ياجماعة ايه الفرق بين p ,n

[egyptawy2010]

ياجماعة ايه الفرق بين p ,n فى الاوتوماتيك

طالما الاتنين يوقفوا العربية امتى استخدم ده وامتى ده

[M.Zaher]

n يعني ممور العربيه و الفتيس مش واخد اي غيار
p يعني معشق الفتيس

[modiabbas]

ياجماعة ايه الفرق بين p ,n فى الاوتوماتيك

طالما الاتنين يوقفوا العربية امتى استخدم ده وامتى ده

انت عموما لما توقف بالعربيه ... دوس فرامل و هاتها على ال n و بعد كده ارفع الهاند بريك و و هاتها على P .... عشان العربيه متكونش محمله على الجير بوكس ..

و لما تكون راكن فى منزل او مطلع يستحسن توقف و بعدين دوس فرامل و هاتها على ال N و ارفع الهاند بريك بس .. اتمنى اكون افدتك ..

[Nistelrooy]

بس في عربيات المفتاح مابيطلعش ع الـ n ..

[modiabbas]

بس في عربيات المفتاح مابيطلعش ع الـ n ..

اول مره اسمعها ديه ... انا عندى فى الاوكتافيا بيطلع عادى... على ال d مش بيطلع ....

[MoOoD]

لا فعلاً فى عربيات المفتاح مش بيطلع وهى على الـn

طيب و الواحد فى الإشاره يجب الـ n ولا يدوس فرامل أحسن بس

[ahmedyehia515]

فعلاً فى عربيات لازم تجيب الp عشان المفتاح يطلع ( الباسات مثلاُ) و فى الحالة ده كنت بجيب الN و بشغل الهاند بريك ( الهاند بريك كان زرار مش دراع) و بعد كده أجيب الP.

[modiabbas]

لا فعلاً فى عربيات المفتاح مش بيطلع وهى على الـn

طيب و الواحد فى الإشاره يجب الـ n ولا يدوس فرامل أحسن بس

ما هو فى بلدنا ديه و زحمتنا ديه هتبقى العربيه على طول على ال N
انا عن نفسى بدوس فرامل و خلاص مش كل شويه هاجيبها N

[3ateef]

بس في عربيات المفتاح مابيطلعش ع الـ n ..

الجيتا بتاعت صاحبى كده....

[GMakram]

بأختصار ال N و ال P نقلتين يستخدموا فى حاله الثبات يعنى لما العربيه بتكون العربيه واقفه

ال N ده معناه ان العربيه متموره,يعنى تقدر تزقها وهى واقفه الفتيس مش متعشق

اما ال p هو ان العربيه تبقى متعشقه وهى واقفه وفى الحاله دى مينفعش العربيه تتحرك من مكانها وهو وضع مس مستحب اوى فى العربيات الاوتوماتيك لان ممكن العربيه تتزق او عربيه تريح عليها وهى واقفه على الوضع ده وبالتالى تكون النتيجه تكسير صندوق التروس لذلك معظم قائدى الاوتوماتيك بيفضلوا ال N مع رفع فرامل يد

تحياتى

[karkor30]

ما هو فى بلدنا ديه و زحمتنا ديه هتبقى العربيه على طول على ال n
انا عن نفسى بدوس فرامل و خلاص مش كل شويه هاجيبها n :t_thum1[1]:

انا بعمل كده برضه بسمع صوت طقة خفيفة لان العربية عايزة تمشى وانا مكتفها بالفرامل لكن لما بجيب ال n بتبقى واقفة مرتاحة

[timtim77]

بس في عربيات المفتاح مابيطلعش ع الـ n ..

فعلا فى عربيلت كده كتير وعربيات بينفع يطلع المفتاح وهو على n
بالنسبه للعربيات اللى مش بيطلع المفتاح ليها حل بعد لما تطفى العربيه وهيه فى وضع p
حتلاقى زرار جانب الجير البوكس مكتوب عليه Release
تضغط عليه وتحرك العصايا الى n

[=ISLAM=]

انت عموما لما توقف بالعربيه ... دوس فرامل و هاتها على ال n و بعد كده ارفع الهاند بريك و و هاتها على p .... عشان العربيه متكونش محمله على الجير بوكس ..

و لما تكون راكن فى منزل او مطلع يستحسن توقف و بعدين دوس فرامل و هاتها على ال n و ارفع الهاند بريك بس .. اتمنى اكون افدتك ..

انا بعمل كده بالظبط

لا فعلاً فى عربيات المفتاح مش بيطلع وهى على الـn

طيب و الواحد فى الإشاره يجب الـ n ولا يدوس فرامل أحسن بس

n+ فرامل اليد

بأختصار ال n و ال p نقلتين يستخدموا فى حاله الثبات يعنى لما العربيه بتكون العربيه واقفه

ال n ده معناه ان العربيه متموره,يعنى تقدر تزقها وهى واقفه الفتيس مش متعشق

اما ال p هو ان العربيه تبقى متعشقه وهى واقفه وفى الحاله دى مينفعش العربيه تتحرك من مكانها وهو وضع مس مستحب اوى فى العربيات الاوتوماتيك لان ممكن العربيه تتزق او عربيه تريح عليها وهى واقفه على الوضع ده وبالتالى تكون النتيجه تكسير صندوق التروس لذلك معظم قائدى الاوتوماتيك بيفضلوا ال n مع رفع فرامل يد

تحياتى

انا فعلا بعد اللي سمعته عن ال p والخوف ان حد يريح عليك او يزق العربيه وترس من تروس الجير يتكسر مبقتشي استخدمه خالص
الا لو راكن عمودي علي الرصيف وحته محترمه وهاديه ممكن احطه علي p بس غير كده في ركنه الجراج او اي ركنه n+هاند بريك

[ahmedyehia515]

بس يعنى بصراحة عشان واحد يريح على عربية واقفة لدرجة انو يكسر حاجة فى الجير بوكس ده يبقى غشيم جداً عشان التروس بتاعت الجير بوكس بتبقى مصنوعة عشان تقاوم الصدمات لإنها بتعشق مع بعضها و هى بتلف بسرعات عالية فأكيد لما اللى بيريح ده يوصل لمرحلة تدمير الجير بوكس هيكون دمر حاجات اكتر من كده . انا شفت عربية جيتا اتخبطت و هيا واقفة خبطة محترمة و الأكصدام الورانى ادمر و العربية زحفت بتاع نص متر على الأرض و رغم كل ده الجير بوكس محصلوش حاجة