طريقة لتتبع السيارة في حالة السرقة ..

[أبو_يوسف]

السلام عليكم ورحمة الله..
في البداية معظمنا سمع عن اجهزة الانذار اللي فيها امكانية التتبع باستخدام ال GPS ولكن هذه الاجهزة ممنوعة للاسف من دخول مصر..
ولكن في طريقة تانية ممكن تؤدي لنفس النتيجة وهي تتبع السيارة ومعرفة مكان السيارة بدقة في حالة سرقتها .. او ممكن لو عندك سيارة أو تاكسي بيقودها سائق غيرك أو عربيات تجارية (نقل) وعايز تعرف في اي وقت اللي سايقها فين دلوقتي وملتزم بخط سيره ولا لأ..

الطريقة عبارة عن استخدام موبايل (ويندوز موبايل) بدلا من جهاز الانذار..
الموبايل هانشغل عليه البرنامج التالي واسمه Where is my Mobile:

RapidShare: 1-CLICK Web hosting - Easy Filehosting

غالبا فيه نسخة منه للنوكيا بس مش متأكد..
البرنامج دا وظيفته كالتالي..
- في حالة سرقة الموبايل .. بتبعت رسالة فيها الكود التالي WIMP$ متبوعا بال PIN يقوم البرنامج بعمله بصورة خفية وعدم اظهار رسالتك يرد عليك برسالة فيها الاحداثيات الموجود بها الموبايل حاليا وكذلك سرعته وكذلك رابط على جوجل مابس لو فتحته هاتلاقي المكان بالظبط اللي فيه الموبايل مع علامة محددة على المكان..

شكل الرابط كدا:
30.047495,31.339585 (Phone) - Google Maps

- طب لو اللي سرق الموبايل غير الشريحة.. البرنامج بمجرد تغيير الشريحة بيرسل لك على رقم انت مسجله قبل كدا في البرنامج رسالة من الشريحة الجديدة اللي غيرها السارق وبالتالي تبعت على الرقم دا الرسالة السابقة والبرنامج يرد عليك بالاحداثيات..

لحد كدا البرنامج مفيد اوي في حالة استرجاع الموبايل المسروق..

واحنا ممكن نضيف فايدة كمان واكبر لهذا البرنامج عن طريق اننا نضع الموبايل في السيارة في مكان غير ظاهر .. تحت التابلوه مثلا أو تحت فرش الباب.. مع توصيل كابل كهرباء له..
وكدا يصبح عندنا جهاز شبيه بجهاز الانذار بخاصية التتبع..
في حالة السرقة لاقدر الله هاتبعت رسالة يجيلك رسالة فيها مكان السيارة بالظبط..

انتوا عارفين ان في عربيات كتير بتتسرق وممكن اللي سرقها يكون عايز يلف بيها شوية او يفك منها بعض حاجات ويروح يرميها في اي حته وبيكون من الصعب جدا العثور عليها..

وطبعا ممكن نستخدم في الموضوع دا موبايلات مش حديثة في حدود 800ج مثلا..
زي:

HTC cruise أو HTC Touch 3g المهم يكون فيه خاصية ال GPS


والله هو الحافظ..

[farahat]

فكرة كويسة جداً ، تسلم ايدك على الموضوع دة

[Mzeid]

الفكرة دي كويسة و حلوة
و على فكرة كان فيه عضو من زمان كدة نزل رابط لشركة بتعمل أجهزة gps بتتحط في العربية مخفي و بتظهر مكانها على google maps

[أبو_يوسف]

الفكرة دي كويسة و حلوة
و على فكرة كان فيه عضو من زمان كدة نزل رابط لشركة بتعمل أجهزة gps بتتحط في العربية مخفي و بتظهر مكانها على google maps

ايوة فعلا لو قصدك على الموضوع دا

http://www.nilemotors.net/Nile/148009-gsm-gps.html

بس الناس قالوا انه ممنوع من دخول مصر..
فلذلك انا عرضت الفكرة البديلة دي.. لحد مايسمحوا بدخوله

باشكركم على الردود والفكرة مطروحة للنقاش لو فيها ملاحظات او تعديلات يبقى شيء جميل..

[SkyBird]

تسلم ايدك
موضوع جامد جدا
كده الواحد عايز اثنين موبايل
موبايل يحدد المكان وموبايل يستقبل الرسالة والرابط
مش كده ؟

[w-m-a]

فكره كويسه ورخيصه
بس الشحن المستمر للتليفون مش غلط
ولا يبقى بمفتاح تشغله وانت نازل من العربيه

[أبو_يوسف]

تسلم ايدك
موضوع جامد جدا
كده الواحد عايز اثنين موبايل
موبايل يحدد المكان وموبايل يستقبل الرسالة والرابط
مش كده ؟

لا يا باشا هو موبايل واحد بس في العربية ويكون فيه gps ,, وبعد كدا من اي موبايل عادي خالص (أو الموبايل بتاعك بقى ) ومش لازم يكون فيه gps هو اللي بتبعت منه وبتستقبل عليه الاحداثيات ورابط المكان ..

