تجربة wd 40 فى تلميع العربية وازالة الخدوش السطحية

[amr.elsayed]

السلام عليكم اعضاء نايل موتورز العزيز ... حصلت معايا شوية حاجات بالصدفة وكنت عايز اتناقش معاكوا فيها
الحكاية وما فيها ان من كام يوم كنت بلعب بال wd 40 وعمال ارش على المفصلات وقفل حزام الامان واى حاجة فيها احتكاك للمعادن
وكان معايا فوطة فيبر بمسح بيها اى زيادة من الاسبراى علشان مايجيش على بلاستك او جلد زى ما الاعضاء نوهوا قبل كدة
المهم وانا برش على مفصلات الكبوت جه شوية سبراى على الدهان الخارجى المهم مسحتها بالفوطة بس الحصل ان لاقيت الجزء اللى مسحته بالفوطة بيلمع لمعة جميلة
وبدأ حب الاستطلاع والتجربة يلعب فى دماغى وهووووب .. لاقيت نفسى عمال برش اسبراى على الفوطة وامسح بيها العربية .. زى مايكون فوطة زفرة بس على نضافة ... ومالكوش على اللمعة وجمال العربية بعديها
......................................
المهم قولت ما هو ال wd40 ملمع ومنظف وبيعمل جرعة زيت علشان كدة بيلمع العربية .. بس ربنا يستر وما يكونش بيلم تراب
قولت اعمل تجربة بالمرة وهى كدة كدة العربية كانت حتتغسل فى البنزينة تانى يوم ... وروحت راكنها تحت شجرة بحيث اشوف ايه اللى حيحصل
وقد كان نزلت بعد حوالى 6 ساعات وكانت العربية نزل عليها شوية تراب مس مش بتلم تراب زى الاول ... بالاضافة ان جيبت الفوطة اللى كنت بمسح البيها العربية والحاجة الجميلة ان التراب كان بيتشال من عليها بمنتهى السهولة يمكن احسن من الواكس الالمانى اللى انا بستخدمه
......................................
ومن ساعتها وانا تحولت الى مدمن wd40 كل يوم قبل ما اطلع البيت اديها ماسحة بيه وارجع الصبح الاقى العربية نضيفة وجميلة ومش بتلم تراب
.....................................
المفاجأة بقى ... بعد كام يوم من ادمانى لهذا الاسبراى والنهاردة تحديدا ... الحصل ان كان عندى خربوش كبير بطول الكبوت من العيال ولاد التيييت اللى بيخربشوا العربيات بالمسماير
و بقدرة قادر النهاردة الخربوش قل جدا لدرجة انه غير ملاحظ الا لو قربت للكبوت جامد مع العلم انه كان فاضح العربية
وعجزت فيه ولا حتى البوهيجى عرف يعمل معاه حاجة ولا واكس ولا بولش ولا كومبوند ولا حتى قلم بوية بلون العربية
....................................
عندى سؤالين محيرنى
1- ايه هى المواد اللى ممكن تكون فى ال wd40 يكون غطا الخربوش اللى حاكيتلكوا عنه ؟
2- هل لو فضلت استخدم wd40 فى تلميع العربية هل ممكن يأثر على الدهان على المدى البعيد ؟
3- يا ريت لو حد ليه تجربة معاه يقولها لكى تعم الفائدة
ملحوظة الموضوع غير قاصر على مناقشة استخدام wd40 ولكن على كل ما يخص نظافة السيارة

[Ahmed Selim]

2- هل لو فضلت استخدم wd40 فى تلميع العربية هل ممكن يأثر على الدهان على المدى البعيد ؟
3- يا ريت لو حد ليه تجربة معاه يقولها لكى تعم الفائدة
ملحوظة الموضوع غير قاصر على مناقشة استخدام wd40 ولكن على كل ما يخص نظافة السيارة

[align=center][/align]


ًًWD40 هو منتج عبارة عن سائل إشتهر عالميا بإسم مذلل الصعاب ، وهذة العلامة التجارية WD40 لها شهرة عالمية حتى ان كل السوائل من نوعيات مشابهة يطلق عليها نفس الإسم، زى ما بنقول على كل المنظفات الصناعيه" إيريال" ايا كانت ماركتها وزى ما بنطلق على كل خدمات البريد السريعDHL ايا كان إسم الشركة الأصلى ، ومثلما كنا نطلق سابقا على كل سيارات الأجرة بين المحافظات (بيجو) ايا كانت ماركة السيارة حتى لو لم تكن بيجو

