السلام عليكم
انا عندى عربيه نيو اكسنت مانوال ولسه بتعلم السواقه ومش عايز ابوظ العربيه
انا هشرحلكم طريقتى فى السواقه ولو فى حاجه غلط يا ريت تصححولى وهى كالأتى
1- بدور العربيه
2- بدوس دبرياج وبجيب الاول ونزل الهند بريك
3- برفع رجلى سلانسيه من على الدبرياج لغاية ما العربيه تبتدى تتحرك ومش بدوس بنزين غير لما اشيل رجلى من على الدبرياج خالص
4- عند سرعة 20 بدى غيار تانى وعند سرعة 40 بدى تالت وعند 60 بدى رابع ومش بدوس بنزين غير لما ارفع رجلى من على الدبرياج خالص
5- لما الطريق بيبقى زحمه وواقف ببقى ماشى على الاول وبحرك العربيه بالدبرياج والفرامل ومش بدوس بنزين خالص
6- لو داخل على مطب بهدى العربيه واخد المطب براحه وببقى جايب على التانى
7- فى مشكله عندى انى قبل ما دوس فرامل وانا سايق على اى سرعه لازم ادوس قبليها دبرياج لأنى بعمل حسابى ان ممكن حد يقف فجأ مش عارف ده صح ولا غلط
ياريت لو فى حاجه غلط فى طريقة السواقه بتعتى الاخوه فى المنتدى يصححولى اخطائى
وجزاكم الله كل خير
انا عندى عربيه نيو اكسنت مانوال ولسه بتعلم السواقه ومش عايز ابوظ العربيه
انا هشرحلكم طريقتى فى السواقه ولو فى حاجه غلط يا ريت تصححولى وهى كالأتى
1- بدور العربيه
2- بدوس دبرياج وبجيب الاول ونزل الهند بريك
3- برفع رجلى سلانسيه من على الدبرياج لغاية ما العربيه تبتدى تتحرك ومش بدوس بنزين غير لما اشيل رجلى من على الدبرياج خالص
4- عند سرعة 20 بدى غيار تانى وعند سرعة 40 بدى تالت وعند 60 بدى رابع ومش بدوس بنزين غير لما ارفع رجلى من على الدبرياج خالص
5- لما الطريق بيبقى زحمه وواقف ببقى ماشى على الاول وبحرك العربيه بالدبرياج والفرامل ومش بدوس بنزين خالص
6- لو داخل على مطب بهدى العربيه واخد المطب براحه وببقى جايب على التانى
7- فى مشكله عندى انى قبل ما دوس فرامل وانا سايق على اى سرعه لازم ادوس قبليها دبرياج لأنى بعمل حسابى ان ممكن حد يقف فجأ مش عارف ده صح ولا غلط
ياريت لو فى حاجه غلط فى طريقة السواقه بتعتى الاخوه فى المنتدى يصححولى اخطائى
وجزاكم الله كل خير

مشكور على الموضوع فعلا افدنى كتير
Comment