فكره كويسه ورخيصه
بس الشحن المستمر للتليفون مش غلط
ولا يبقى بمفتاح تشغله وانت نازل من العربيه

على ما اعتقد.. ان الموبايل لما بيتشحن للأخر بيفصل.. يعني بيمنع دخول كهرباء تاني على البطارية ولا الكلام دا مش مظبوط..
وبرضه فكرة المفتاح دي كويسة لو الشحن المستمر فيه ضرر..

[أبو_يوسف]

نسيت أقول برضه ان الموضوع دا هايفيد جدا الناس اللي بتأجر عربيات.. أقصد اصحاب العربيات طبعا واصحاب المعارض اللي بتشتغل في تأجير السيارات.. لأنهم بيتعرضوا للنصب كتير..

[SheNo0o]

فكرة جميله واعتقد في موبايلات رخيصه فيها خاصيه الجي بي اس وممكن نستخدمها

[أبو_يوسف]

فكرة جميله واعتقد في موبايلات رخيصه فيها خاصيه الجي بي اس وممكن نستخدمها

فعلا فيه موبايلات htc مستعملة سعرها لا يتعدى ال 600 ج
واعتقد لو اجهزة الانذار دي نزلت مصر سعرها لن يقل عن 2000 جنيه..

[Sherif Khalifa]

فى برنامج تانى اسمة periodic لبيشتغل على الموبيلات ال Symbian
بتعمل اشتراك على الموقع دا و تحط اسم الدخول و كلمة المرور بعد تنزيل البرنامج على الموبيل و بتظبطة انة يحدد مكان الموبيل كل فترة معينة
بتفتح الموقع دا بالاشتراك بتاعك و بيطلعلك خريطة فيها مكان الموبيل


Phonelocator periodic - locate your phone .


ملحوظة انة بيستخدم الانترنت من على جهازك علشان يعمل تحديث مستمر لموقع الموبيل (دا على حسب انت مظبطة يبعت التحديث كل اد اية)
انا عاملة مثلا كل 4 ساعات

[أبو_يوسف]

فى برنامج تانى اسمة periodic لبيشتغل على الموبيلات ال Symbian
بتعمل اشتراك على الموقع دا و تحط اسم الدخول و كلمة المرور بعد تنزيل البرنامج على الموبيل و بتظبطة انة يحدد مكان الموبيل كل فترة معينة
بتفتح الموقع دا بالاشتراك بتاعك و بيطلعلك خريطة فيها مكان الموبيل


Phonelocator periodic - locate your phone .


ملحوظة انة بيستخدم الانترنت من على جهازك علشان يعمل تحديث مستمر لموقع الموبيل (دا على حسب انت مظبطة يبعت التحديث كل اد اية)
انا عاملة مثلا كل 4 ساعات

الله ينور يا باشا..
الطريقة دي شبيهة بتطبيق جوجل Google Latitude
عن طريق انك بتشغل جوجل مابس على الموبايل وبتشترك في google latitude بالايميل بتاعك وبتسمح بعرض بيانات مكانك وبعد كدا تدخل على جوجل igoogle
iGoogle
وتعمل تسجيل دخول بيجيبلك خريطة عليها اماكن كل اصدقائك عن طريق تليفوناتهم لو هما سامحين بعرض بيانات مكانهم ومنها تليفونك.. وبيبين لك اخر تحديث للمعلومات دي بقاله اد ايه...
اكيد برضه بيستخدم النت من على الموبايل ..
انا جربته وجاب مكاني .. بس برنامج جوجل مابس بحس انه مش دقيق اوي وبياخد وقت على ما يحدد المكان

http://www.vip4soft.com/news/619.html

http://www.google.com/intl/en_us/latitude/intro.html

[shshsh]

يعنى ممكن اعرف الحوار دا يدخل فى تكلفة قد اية

[abo_hosni]

بعيداً عن ال GPS، مجرد زرع موبايل في العربية (و لو مش هيتصل بيك) فكرة ممتازة. لا قدر الله في حالة سرقة السيارة تقدر تضيف في بلاغ السرقة أنك سايب فيها موبايل رقمه كذا و السيريال بتاعه IMEI كذا و أظن حالة سرقة سيارة هتدفعهم للسير في إجراءات تتبع الموبايل عن طريق شركة الاتصالات التابع لها خطك و مبروك عليك عودة السيارة


فكرة موبايل بـ gps مش قد كده قوي لأن ليها عقبات أسهلها أن اللي سرق العربية يحطها في جراج و ماتشوفش السماء :)
ثانيها الموبايل المستخدم مش هيكون ببساطة الموبايل أبو شاشة خضراء. ممكن يهنج فلازم تنزل له برنامج يضمن عمل ريستارت لو هنج و تضمن تشغيل برنامج الجي بي اس مع كل مرة الموبايل يعمل ريستارت. و لو ظبطت كل الأمور دي و خبيت الموبايل في العربية هيلقط إشارة منين؟؟ تركب له أنتنا في البوردة بتاعته و تطلعها برة يعني قصة مش مضمونة قوي

[Sherif Khalifa]

الاهم من دا كلة هتجبلة مصدر شحن للبطارية مستمر منين