المهم ان هذا السائل العجيب متعدد الإسختدامات يستخدم لإزالة الشحوم والأتربة وبقع الصدأ، وتنظيف ملامسات الكهرباء ومفاتيح الكهرباء وتسهيل حركةة المفصلات الميكانيكية والقضاء على اصوات التززيق ويتميز بميزات عديدة ،

الأولى انه يترك اثر زيتى مكانه ولا يتبخر مثل بنزين النتظيف مثلا وهذا يساعد على تشحيم المفصلات وبقائها سهلة الحركة لفترة طويلة

الثانية انه لا يتفاعل مع البويات او البلاستيك وبالتالى يمكن إزالة الشحوم به مع ضمان عدم فساد دهانات السيارة او الاجزاء البلاستيكية

الثالثة انه يتميز بنفاذية عالية جدا وينتشر داخل كل الفراغات الضيقة بسهولة

الرابعة انه لا يسبب ايه مشاكل عند بقائة على الملامسات الكهربائية بعد تنظيفها


يستعمل هذا السائل فى السيارات لأغراض عديدة، منها على سيبل المثال لا الحصر:
تنظيف الكاربراتير، إزالة الشحوم من على المحرك، تسليك البيكات المسدودة، إزالة الصدأ من على دوايات المصابيح، إزالة صدأ مفصلات الأبواب والشنطة ومنع تزييقها،تزييت اجزاء العفشة،إصلاح مفاتيح الكهرباء التى احيانا ما تعلق، وإستخدامات اخرى كثيرة جدا لن يمكنك حصرها

ملححوظة هامة:(لا يصلح WD40 لتنظيف الأجزاء القماشية بصالون السيارة حيث انه غير مصصم لهذا الغرض، هو مصصم اساسا للتنظيف للأغراض الميكانيكة والكهربية وليس لإزالة بقع القماش، لأانه سيترك بقع زيتية مكانه)

بياع WD40 على شكل اسبراى فى عوبة إيروسول مميزة ذات لونين ازرق واصفر ومكتوب عليها بخط واضح WD40، وسعات العبوات تتراوح من 100 الى 400 مللى، وأسعارها تبدأ من 10 الى 20 جنيه حسب السعة، وكل عبوة مزودة بأنبوب احمر صغير يثبت فى طرف الرشاش للوصول للأماكن الضيقة،

وهو متوافر فى الهابير ماركت مثل كارفور او سبينيز او هايبر وان فى أقسام السيارات ، وكذلك محطات البنزين ومحلات قطع الغيار


الموقع الرسمى ل WD40
Learn More About the WD-40 Product Family Including Smart Straw and No-Mess Pen

أسئلة وأجوبة عن WD40
WD-40 Frequently Asked Questions

إستخدامات عديدة ل WD40

http://www.wd40jobsite.com/secret_search.cfm

تاريخ WD40 مع الزمن
WD-40 Company and Product History

[amr.elsayed]

الف شكر يا احمد باشا على التوبيك الجميل وانت كدة حتخليها تلعب فى دماغى وحيكون المنظف والملمع الرسمى لعربيتى وحديه للبواب يعيش بيه حياته

[د.محمود صلاح]

غريبة وجديدة حكاية ازالة الخدش .. شكرا لنقل التجربة

[amr.elsayed]

غريبة وجديدة حكاية ازالة الخدش .. شكرا لنقل التجربة

هى غريبة بعقل يا دكتور ... انا مالحظتش ان الخدش اختفى غير لما استخدمته كذا يوم ورا بعض ... السبراى دة عاملى هوس هوس فى دماغى من كتر ما اعجبت بيه وشوية وحعملوا بدى سبراى من كتر جماله

[bob12345]

يعني كده ممكن يستخدم كمنظف بدون تاثير علي الدهان عايزين من الخبراء جواب نهائي

[Ahmed A Rahman]

