بحث في البوجيهات او شموع الاحتراق

[samsong]

موضوع هايل ومعلومات قيمة

[Elawany13]

موضوع قيم جداً
تسلم ايدك

[kaza]

بجد مافيش اضافة كلام علمي سليم ومعلومة جيدة وواضح المجهود الشاق للحصول علي المعلومة دي
درس خصوصي في البوجيهات وربنا يكرمك ويجعلة في ميزان حسناتك
هو دة المنتدي ودول رجال المنتدي الكرام الله ينور

[hesham.sma]

موضووووع تاريخى

[old4art]

شكرا جدا وجزاك الله خيرا بس سؤال انت ليه مقلتش علي عربيات 1200 cc محتاجه رقم كام يعني بارد ولا سخن

[HAITHAM1985]

لن نوفيك حقك وحق المجهود مهما قولنا ........ بس من قلبى ربنا يجعاه فى ميزان حسناتك

[ahwanoso]

انا معرفش صاحب الموضوع بس بجد مجهود تحسد عليه الف شكر لحضرتك

[ahmed1981]

أشكرك على هذا الموضوع المتميز
بارك الله فيك وأكرمك

وجزاك عنا خيراً
-

[MohammedAladel]

بجد رووووووووووووووعة

[akmm]

موضوع خرافى والف شكر

[Dr.M_baz]

السلام عليكم ورحمة الله وبركاته
بصراحة موضوع أكثر من رائع.............بارك الله فيك.

[lanos2004]

انا عربيتى دايو لانوس اتنين كامه والكتالوج بيقول احط رقم 6 -بس انا بحط رقم 5---احب اعرف تاثير اختلاف الرقم ايه---انا مركب بوجيهات لانسر اصليه من التوكيل لعربيه دايو لانوس

[velkouf]

موضوع اكثر من هايل الف شكر على الموضوع الجميل و المفيد جدا

[FAR!D]

كيف تفك رموز اكواد البوجيهات للشركات المختلفه ؟



سنأخذ مثال لشركة ngk ومثال لمحرك لانسر كريستاله 99
بالعودة لكتالوج لانسر 99 وجدت أن هذه هي اكواد البوجيهات المفترضة لها
السيارة بموتور 4g13 وكود الشاسيه ck

أولا شركة ngk
النوع bpr5es-11
ثانيا شركة دينسو
النوع w16epr11
ثالثا شركة شامبيون
النوع m11yc4

فكرت أن اشتري بوجيهات جديدة لسيارتي لانسر 99 وأخذت الكود bpr5es-11
فلم أجد المطلوب ووجدت البديل العادي و قد أخذت لها صورة



الكود هو
bp6ey
طبعا يختلف اختلاف بسيط سأشرح معنى الكود في الصورة وأوضح الاختلاف مع المطلوب

حرف
b
يعني أن القطر 14 ملليمتر
حرف
p
تعني أن نوعها projected insulator type تعني ان العازل الخزفي ناتئ أي ظاهر
رقم
6
يدل على المدى الحراري للشمعة الرقم يتراوح من 2 إلى 11 الرقم الصغير أقصى السخونة والرقم الكبير أقصى البرودة ورقم 6 هنا يعني معتدلة لا ساخنة ولا باردة (بين البينين) ولو أنها اقرب للبرودة
حرف e يعني أن سن الشمعة يصل إلى 19 ملليمتر
حرف y يعني أن القطب الموجب به شق على حرف v او ما يسمى v grooved center

أهم حرف هو الأول لأنه هو الذي يحدد المقياس المضبوط لموتور لانسر 99 يعني ممكن اشتري أنواع أخرى من شموع ngk ولكن كلها ستتفق على أن تبدأ بحرف b
طبعا الأمر يختلف للمحركات الأخرى غير اللانسر كريستاله وسنعرف لاحقا كيف نحدده لكل موتور
أحيانا يكون نفس النوع ولكن تضاف له خصائص أخرى
بالرجوع لاكواد البوجيهات الموصى بها وهي
bpr5es-11
هو نفس الشكل الأول ويركب للانسر 99 ولكن زاد حرف وتغير حرف وتغير رقم وزاد رقم
زاد حرف r وهذا يعني أن البوجيه من نوع resistor المقاوم للتشويش الالكتروني
تغير رقم 6 إلى رقم 5 يعني المطلوب شمعة اسخن من الموجودة في السوق
تغير حرف y إلى حرف s يعني الشمعة تبدلت من النوع v grooved center إلى النوع القياس s أي standered
وزاد الرقم 11 وهذا يعني أن الثغرة gap مضبوطة مسبقا على 1.1 ملليمتر وإذا لم يكن الرقم موجودا فان البوجيهات غير مضبوطة من المصنع أي الثغرة عشوائية وتحتاج لضبط حسب ما هو مطلوب لمحركك

وهذه صورة تشرح باقي المعاني لو اختلفت الحروف والأرقام



وبنفس الطريقة يمكن أن تفك رموز الشركات الأخرى التي سنكتب عناوينها الالكترونية للاطلاع عليها
champion



denso




bosch






كيف تختار الشمعة المناسبة لسيارتك بدون الرجوع للكتالوج
و
كيف تطور البوجيه لنوع افضل من المذكور في الكتالوج؟


