طريقة الفرامل الصحيحة

[N.a.j.d]

هدي ف الفرامل ودوس ع الدبرياج

[agwaa]

فى ناس كتير جداً تدوس دبرياج الاول وبعدين فرامل ، بس الاصح انك تهدى بالفرامل وقبل ماتقف خالص تدوس دبرياج لان كده الموتور هيساعد فى ايقاف السياره والحفاظ على اتزانها خصوصاً فى المنعطفات وهيوفر استهلاك الفرامل والدبرياج .

111111111111111+
:b4_388:

[M.Osman]

والله دى مشكلة فعلا لانى من الناس اللى لا اراديا بتدوس دبرياج وفرامل مع بعض حتى لو لمجرد انى اهدى حادجة بسيطة
ومش عارفة اعود نفسى على الفرامل بس ابدا
ياترى فيه طريقة معينة ممكن تنفعنى فى تغيير العادة السيئة دى

انا كنت كده من فترة قريبة و بدأت اتعود و الحل هو التدريب فعلاً ترك مسافة أمان بينك و بين العربية اللي امامك عشان تبقى مرتاح و انت بتدرب

[dolly13]

انا فعلا بدات اتدرب النهارده لكن لا حياة لمن تنادى
لا اراديا الاقى رجلى الاول على الدبرياج

[lastknight]

يا جماعة - بعد اذنكم- أنا فى نقطة تاعبانى فى الفهم :

ازاى الموتور وهو وظيفته يجرى بالعربية ( عن طريق أجهزة نقل الحركة , و اللى بنفصلها عن الموتور لما ندوس دبرياج) حيساعد فى الفرملة لما ماندوسش دبرياج؟؟

[DrMax]

انا طول عمرى اعرف ان لازم ادوس دبرياج قبل الفرامل عشان افصل حركة الفتيس وحركة الموتور
لكن فى اعتقادى الطريقة اللى قال عليها البعض ان الواحد ميدوسش دبرياج عشان العربية تقف اسرع !!!! الواحد كده بيحمل عالفتيس وده فى رايى غلط...الله اعلم ده صح ولا غلط بس ده ريالى على حد علمى يعنى
منتظر راى المتخصصين

[SunSet]

انا علموني ادوس ديبرياج الأول عشان أقلل السرعة وفي الأخر ادوس فرامل خفيف

للأسف لما بدأت أسوق لوحدي العربية بتقف مني من الحركة دي وبتبقى فضائح في الشوارع

وجالي إكتئاب وإحباط جامد

[moh19227]

الخلاصه يا بشوات :)
لما تحتاج انك تقف بسرعه يعني حاجه فجائيه متدوس علي الدبرياج ودوس فرامل بس علشان الموتور بيساعد في تهديه العربيه هتقولي ازاي الموتور بيهدي العربيه هقولك جرب امشي علي الغيار التاني علي 60 او 70 مثلا وشيل رجلك من علي البنزين من غير متدوس علي اي حاجه والعربيه لسا علي التاني هتلاقي العربيه بتهدي سرعتها بطريقه ملحوظه كأنك محمل فرامل خفيفه
جرب الموضوع ده تاني بس بدل متشيل رجلك من ع البنزين مور العربيه هتلاقي العربيه ماشيه عادي جدا ولا الهوا واول متمور العربيه هتحس انها اخدت دفعه بسيطه كده علشان انت فكيت مسكة الموتور
اما لو ماشي عادي ومفيش اي حاجه استثنائيه مور الاول وبعد كده حمل سنه سنه علي الفرامل
انا في الاول كنت مع اي فرامل ادوس دبرياج وده طبعا غلط بس مع التعود الحمد لله بقيت ادوس علي الفرامل بس ولما العربيه تهدي خالص قبل متبطل ادوس دبرياج
وكلام دوس الفرامل من غير دبرياج جربته كتير وفعلا بيفرق وسمعته من سواقين كتير
وكترت عليكم :)
سلام

[aboharb]

رجلك على الدبرياج والفرامل

رجلك على الدبرياج والفرامل ده كلمه مش هنساها علمهالى المعلم اللى علمنى السواقه قالى قاعده مهمه عند مفارق الشوارع او الدورنات او نيو تيرن او قبل المطبات الصناعيه وكان ارجل كبير ومخضرم صعب اوى النهارده اقول انه علمنى غلط