مش عارف ليه يا عمرو قلبي مش مطمن واتخضيت لما قريت الموضوع
حاسب على دهان لوجي واوعى تتهور

على فكرة انا رايح الساحل يوم الثلاثاء وبفكر ابقى اقابلك يا باشا
او اروح توكيل العامرية

اهو نتفرجججججججججججججج

[amr.elsayed]

يعني كده ممكن يستخدم كمنظف بدون تاثير علي الدهان عايزين من الخبراء جواب نهائي

اه يستخدم كمنظف دى عادى وانا اضمنها .... انا اللى عايز اعرفه استخدامه على المدى البعيد حيكون ايه الوضع .. كملمع

مش عارف ليه يا عمرو قلبي مش مطمن واتخضيت لما قريت الموضوع
حاسب على دهان لوجي واوعى تتهور

يا حمادة مش بقدر امسك نفسى امام اى حاجة بتخلى العربية بتلمع ... بصراحة انا بحس باستمتاع وهى العربية نضيفة

على فكرة انا رايح الساحل يوم الثلاثاء وبفكر ابقى اقابلك يا باشا
او اروح توكيل العامرية

اسكندرية حتنور يوم الثلاثاء بس ابقى ربط معايا يا حمادة عشان اعمل خالعون

اهو نتفرجججججججججججججج

اممممممم دة انت حتتفرج على احلى كار كير للوجى

[hon]

السلام عليكم ورحمه الله
كل حاجة ولها حاجة
wd 40 دا لأزالة الصعاب مش للتلميع وستوب
لو حضرتك لمعت بية على المدى الطويل حيفك البوية وحتلمع صاج العربية وهو مبيض لاقدر الله
أنا مثلا بستخدم ملمع كاوتش امريكى وجه شوية على الصااج لاحظت بردوا اللمعان ونعومة السطح بس عمرى ماأجرب ألمع بيع الا الكاوتش
لو حضرتك نفسك تلمع الصاج أستخدم واكس محترم طبقة أو 2 وبراحتك أمريكى
لكن خاف على دهان عربيتك اكتر من كدا عشان حرام تكون العربية جديدة وتروح ترش خارجى لا قدر الله

[A.Saad]

نحلل الموقف سوا
دلوقتى هوا عالج الخدش
علشان الخش يتعالج يبقى بييجى عليه دهان من حواليه
الدهان هييجى بمادة بنفس فكرة الكومبوند
اللى هيا ان الدهان يسيح على بعضه
ده راى

[amr.elsayed]

السلام عليكم ورحمه الله
كل حاجة ولها حاجة
wd 40 دا لأزالة الصعاب مش للتلميع وستوب
لو حضرتك لمعت بية على المدى الطويل حيفك البوية وحتلمع صاج العربية وهو مبيض لاقدر الله
أنا مثلا بستخدم ملمع كاوتش امريكى وجه شوية على الصااج لاحظت بردوا اللمعان ونعومة السطح بس عمرى ماأجرب ألمع بيع الا الكاوتش
لو حضرتك نفسك تلمع الصاج أستخدم واكس محترم طبقة أو 2 وبراحتك أمريكى
لكن خاف على دهان عربيتك اكتر من كدا عشان حرام تكون العربية جديدة وتروح ترش خارجى لا قدر الله

طبعا عندك حق ولازم اقلق من الموضوع ... لكن المغرى ان من المعروف عن wd40 انه لا يؤثر على دهان العربية لكن بيأثر على الكاوتش والبلاستيك
ولذلك انا مش بحطوا على اى كاوتش او بلاستيك فى العربية ... بالنسبة للواكس انا على طول بستخدم واكس المانى sonax وممتاز
بس بينى وبينك فى النضافة بعد الطبقة مش بسهولة السبراى
فا انا اللى عايز اوصله مدى ضرره ان وجد ليه ضرر على المدى البعيد بالذات ان انا مالحظتش اى لون غريب فى فوطة التنظيف

نحلل الموقف سوا
دلوقتى هوا عالج الخدش

اه عالج الخدش

علشان الخش يتعالج يبقى بييجى عليه دهان من حواليه
الدهان هييجى بمادة بنفس فكرة الكومبوند
اللى هيا ان الدهان يسيح على بعضه
ده راى

