوت تجهيز واستعداد لكمبيوتر السيارة لان الماتور في هاللحظة توصله الكهرباء والبنزين ولذلك يجب عدم التسرع في تشغيل السيارة مثل سيارات المانوال

مع العلم بعدم تحريك ناقل الحركة الا بعد اتمام تشغيل السيارة بالكآآآمل

لاني مريت بهالتجربة وكانت سيارتي كامري 2005 وكلفتني 12000 ريال فأتمنى الحذر

اخوكم في الله سيف ...