ماذا افعل ؟؟؟

[rasim]

السلام عليكم
كيف حالكم جميعا
فى سؤال عندى ؟؟
انا لسه الحمد لله ربنا وفقنا وجبت عربيى من حوالى شهر
الحمد لله بمشى بيها الحمد لله كويس

بس المشكلة هنا انا ساكن فى القطامية وطبعا الشوارع فاضية شويه يعنى الحمد لله بعرف امشى فى المناطق عندنا
بس علشان انزل تحت اى القاهرة لازم الدائرى وفى ناس كتير بتقولى لسه بعد سنة ابقى انزل

وانا مش مقتنع بكده انا علاشن اتعلم لازم احتك بالعربيات وعندنا فى القطامية ما فى عربيات كتير قوى يعنى

طب انا كنت بفكر انزل يوم الجمعه اجرب الصبح الساعه 6 وامشى على الدائرى اشوف النظام ايه

بس طبعا الناس تقولى لا بلاش
مع انه ركبو على الدائرى رادارات كتير الايام ديه

ماذا افعل ؟؟؟

[ahmed88hassan]

لأ عادي انزل وعيش حياتك وسط الناس ولا يهزك
بس اهم حاجة انك تعرف تمسك نفسك ومتتوترش لو الناس قعدت تكلكسلك

وده برده يتوقف ع ثقتك في نفسك .. لو كويسة متخافش وانزل
وربنا معاك

[nouranwar]

طالما متمكن من العربية و عارف زوايا و حدود عربيتك و انت حاسس انك بتسوق كويس يبقي توكل علي الله زي ما بتسوق هنا هتسوق هناك هي مش حاجة يعني
و طالما لسه هتدخله اول مرة حاول تاخد جنب كده في الاول بس و ربنا معاك
و تبقي تشرب بيريل هههههههههههه بهزر والله :)

[kamatsho]

بعد سنه ؟؟؟؟ ليه يا عم اللى قالك كده يبقى من الاخر بيحقد عليك ياعم هيا طياره عشان يقولك بعد سنه ؟؟

توكل على الله وانزل وجرب وامشى فى زحمه بس براحتك وبعقل كده ومتتوترش خالص وخليك واثق كويس فى نفسك ومتترددش خالص فى اى قرار اخدته فى السواقه عشان التردد غلط وممكن تربك اللى وراك بالتردد بتاعك ويحصل حاجه مش كويسه لا قدر الله وعلى فكره لو فضلت تسوق سنه فى الطرق الفاضيه اللى عندك ده مش مقياس للسواقه فى القاهره والزحمه خااالص اللى بيسوق فى الجبل مش زى اللى بيسوق وسط الزحمه .... من الاخر كده لو محتكتش بالناس والزحمه من دلوقت يبقى مش هتتعلم السواقه صح .... بس حاول تاخد جمب مع نفس كده ومتروحش يمين ولا شمال غير لما تبص فى مراياتك وتتأكد ان مفيش اى حاجه جايه مندفعه وراك .. وفى الاول والاخر ربك اللى بيسترها والله مش حرفنه ولا نصاحه

[م. عصام مهنى]

بعد سنه ؟؟؟؟ ليه يا عم اللى قالك كده يبقى من الاخر بيحقد عليك ياعم هيا طياره عشان يقولك بعد سنه ؟؟

توكل على الله وانزل وجرب وامشى فى زحمه بس براحتك وبعقل كده ومتتوترش خالص وخليك واثق كويس فى نفسك ومتترددش خالص فى اى قرار اخدته فى السواقه عشان التردد غلط وممكن تربك اللى وراك بالتردد بتاعك ويحصل حاجه مش كويسه لا قدر الله وعلى فكره لو فضلت تسوق سنه فى الطرق الفاضيه اللى عندك ده مش مقياس للسواقه فى القاهره والزحمه خااالص اللى بيسوق فى الجبل مش زى اللى بيسوق وسط الزحمه .... من الاخر كده لو محتكتش بالناس والزحمه من دلوقت يبقى مش هتتعلم السواقه صح .... بس حاول تاخد جمب مع نفس كده ومتروحش يمين ولا شمال غير لما تبص فى مراياتك وتتأكد ان مفيش اى حاجه جايه مندفعه وراك .. وفى الاول والاخر ربك اللى بيسترها والله مش حرفنه ولا نصاحه