امممممممم على فكرة يا احمد انت فكرتنى بحاجة مش عارف هل ممكن يكون ليها علاقة ولا لأ ان العربية بتتعرض للشمس فترات طويلة .. مش عارف هل السائل ممكن يكون بيتفاعل مع الدهان مع درجات الحرارة العالية مع العلم بردو ان عربيتى غامقة وبتبقى مولعة فى الشمس ... بجد انا احترت ونفسى الاقى تفسير .... ححاول بكرة اسأل اى كيميائى فى الشغل

اسكندرية حتنور يوم الثلاثاء بس ابقى ربط معايا يا حمادة عشان اعمل خالعون

حمادة انا حخلع من الشغل مش من المقابلة احسن تفهم غلط

[hon]

ال wd 40 بيحل أى حاجة يعنى صدا أو شحوم أو بوية

انا متأكد أنة بيحل بوية العربية من الاستخدام الطويل وبدليل أختفاء الختش بتاعك
لو سمحت أوقف ال wd 40 لأنة حيبوظ بوية العربية وأدينا بنبهك أهو

[Eng.Geo]

رينجو يا رينجو يا رينجو :)
يا رب تكون بألف صحة
بص بقي
هو مش خطر علي الدهان خالص ... ولكن الدهان السليم
لكن لو في حتة فيها خدش بيبقي خطر عليها جدا
أقرأ ده كدة
Is WD-40 safe for car paint? | Answerbag
يبقي ايه الحل
أستخدمه علي كل المناطق السليمة
والحتة اللي فيها خدوش أبعد عنها وسيبها
أقولك بقي
انا بمسح بيه الموتور .... بحطه علي حتة قماشة وأمسح بيها الموتور
بيبقي بيبرق :)
وكمان الجنط بتاع العربية
وبرده بحطه علي حتة قماش و أمسح بيها الجنط .... مش هتعرف تصور الجنط من اللمعة :)
وتعايش :)

[mamido83]

السلام عليكم،

انا دخلت على الموقع بتاع ال WD-40 و هما قالوا ان مفيش اى ضرر لو نظفت بيه بويه العربية و هنقل فقرتين من عندهم فيهم المفيد:

I've heard that people use WD-40 as a cleaner/remover. What can it be used on?

WD-40 removes sap, tar, adhesives, labels and tape from surfaces without damaging existing paint. It's an effective cleaner for tools, equipment, and vehicles. Use it to remove splattered bugs from the front of cars. WD-40 will even help remove gum from carpet. Just spray, wait, and wipe with a clean cloth.

سمعت أن استخدام يسترن ديجيتال الناس - 40 كعاملة نظافة / مزيل. ماذا يمكن أن تستخدم في؟

يسترن ديجيتال - 40 يزيل النسغ والقطران ومواد لاصقة العلامات ، والشريط من دون طلاء الأسطح الموجودة للتلف. انها أنظف فعالة لأدوات والمعدات والمركبات. استخدامه لإزالة الخلل وتناثر من أمام السيارات. وستقوم الشركة - 40 مساعدة حتى إزالة الصمغ من السجاد. رذاذ فقط ، والانتظار ، ويمسح بقطعة قماش نظيفة.



What surfaces or materials are OK to use WD-40 on?

WD-40 can be used on just about everything. It is safe for ....l, rubber, wood and plastic. WD-40 can be applied to painted ....l surfaces without harming the paint. Polycarbonate and clear polystyrene plastic are among the few surfaces on which to avoid using a petroleum-based product like WD-40.

ما الأسطح أو المواد موافق لاستخدام يسترن ديجيتال - 40 على؟

ويمكن استخدام يسترن ديجيتال - 40 على كل شيء تقريبا. فمن آمن للمعادن والمطاط والخشب والبلاستيك. ويمكن تطبيق يسترن ديجيتال - 40 إلى السطوح المعدنية مطلية باللون دون الإضرار الطلاء. واضح من البلاستيك البولي البوليسترين هي من بين الأسطح القليلة التي لتجنب استخدام المنتجات النفطية على أساس مثل يسترن ديجيتال - 40.

[msafa]

انجليزي ده يا مرسي؟