كيفيه ظبط التاكيهات

[khaled_sabry]

برجاء احد المهندسين المنتدى العظام (يفضل سبعاوى اللى غايب عننا )
يشرحلنا ازاى بنظبط التاكيهات ... بس ياريت بالصور او بالرسم الكروكى
و ده للعربيات 1 كامه ... بمسامير ( مش بقواشيط زى 128 )
لأنى عاوز بعد كده اعملها بنفسى لأنى بتعزب لما ازق العربيه عند الميكانيكي (لأنى لو دورت الموتور التاكيهات بتتمدد و بتبوظ )
وكمان بلاقى الميكانيكي مش بيعمل شغل كتير ... بيجيب المفك و الفلر و يقعد يربط و يفك و يقيس و يزق العربيه وهى متعشقه (علشان يفتح و يقفل التاكيهات ) و بعد كده 5 دقايق يقولى عاوز 30 جنيه

[khaled_sabry]

ماحدش عارف ولا ايه

[Moe86]

متابع......

[khaled_sabry]

ماحدش عارف و لا ايه؟؟؟

[mahmoud5777]

على ما أظن صعبة لأنها محتاجة فيلر ومقاسات لان كل موتور ليه مقاسات ده غير انها محتاجة عدة كتير ومتهيألى كده برضو محتاجة خبرة

[khaled_sabry]

ولا عده و لا حاجه ...
الراجل كل اللى بيعمله بلاقيه فك غطاء التاكيهات
و فضل يفتح و يقفل فى التاكيهات و يقيس بالفيلر
بس انا مش عارف هو بيفتح و يقفل بناء على اى اساس لأنه كان بيزق لعربيه و هى معشقه علشان يدور عامود التاكيهات
و مقاس الفلر يبقى كام لأيه

[lameey]

+1111111111111111111

[Samir Elshahawy]

أنا هاحاول أشرح لك الخطوات علي قد ما أقدر من خلال خبرتي بمحركات الديزل لحد ما الباشمهندس / خالد يرد عليك

1- بتفتح غطاء التاكيهات و الموتور بارد
2- بتشوف المكبس اللي فوق في شوط الحريق و دي محتاجة تعرف ترتيب الحريق للموتور بتاعك
3- ممكن تعرف المكبس اللي فوق من خلال فتحات البوجيهات
4- بتكون التاكيهات الخاصة بالمكبس ده حرة الحركة لو حركتها بأيدك
5- تبدأ تحل الصامولة
6- تحط المفك في المسمار و المفتاح يفضل لو رينج حول الصامولة و الفيلر تحت المسمار
7- مقاس الفيلر محدد حسب الخلوص الموصي به في الكتالوج أو كتاب الصيانة
8- تبدأ في رباط المسمار بالمفك و تحرك الفيلر بأيدك حركة خفيفة لحد مايبدأ يتقل معاك
9- تربط الصامولة بالمفتاح مع تثبيت وضع المسمار بالمفك بدون تحريك المسمار
10- و هكذا الي بعده و اللي بعده لحد ماتخلص

بس زي ماقولت لك أنت محتاج تعرف الاتي :
1- قيمة الخلوصات لكل بلف (هواء و عادم) علشان تختار الفيلر المناسب
2- ترتيب الحريق لموتور عربيتك
3- كيفية تحديد وجود المكبس بالاعلي في شوط الحريق و دي ممكن تعرفها زي ماقولت لك قبل كده من خلال البوجيهات

أرجو اني أكون قدرت أفيدك

مع خالص تحياتي
م/ سمير الشهاوي

[jojooo]

أنا هاحاول أشرح لك الخطوات علي قد ما أقدر من خلال خبرتي بمحركات الديزل لحد ما الباشمهندس / خالد يرد عليك

1- بتفتح غطاء التاكيهات و الموتور بارد
2- بتشوف المكبس اللي فوق في شوط الحريق و دي محتاجة تعرف ترتيب الحريق للموتور بتاعك
3- ممكن تعرف المكبس اللي فوق من خلال فتحات البوجيهات
4- بتكون التاكيهات الخاصة بالمكبس ده حرة الحركة لو حركتها بأيدك
5- تبدأ تحل الصامولة
6- تحط المفك في المسمار و المفتاح يفضل لو رينج حول الصامولة و الفيلر تحت المسمار
7- مقاس الفيلر محدد حسب الخلوص الموصي به في الكتالوج أو كتاب الصيانة
8- تبدأ في رباط المسمار بالمفك و تحرك الفيلر بأيدك حركة خفيفة لحد مايبدأ يتقل معاك
9- تربط الصامولة بالمفتاح مع تثبيت وضع المسمار بالمفك بدون تحريك المسمار
10- و هكذا الي بعده و اللي بعده لحد ماتخلص

بس زي ماقولت لك أنت محتاج تعرف الاتي :
1- قيمة الخلوصات لكل بلف (هواء و عادم) علشان تختار الفيلر المناسب
2- ترتيب الحريق لموتور عربيتك
3- كيفية تحديد وجود المكبس بالاعلي في شوط الحريق و دي ممكن تعرفها زي ماقولت لك قبل كده من خلال البوجيهات

