عمر الكاوتش tyre ....f life

[digi_7E]

لو سمحتم عايز اعرف الواحد لما يجي يشتري كاوتشات جديدة يشتري تاريخ صنع في حدود كام سنة ؟؟

قريت على مواقع اجنبية ان عمر الإطارات في المحلات 6 سنوات !! و شايف ان دا كتير مش عارف رأيكم اية ؟ و اية اللي هيحصل لو مثلا اشتريت النهاردة كاوتش جديد انتاج 2008 ؟؟ هل دا غلط ؟؟ (الكاوتش طري و زي الفل )

مستني ردودكم

[digi_7E]

اية يا رجالة ؟ محدش عارف خالص ؟

[Samir Elshahawy]

لو سمحتم عايز اعرف الواحد لما يجي يشتري كاوتشات جديدة يشتري تاريخ صنع في حدود كام سنة ؟؟

قريت على مواقع اجنبية ان عمر الإطارات في المحلات 6 سنوات !! و شايف ان دا كتير مش عارف رأيكم اية ؟ و اية اللي هيحصل لو مثلا اشتريت النهاردة كاوتش جديد انتاج 2008 ؟؟ هل دا غلط ؟؟ (الكاوتش طري و زي الفل )

مستني ردودكم

أعتقد أهم حاجة في الموضوع ده طريقة التخزين نفسها يعني الكاوتش مايكونش متخزن علي نفس وضع تركيبه في العربية و لكن يكون تخزينه علي وضعية الاستبن

[digi_7E]

أعتقد أهم حاجة في الموضوع ده طريقة التخزين نفسها يعني الكاوتش مايكونش متخزن علي نفس وضع تركيبه في العربية و لكن يكون تخزينه علي وضعية الاستبن

لأ انا اقصد كاوتش لم يستخدم قبل كدا خالص .. لسة بغلاف بتاعه لكن تاريخه قديم

شكراً لإهتمام حضرتك

[Adham]

انا من رأيي ان 6 سنوات كتير جداااااا و الكلام دة برة في البلاد الباردة و اللي بياعوا فيها اصول التخزين

انما هنا المستوردين مايسيبوش الكاوتش في اماكن جيدة التهوية و حرارتها معقولة

يعني اصول التخزين غير متوافرة

يعني لو كاوتش انتاج من سنتين انا مش حاشترية الا لو مزنوق و مش لاقي المقاس و معروض بسعر مغري و مش ناوي اقعد العربية اكتر من شهرين ثلاثة مثلا ( يعني في نيتي بيع العربية قريب)

دة حتى لو انت ناوي تشتري كاوتش و تركنة فترة دايما بينصحوا انك ترشة بودرة تلك و تركنة في البلاكونة او الجراج (تهوية جيدة) بس مايكونش في حتة الشمس فيها مباشرة فية و لا عرضة لرطوبة او مياة متساقطة مطر او رشح مثلا

[blazer]

6 سنوات كتيييير جدا
والكاوتش فيها بيكون فتره صلاحيته انتهت اصلا
دا غير انه هيبقى موديل قديم!
انا ماشتريش الكاوتش لو تاريخ انتاجه عدى 12 شهر

[zanativich]

انا لسه شارى كاوتش من شهر كان انتاج شهر فبراير السنه دى
خليك فى المضمون
الاقرب افضل

[hosamenter]

افضل تخزين ما بين سنتين لتلاتة اكتر من كدة ممكن الكاوتش يسلخ