الله ينور عليك

[mahmoud5777]

خلى اعصابك فى تلاجة واعتبر ان " الناس دى مجانين وانت العاقل الوحيد " سورى للتعبير بس معناه انك متعتمدش على ان اللى معاك فى الشارع هياخد بالو منك لو غلطت خليها العكس يعنى انت خد بالك زياده وتوكل على الله لأن دى تجربة قدمت أو أخرت هاتعملها
وبعدين هاييجى يوم تفتكر أنك دخلت المنتدى علشان تاخد رأينا فأنك تنزل الدائرى ولا لأ وهاتضحك
وهتلاقى نفسك سايق فى اى حته وانت مسترخى كدة وربنا يستر عليك

[rasim]

جزاكم الله خيرا جيمعا على الرد المشجع
انا فعلن نزلت امس رحت كارفور الساعه 7 مساء وكان الحمد لله الطريق رايق
وطبعا كنت خايف فى الاول اول ما طلعت على الدائرى بس بعد ذلك الحمد لله رحت وجيت والحمد لله كنت ماشى على اليمين وكنت ماشى على الثالث مابين 60 و75
والحمد لله
وجزاكم الله خيرا على التشجيع

[tarekzein]

مبروك والله فكرتنى بنفسى بعد تانى حصه تعليم سواقه أخدت عربيتى وطلعت الدائرى لغاية التجمع الخامس

وعشت حياتى هناك طول اليوم ورجعت ......

تانى يوم كنت فى أسكندريه بعربيتى

أيييييييييييييييه فعلا متعه

[shadygalal669]

انا جمبك في التجمع التالت

طالما انك رحت كارفور يبقي تمام و ابقي برضو اطلع اتمشي في ال90 شويه

و بعدها بشويه ممكن تروح الحي العاشر من عند التسعين مش الزهراء و ممكن وانت راجع ترجعها من الزهراء لزوم الاحتكاك بالناس و كده

و ربنا يباركلك في العربيه و يديلك خيرها و يكفيك شرها ان شاء الله

[rasim]

السلام عليكم
وشكرا يا جماعه على المساعده

[wise]

سنةةةةة ميييين يا معلم بس انزل يا عم و عيش حياتك و انت الي هتجراء نفسك بنفسك علي فكررة سوق يس يومين كداا عادي و خ\ علي العربية و انزل روح اي حتة يا معلم و عيش ربك هو الي بيستر

[tigernet]

السلام عليكم
كيف حالكم جميعا
فى سؤال عندى ؟؟
انا لسه الحمد لله ربنا وفقنا وجبت عربيى من حوالى شهر
الحمد لله بمشى بيها الحمد لله كويس

بس المشكلة هنا انا ساكن فى القطامية وطبعا الشوارع فاضية شويه يعنى الحمد لله بعرف امشى فى المناطق عندنا
بس علشان انزل تحت اى القاهرة لازم الدائرى وفى ناس كتير بتقولى لسه بعد سنة ابقى انزل

وانا مش مقتنع بكده انا علاشن اتعلم لازم احتك بالعربيات وعندنا فى القطامية ما فى عربيات كتير قوى يعنى

طب انا كنت بفكر انزل يوم الجمعه اجرب الصبح الساعه 6 وامشى على الدائرى اشوف النظام ايه

بس طبعا الناس تقولى لا بلاش
مع انه ركبو على الدائرى رادارات كتير الايام ديه

ماذا افعل ؟؟؟

اهم حاجة تبقى cool , و انت نازل

[A.Saad]

http://www.nilemotors.net/Nile/127724-a.html

[Moustafa_Kamel]

و الله بتختلف من واحد للتانى
و اكيد اللى بيقولك كده خايف عليك
و انا اللى علمنى السواقه قالى 3 او 4 شهور على ما تسوق كويس
و بعد 3 ايام كنت سايق على الزراعى على 150 زى الفل
جمد قلبك و حس بالاله اللى تحت اديك و اعمل حسابك ان لو مكتوب للعربيه انها تتخبط هاتتخبط و الله حتى لو كنت راكن