أرجو اني أكون قدرت أفيدك

مع خالص تحياتي
م/ سمير الشهاوي

الراجل دة بيقول كلام زى الفل
بس اهم حاجة زى ماقلك هى
اولا تعرف مفدار الجاب او الخلوص او الفرق اللى بيفتح فية الصباب بتاع كل من البنزين والهواء والاهم من دة تعرف فين فى الصبابات هو الهواء او الطرد ومين هو البنزين ودة تعرف من كتالوج الصيانة بتاع عربيتك
وكمان فى نقطة مهمة اوى تعرف كمان عربيتك بتظبط تكهات وهى باردة ولا وهى سخنة دة معلومة مفيش كتير بيعرفها فى مصر اى صنايعى حايقول على اى عربية لازم تكون باردة ودة مش صحيح فى عربيات سخنة وفى عربيات تانية باردة اثناء الظبط ودة بردة تعرفة من كتالوج الصيانة بتاع عربيتك انا مثلا طول عمرى بظبط عربيتى وهى باردة ومعرفتش غير لما قريت الكتاوج وعرفت ان لازم تكون سخنة ومش عربيتى بس فى عربتات تانى كتير بس الاكتر والعربيات اللى بتتظبط وهى باردة تماما

[khaled_sabry]

الف شكر على الاهتمام
المشكله انكم قولتولى انى لازم اعرف مقدار فتحه الخلوص دى من دليل الصيانه للعربيه
مشكلتى بقى ان عربيتي كورولا 1978
و بالتالى دليل الصيانه بتاعى تحلل و اختفى من زمان

[jojooo]

الف شكر على الاهتمام
المشكله انكم قولتولى انى لازم اعرف مقدار فتحه الخلوص دى من دليل الصيانه للعربيه
مشكلتى بقى ان عربيتي كورولا 1978
و بالتالى دليل الصيانه بتاعى تحلل و اختفى من زمان

ولا يهمك ياباشا ممكن اعرف هو موتورك تويوتا 2t ولا 4k وانا اقولك علشان انا عندى الكتالوك بتاع عربيتك

[أحمد علوان]

أنا هاحاول أشرح لك الخطوات علي قد ما أقدر من خلال خبرتي بمحركات الديزل لحد ما الباشمهندس / خالد يرد عليك

1- بتفتح غطاء التاكيهات و الموتور بارد
2- بتشوف المكبس اللي فوق في شوط الحريق و دي محتاجة تعرف ترتيب الحريق للموتور بتاعك
3- ممكن تعرف المكبس اللي فوق من خلال فتحات البوجيهات
4- بتكون التاكيهات الخاصة بالمكبس ده حرة الحركة لو حركتها بأيدك
5- تبدأ تحل الصامولة
6- تحط المفك في المسمار و المفتاح يفضل لو رينج حول الصامولة و الفيلر تحت المسمار
7- مقاس الفيلر محدد حسب الخلوص الموصي به في الكتالوج أو كتاب الصيانة
8- تبدأ في رباط المسمار بالمفك و تحرك الفيلر بأيدك حركة خفيفة لحد مايبدأ يتقل معاك
9- تربط الصامولة بالمفتاح مع تثبيت وضع المسمار بالمفك بدون تحريك المسمار
10- و هكذا الي بعده و اللي بعده لحد ماتخلص

بس زي ماقولت لك أنت محتاج تعرف الاتي :
1- قيمة الخلوصات لكل بلف (هواء و عادم) علشان تختار الفيلر المناسب
2- ترتيب الحريق لموتور عربيتك
3- كيفية تحديد وجود المكبس بالاعلي في شوط الحريق و دي ممكن تعرفها زي ماقولت لك قبل كده من خلال البوجيهات

أرجو اني أكون قدرت أفيدك

مع خالص تحياتي
م/ سمير الشهاوي

شكرا يا باشمهندس على المعلومات

[khaled_sabry]

ولا يهمك ياباشا ممكن اعرف هو موتورك تويوتا 2t ولا 4k وانا اقولك علشان انا عندى الكتالوك بتاع عربيتك

والله اكون شاكر جدا جدا لو طلع عندك كتالوج عربيتي بجد
اللى اعرفه ان موديل عربيتي KE 50 - 1166 CC لكن معرفشى 2t و لا 4k دى فين
ولو فيه لبس ممكن تبعتلى الكاتلوجين و انا حعرف مين فيهم بتاع عربيتي بالشكل
على العموم ده اللنك اللى فيه مواصفات عربيتي
1978 Toyota Corolla Liftback
واكون شاكر جدااااااااااااااااااااااااااااااااا لو بعتلى بالفعل كاتالوج موتور العربيه

[khaled_sabry]

انا عملت سيرش على النت و لا قيت الموتور بتاعى اسمه 4k
واكون شاكر جدااااااااااااااااااااااااااااااااا لو بعتلى بالفعل كاتالوج موتور العربيه

[jojooo]

والله اكون شاكر جدا جدا لو طلع عندك كتالوج عربيتي بجد
اللى اعرفه ان موديل عربيتي KE 50 - 1166 CC لكن معرفشى 2t و لا 4k دى فين
ولو فيه لبس ممكن تبعتلى الكاتلوجين و انا حعرف مين فيهم بتاع عربيتي بالشكل
على العموم ده اللنك اللى فيه مواصفات عربيتي
1978 Toyota Corolla Liftback
واكون شاكر جدااااااااااااااااااااااااااااااااا لو بعتلى بالفعل كاتالوج موتور العربيه

للاسف معنديش الكتالوج بتاع الموديل دة اللى عندى بتاع الموديل الاحدث
والكتالوج اللى عندى هو ورق مش الكترونى اصلى بحب احافظ على حجاتى اوى
انا اللى عندى بتاع موديلات تويوتا ال1600سىسى 4k زى دة