تغير من الزيت المعدنى للتخليقى

[M.almaghraby]

يعني لو حالته كويسة

مش بيحرق زيت

مش محتاج عمرة

مش خفيف ولا مفوت ولا بيطلع دخان

[hanycapoo]

طب هل هحتاج oil flush ودة هجيبة منين وازاى اغسل بية الموتور والا اغير على طول؟؟

[M.almaghraby]

حضرتك لو مفيش ترسيبات موجودة و بيتم تغيير الزيت بانتظام يبقي لا تستخدم الفلاش اويل

[hanycapoo]

الف شكر يا دكتور يعنى اروح اغير الزيت على طول لفيسكو 5000 ودة الاقية فين وبكام ؟؟

[M.almaghraby]

اه يا باشا توكل علي الله زيت ممتاز

انا عامل بيه 12 الف كيلو لحد دلوقتي و الزيت كويس جدا

حتلاقيه في محطات كار جاس بتاعت الغاز الطبيعي او اي محل بيبيع زيوت موزع ليهم Bp visco

ب 215 او 220 علي اقصي تقدير و مش اكتر من كدا :))

[slim_shika]

السؤال هنا: مدة صلاحية الزيت قد إيه؟؟

يعني مثلا أنا بحط Mobil-1 , فـكنت قريت إن صلاحيته 10000 كيلو أو 6 شهور. أنا بعمل في السنة متوسط 20000 , هل هيفضل محتفظ بالزوجة بتاعته لمدة سنة؟؟؟

[hanycapoo]

يا جماعة انا اشتريت زيت فسكو 2000 الراجل بتاع البنزينة قاللى انة بيتغير عند 10000 كم وانا كونت بستخدم موبيل 1 فهل دة صح والا اجيب فيسكو 5000 وبعدين اللى انا جبتة كان ب 74 جنية وال 5000 ب56 جنية فهل احط ال 5000 والا 2000 ؟؟

[M.Zaher]

يا جماعة انا اشتريت زيت فسكو 2000 الراجل بتاع البنزينة قاللى انة بيتغير عند 10000 كم وانا كونت بستخدم موبيل 1 فهل دة صح والا اجيب فيسكو 5000 وبعدين اللى انا جبتة كان ب 74 جنية وال 5000 ب56 جنية فهل احط ال 5000 والا 2000 ؟؟

هوه فعلا ال 2000 بيتغير عند 10000 كلم
بس ده زيت معدني
وانت كنت بتحط موبيل 1 تخليقي يبقى تحط تخليقي زي مانت اللى هوه فيسكو 5000 و ده ب 220 جنيه
مش ب 56

[Mido_exe]

زيت شيفر

شيفر زيت أمريكى من أشهر الزيوت فى العالم و ممكن تدخلوا على النت و تشوفوه بيستخدم فى سباقات الفورميولا و ده زيت تخليقى 100 % وللأخوة اللى مش عارفين يعنى ايه تخليقى هوضحلكم بسرعة إن اللى يفرق بين زيت و زيت هو الـ base oil بتاع الزيت أغلب الزيوت بيبقى الbase فيها نافثانيك و ده خفيف جدا و جزيئاته مفتوحه و غير مشبعة و هو أكثر عرضة للإختلاط بالماء و الشوائب أما الشركات الكبيرة اللى ذكرتم أساميها فهى بتتفاخر بكون زينها تخليقى و هو فى الحقيقة خليط بين النفثانيك و البارافين ... أما شيفر و شركة كمان إسمها أوميجا دة البيز أويل عندهم بيبقى تخليقى 100 % و هو إما أن يكون pure parafine أو pure sainthatic أو خليط بين الإثنين حسب الـ grade بتاعته .

عموما شيفر 700 دة زيت محركات .. فى بلاد بره مابيتغيرش غير كل دهر .. لكن هنا و لظروف الجو تقدر تعمل بيه 30 ألف و انته مطمن و بالتجربة المعمليه .. يعنى تاخد زيت من بتاعك قبل ماتغيره خد منه عينه حللها و احتفظ بالنتيجه و حط شيفر و حللها عن العشرين الف مرة و عند التلاتين مرة و عند ال35 مرة و هتشوف الفرق عشان تبقى مطمن بعد كده .

ملاحظه : هناك flash oil برده من شيفر هبقى أجيب لكم رقمه و طريقة استخدامه

ملاحظة تانيه : الزيت ده موجود فى اسكندرية

[fosfos010]

مسمعتش عنة قبل كدة ياريت تكتب موصافاتة من الكاتلوج وصورة لية

[fosfos010]

شيفر زيت أمريكى من أشهر الزيوت فى العالم و ممكن تدخلوا على النت و تشوفوه بيستخدم فى سباقات الفورميولا و ده زيت تخليقى 100 % وللأخوة اللى مش عارفين يعنى ايه تخليقى هوضحلكم بسرعة إن اللى يفرق بين زيت و زيت هو الـ base oil بتاع الزيت أغلب الزيوت بيبقى الbase فيها نافثانيك و ده خفيف جدا و جزيئاته مفتوحه و غير مشبعة و هو أكثر عرضة للإختلاط بالماء و الشوائب أما الشركات الكبيرة اللى ذكرتم أساميها فهى بتتفاخر بكون زينها تخليقى و هو فى الحقيقة خليط بين النفثانيك و البارافين ... أما شيفر و شركة كمان إسمها أوميجا دة البيز أويل عندهم بيبقى تخليقى 100 % و هو إما أن يكون pure parafine أو pure sainthatic أو خليط بين الإثنين حسب الـ grade بتاعته .

عموما شيفر 700 دة زيت محركات .. فى بلاد بره مابيتغيرش غير كل دهر .. لكن هنا و لظروف الجو تقدر تعمل بيه 30 ألف و انته مطمن و بالتجربة المعمليه .. يعنى تاخد زيت من بتاعك قبل ماتغيره خد منه عينه حللها و احتفظ بالنتيجه و حط شيفر و حللها عن العشرين الف مرة و عند التلاتين مرة و عند ال35 مرة و هتشوف الفرق عشان تبقى مطمن بعد كده .

ملاحظه : هناك flash oil برده من شيفر هبقى أجيب لكم رقمه و طريقة استخدامه

ملاحظة تانيه : الزيت ده موجود فى اسكندرية

مسمعتش عنة قبل كدة ياريت موصفاتة من الكاتلوج وصورة لية