إذا كان كتالوج السيارة موجود فينصح بالالتزام به ولكن الكتالوج أحيانا يكتب البوجيهات القياسية وأنت تريد بوجيهات بلاتينيوم او ايريديوم او عدلت في موتورك وتريد شمعه باردة أكثر او أن موتورك من النوع الكسول فتريد شمعه ساخنة
ليس هناك أي مشكله
ستدخل على مواقع شركات البوجيهات وستجد دائما رابط اسمه part finder
ستدخل عليه وتتبع مواصفات سيارتك ليدلك على البوجيه المضبوط
مثال رابط لشركة ngk
ngk spark plugs usa

وموقع خاص للبحث في بوجيهات ngk
ngk partfinder for cars & light commercial vehicles

وهذا رابط للبحث دنسو ايريديوم في موقع شركة دنسو
find my part: Denso iridium

وهذا رابط لشركة بيرو الامريكية
product finder

وهذه تجربة عمليه للبحث عن بوجيهات شركة بيرو للانسر 99
وهذه النتيجة
product finder




حبيت بس اضيف حاجه عن بوجيهات ngk
الحاجه الاولى
عن بوجيهات laser platinum و laser iridium
علشان ميحصلش لبس في كلمة ليزر يعني هي مبتطلعش ليزر
لكن سن القطب الموجب المصنوع من البلاتين او الراديوم مقطوع او متوضب او ملحوم بالليزر علشان يبقى اطرافه حاده جداً
والفكرة ان لما يبقى القطب الموجب حاد او شارب جدا بيطلع شراره قوية
علشان كده البوجيهات الجديده دايما تلاحظ انها تفرق في السحب وتجميع السرعات لان شرارتها قوية لكن مع العمل تبدأ اطراف القطب الموجب تتآكل وتبدأ تضعف الشرارة عن الاول طبعا ده يحصل بدري مع البوجيهات العادية نحاسية القطب ومتأخر في البوجيهات بلاتينية القطب مثلا

علشان كده بنغير البوجيهات العادية نحاسية القطب بدري

الحاجة الثانية
البوجيهات الرياضية من شركة ngk او بوجيهات السباق racing spark plugs
اللي اتكلمت عليها قبل كده حبيت احط ليها صورة وحبيت أأكد على حاجه

حبيت التاكيد على انها مصنوعة علشان تتحمل الاجهاد العالي وانها بارده جدا زي ما قلت قبل كده يعني اللانسر ايفو يبقى المدى الحراري 7 او 8 فيما فوق واللانسر كريستاله 5
فعلشان كده محدش يفتكر انه لو جاب بوجيهات رياضية لعربية عادية ان عربيته هتبقى رياضيه وبتاعة سبق
بالعكس دي هتهبب وتتلوث كربون من اول مشوارين او وقفه طويله في اشارة مرور وهتلاقي السحب في الضياع والتثلث بدأ لان البوجيه ينظف من الكربون بالحرارة الجامده للموتور زي ما قلت قبل كده في قصة carbon fouling
وبوجه عام مواتير 1300 الى 1600 افضل مدى حراري ليها 5 واخره 6 ومواتير 2000 سي سي 7
وتجربتك مع عربيتك هتخليك انت تحدد المدى الحراري للبوجيه
الحاجه الثالثة
بما ان البوجيه يتنظف بالحرارة الجامده
نفرض ان واحد اشترى بوجيهات بلاتينوم او ايريديوم من اللي تعيش كثير اكثر من 120 الف كيلو
واشتراها بارده علشان هيشد بالعربية ويحرق ولكن ظروفه مسمحتش بكده وكانت موتوره هادي وبدأ السن يتلوث بالكربون يبقى ممكن يفكها وينظفها بالحرارة العالية
ازاي؟
كان زمان بيحطوها على البوتجاز وممكن كان تنفع مع البوجيهات القديمة لكن دلوقت انت محتاج حرارة قوية زي لهب الاكسجين بتاع اللحام توجهه للسن المكربن لمدة خمس دقايق علشان توصل لحرارة من 5000 الى 8000 درجة مئوية وهي حرارة التنظيف
وبعد كده ترجعها العربية تاني لانه خساره تضيع الفلوس على الارض خصوصا ان بوجيهات البلاتين غالية
والطريقة التانية للتنظيف انك تشيل الكربون بالمنظفات زي البنزين وتلمع الاقطاب بصنفرة ناعمه وتضبط الثغرة وترجع البوجيه تاني للموتور

الحاجة الرابعة
لما تفحص البوجيه اللي تطلعه من الموتور علشان تشوفه مهبب او مزيت يبقى هتفحص الاقطاب او السن يعني وملكش دعوة بالقلاووظ وباقي البوجيه الا اذى شفت صدى عليه او تلف للبوجيه بالكامل

انتهى

مصادر البحث
موقع aa1car
موقع ngk
موقع دنسو
موقع سبليت فاير
موقع بيرو
موقع شامبيون

بص مفيش رد عارف اقوله غير الله ينور عليك و يكرمك زي ماعلمتنا كلنا مفيش حد قرأ موضوعك ماستفادش و اتحدي

[walaaeldeen]

السلام عليكم
الله يعطيك العافيه ويجعله في ميزان حسناتك
والله المستعان