حماية العربية من السرقة

[azmeralda]

مفيش حاجة تتعمل مع الأنذار؟
عندنا العربيات بتتشال كده بحالها رغم الأنذار ورغم انها جديدة صاحبها ينزل ميلاقيهاش
تفتكروا ايه الحل؟

[ahmedezzat78]

الحل ان الناس تلاقى شغل

[N.a.j.d]

ازاي ياباشا تتشال وفيها اندار!!!! الاندار بمجرد دبانه جت عليها بيشتغل!!!!

[أبو_يوسف]

كان عندي فكرة .. عبارة عن ان في برنامج للويندوز موبايل وهو لاسترجاع الموبايل في حالة سرقته .. فكرة البرنامج انك بتخزن فيه رقم معين بحيث لما الموبايل يتسرق واللي سرقه يغير الشريحة .. الموبايل يبعت لك اتوماتيك رسالة من الرقم الجديد على الرقم السابق تسجيله في البرنامج.. كدا بقيت عارف الخط اللي راكب على موبايلك المسروق.. الحاجة التانية ان الموبايل لو فيه GPS بتبعت رسالة للموبايل فيها كود معين .. البرنامج تلقائيا بدون فتح الرسالة او التنبيه على أن في رسالة هايرد عليك برسالة فيها الاحداثيات الجغرافية الموجود فيها الموبايل.. وكدا بقيت عارف رقم السارق مهما غير الشريحة وكمان عارف مكانه.. من خلال الاحداثيات على برنامج جوجل مابس او على gps navigator.
الفكرة اللي عندي بقى هي تركيب موبايل يعمل بنظام ويندوز موبايل (وفيه جي بي اس) في مكان ما من العربية وتوصيل باور له كانه جهاز انذار.. مع ملاحظة ان لو حصل زي ما معظم الحرامية بيعملوا بيسرقوا العربية ويفكوا البطارية والكاوتشات ويرموا العربية .. في الحالة دي الموبايل هايبقى فيه شحن يشغله 3 او 4 أيام..

نفس الفكرة دي معمولة على شكل اجهزة انذار مع مزيد من التحكم في السيارة عن بعد مثل ايقاف الموتور وارسال رسالة مباشرة من الانذار في حالة تشغيل او فتح السيارة .. ولكن هذه الاجهزة ممنوع دخولها مصر كما يقال...

[azmeralda]

1-طب احنا عيزين فكرة موجودة فمصر


2-حكاية الناس تلاقى شغل دى يعنى هو ذنب انسان انه مجتهد وربنا كرمه واشتغل وكافح 10 سنين لما قدر يجيب عربيه بالقسط والفوايد كمان عشان يحمي نفسه من البهدلة و الأاكد لو بنت تحمى نفسها من حاجات كتير هو بقى الى مش لاقى شغل ده مبرره او الحل اللى لاقاه انه يعتدى على غيره "ام يحسدون الناس على ما أتاهم الله من فضله" ويستولى على تعب الآخرين بالساهل مسببا لهم الحسرة انا متاكدة ان ناس كتير مهما ملقتش شغل مش هتمد ايدها للحرام برضه

احنا شخصيا اتسرق مننا الشنطة فى شهر مارس ده كان فيها المرتب كله والحرامى وهو بيشدها بص لنا وضحك بمنتهى السخرية و الاستهزاء
3-حكاية تتسرق ازاى رغم الانذار الحرامية مبيغلبوش ده اللى حصل فالمنصورة ازاى معرفش

اما انا شخصيا كان معايا عربية مستعملة وصاحبها كان مركبلها انذار عجيب كده من غير ريموت بيشتغل بزرار من الشنطة واغريب اللى فيه انه لما يشتغل لو باب العربية اتقفل بيسكت ويشتغل تانى لما الباب يتفتح فالحرامى عرف ودخل العربية عن طريق الحتة المثلثة اللى فالشباك دى وطبعا الفجر الناس فعاشر نومة واصلا من كتر اصوات الانذارات محدش بيركز معاها
لما دخل قفل الباب الأنذار سكت فك الكاسيت براحته خالص وشرب الشاى ومشى

بعد كده ركبت انذار بالريموت مكنتش وخدة بالى من القصة دى طبعا كلها العربية لها انذار وخلاص

وده قدر لأنى بعد كده كنت فى مكان ونسيت الشباك مفتوح ومحصلش حاجة

[M.Radwan]

كان عندي فكرة .. عبارة عن ان في برنامج للويندوز موبايل وهو لاسترجاع الموبايل في حالة سرقته .. فكرة البرنامج انك بتخزن فيه رقم معين بحيث لما الموبايل يتسرق واللي سرقه يغير الشريحة .. الموبايل يبعت لك اتوماتيك رسالة من الرقم الجديد على الرقم السابق تسجيله في البرنامج.. كدا بقيت عارف الخط اللي راكب على موبايلك المسروق.. الحاجة التانية ان الموبايل لو فيه GPS بتبعت رسالة للموبايل فيها كود معين .. البرنامج تلقائيا بدون فتح الرسالة او التنبيه على أن في رسالة هايرد عليك برسالة فيها الاحداثيات الجغرافية الموجود فيها الموبايل.. وكدا بقيت عارف رقم السارق مهما غير الشريحة وكمان عارف مكانه.. من خلال الاحداثيات على برنامج جوجل مابس او على gps navigator.
الفكرة اللي عندي بقى هي تركيب موبايل يعمل بنظام ويندوز موبايل (وفيه جي بي اس) في مكان ما من العربية وتوصيل باور له كانه جهاز انذار.. مع ملاحظة ان لو حصل زي ما معظم الحرامية بيعملوا بيسرقوا العربية ويفكوا البطارية والكاوتشات ويرموا العربية .. في الحالة دي الموبايل هايبقى فيه شحن يشغله 3 او 4 أيام..

نفس الفكرة دي معمولة على شكل اجهزة انذار مع مزيد من التحكم في السيارة عن بعد مثل ايقاف الموتور وارسال رسالة مباشرة من الانذار في حالة تشغيل او فتح السيارة .. ولكن هذه الاجهزة ممنوع دخولها مصر كما يقال...

فكرة تحفة!

[أبو_يوسف]

البرنامج اللي بقول عليه اسمه Where is my phone موجود على الرابط التالي:

http://rapidshare.com/files/104252945/WIMPSetup.CAB

بعد ماتشغله وتسجل الرقم اللي هايتبعت عليه الرقم الجديد في حالة تغيير الشريحة..
ممكن تبعت للموبايل رسالة فيها:
WIMP$ متبوعا بال PIN
هاتجيلك الرسالة اللي فيها الاحداثيات ورابط على جوجل يحدد المكان على الخريطة وكمان سرعة التحرك.. لو السرعة صفر يبقى واقف في مكانه
وعلى فكرة الموبايل لما تبعت له الرسالة مش بيبين خالص ان في رسالة وصلت...


ممكن تجرب تبعت لنفسك رسالة من موبايلك هايجيلك الرسالة اللي فيها مكانك بالظبط
انا جربتها وشغالة معايا..جاب مكاني بالظبط بالعمارة

[أبو_يوسف]

ممكن اي تليفون htc مستعمل ب 600ج فيه gps يوفي بالغرض

[A.Saad]

متابع ........