البلف النيكل

[megaman]

بالنسبه للبلوف النيكل هل فعلا عمرها طويل وليس فيها مشاكل وتتفوق على البلف العادى الكاوتش ولا ده كله كلام فاضى وهل فعلا البلف العادى له مدة صلاحيه بعدها ممكن ينفس او ينفجر خصوصا ان بتاع الكاوتش قالى سعرهم الواحد 30 جنيه وهل الفرق يستاهل علما بان الجنط عاده اصلى

[elewey]

انا اعتقد انهم منظر بس ميفرقش يعنى عن البلف العادى فى حاجة وبعدين مفيش بلف بينفجر هو بينفس بس و تروح تغيرة 5 جنيه و خلاص

[zanativich]

انا مركبه عندى من شهرين كده
والواحد ب 5 جنيه تقريبا
وزى الفل ما فيش منه مشاكل يعنى

[د. علاء ابراهيم]

كانت لى تجربة مع البلف العادى
كنت قاعد قرب من السيارة و فوجئت بصوت هواء قوى و كان حد خرم فردة الكاوتش بمسمار ( فشششششششششششششششششششش) و كنت مستغرب جدا لان السيارة كانت مركونة
المهم طلعت ابص لقيت فردة من الاربعة نايمه على الارض
غيرتها و ركبت الاستبن
ثم فى صباح اليوم التالى زهبت لبتاع الكاوتش و كشف على العجلة
و لم يجد بها شىء
و اكتشفنا ان البلف اهو السبب ( جزء من الكاوتش بتاعه مع الوقت عمل حاجة زى البلونه و ضعف تحت ضغط الهواء داخل فردة الكاوتش فالجزء ده انفجر و سرب الهواء فى ثوانى معدودة) فغيرنا البلف

ثم سمعت عن البلف الحديد و ان الموضوع ده ما بيحصلش فيه
ثم مرت الايام و رايته فوجدت ان البلف بالكامل مافيش اى كاوتش ظاهر منه ( تقريبا الاجزاء الكاوتش محمية بداخل الهيكل الحديد الصلب يعنى حتى لو عليها ضغط شديد من الداخل فجسم البلف الصلب سيدعمها من الخارج لبمنع تاثر الكاوتش و ضعفه تحت ضغط الاهواء القادم من داخل فردة الكاوتش)
و ركبته عندى من اسبوع ( الاربعة كلفونى 100)

[MohammedAladel]

ألف مبروك

[AMGAD1521977]

تحياتى لجميع اعضاء المنتدى المحترمين اولا احب اقول ان انا مركب البلوف دى من 3 سنين و هى المانى و مميزاتها هى اولا هى كلها استنليس مقاوم للحرارة و المياه و الصدا ثانيآ بيتركب بصامولتين عكس بعض من داخل و خارج الجنط و بيكونوا محكمين جدآ يعنى مش سهل يتفكوا و لا يوجد سوى جوان كاوتش رفيع جدآ عشان يبقى محكم الغلق من داخل الجنط و النوعية دى من البلوف بتركبها و تنساها خالص لانها معمرة و تعيش كثير ده غير انها لا تتأثر بأى عوامل خارجية و لا تتأثر بضغط الفردة بل بتحافظ عليه خاصة ان البلف بيبقى هو روح العجلة و بينفع كثير الناس اللى بتسافر كثير و احب التأكيد ان البلف ده مش منظر و خلاص و تحياتى لاعضاء المنتدى

[akmm]

وياترى منين بيتباعوا وايه اسعارهم دلوقتى وفيه منهم ماركات ولا كله واحد .

[AMGAD1521977]

وياترى منين بيتباعوا وايه اسعارهم دلوقتى وفيه منهم ماركات ولا كله واحد .

عند اى واحد بتاع كاوتش يكون محترم و البلف ليس له ماركة و ثمنه حوالى 20 او 25 جنيه و بيكون كله استنليس و مفيهوش غير جوان كاوتش صغير فقط و تحياتى لك

[hugan]

البلف النيكل ممتاز

[akmm]

جزيل الشكر .