بلى العجل

[AmRElSiSi]

السلام عليكم

هو سؤال غبى شويتين
بس انا كنت عايز اعرف يعنى ايه بلى العجل
و مكانه فين

و اعراض تلفه ايه بالضبط ؟؟

[Moe86]

مش سؤال غبى ولا حاجة, كلنا عايزين نتعلم
متابع معاك

[samirayad]

بلى العجل بيفيد فى دوران العجل مع ملامسته لجسم الطريق بسهوله

ويسر

دون حدوث فقد كبير فى القدره المنقوله الى المحور الأمامى

والمحور الخلفى

والبلى عامة بيعتبر عناصر نحميل ممتازه للمحاور الدواره فى أى

منظومه هندسيه

نظرا لأن المنطقه المحتكه من البلى بتعتبر نقطه ( على خط مستقيم )

ومن هنا بيتم عدم الأحساس بالفقد الكبير فى القدره

من عناصر منتجه للقدره ( مثل محركات السياره )

وطبعا بيتم أختيار نوع رولمان البلى المناسب لكل منظومه

طبقا لنوع آدائها

ومن هنا بنجد كمثال

نوع البلى على المحور الأمامى ....مختلف تماما عنه فى المحور الخلفى

نظرا لنوع الأحمال المختلفه الواقعه على البلى فى المحورين

فمثلا نجد نوع البلى فى المحور الأمامى لأى سياره

_ بلى أبرى أو بلحى needle bearing لعدم الحاجه لنوع بلى معرض لأحمال جانبيه (عرضيه )

أما فى المحور الخلفى

_ بلى مخروطى bevel bearing لحاجتنا لبلى يتحمل أحمال محوريه وأحمال عرضيه

[Moe86]

شكرا يا أستاذ سمير
بس مافيش صورة توضح الكلام الكبير دة شوية ؟ خصوصا انى ماعرفش اسمه اية بالانزليجى فى google
هو فى علاقة بينها و بين الكوبلن ؟

[zanativich]

اسمه بالانجليزى
roller bearing
رومان بلى

[أحمد علوان]

سا عيني على الشرح المفيد يا باشمهندس سمير يا ريت بقا كمان صورتين عشان تكمل الافادة

[samirayad]

يا ريت بقا كمان صورتين عشان تكمل الافادة

جارى تدبير المطلوب بإذن الله

[samirayad]

المنظر العام للبلى بعجل السياره الخلفى



وده التشريح الهندسى له من الداخل




CYLINDERCAL TAPPER ROLLER BEARING

بيلاحظ أن وضع العناصر الدواره مائل على محور أظرف البلى لأمتصاص حركة العجل الجانبيه كما بينا من قبل

[samirayad]

BALL BEARING

بيستخدم فى عناصر التحميل الخفيفة الأحمال مثل الدينامو والطلمبات





منظر آخر لبلى السياره الخلفى





بلى أبرى (بلحى )

NEEDLE BEARING

بيستخدم لتحميل عجل السياره الأمامى ( كمثال )

وأيضا فى بعض التطبيقات الهندسيه الأخرى





بلى أسطوانى عدل

CYLINDERICAL ROLLER BEARING

يلاحظ هنا أن أسطوانات البلى المتدحرجه على الظرف الخارجى للبلى

ليست فى وضع مائل على محور الأظرف
مثل الخاص بعجل السياره الخلفى

ويلاحظ أيضا

أن أنواع تصاميم البلى كثيره جدا
ويتم أختيار التصميم المناسب
حسب طبيعة الحمل والتطبيق الهندسى
الذى سيتم أستخدام البلى به

[mahmoud_e2007]

استاذ سمير وحشني والله / كان لية سؤال طيب لو البلي الخلفي ناحية السائق معضعض شوية اغيرة ولا مش مهم ولا اية

[mahmoud_e2007]

لو ممكن سؤال انا عندي البلي دة معضعض شوية هل في مشكلة . وعموما ما هي المشاكل التي نواجهه لكي نقوم بتغير هذا البلي وماذا ان لم نقوم بتغيرة اية الاضرار من ذلك يعني . وشكرا

[youssefazmi]

لو ممكن سؤال انا عندي البلي دة معضعض شوية هل في مشكلة . وعموما ما هي المشاكل التي نواجهه لكي نقوم بتغير هذا البلي وماذا ان لم نقوم بتغيرة اية الاضرار من ذلك يعني . وشكرا

اعتقد مفيش اضرار بس القصة اللى حصلت معايا انة كان صوت فظيع بيشتغل على 60 ويفصل على 120 كدة صوت زى فرن شكمان ومعاة رجة جامدة وكرهتنى فى السفر اصلا ..ولفيت حوالين نفسى عشان اعرف صوت اية وفى الاخر طلع بلى عجل خلفى والحياة بقت وردى بعد مغيرتة ومفيش اى صوت تانى ..فهية صوت مش اكتر اعتقد..

[ahmedshafei77]

طيب انا بسمع صوت ونة على التانى والتالت بس وبقيت الغيارات زى الفل ده يبقى ايه وحاسس ان الصوت طالع من الفتيس

[a_hmed]

هو البلى ده مكانه فيين ؟؟

[ismaelmohamed]

السلام عليكم انا اخوكم محمد عضو جديد كان ليه سوال انا كنت بحس بصوت العربيه بيعلى جامد وانا حتى على الخامس زى ماكون على التالت المهم قالولى طقم ديبراج وفعلا غيرته وفعلا طلعت الاسطوانه ضايعه ولكن بعد كده الصوت قل بس بعد ال80 بيحصل فقالولى ممكن يكون بلى العجل فهل ده ممكن؟