ازاى ارجع للخلف

[hpxp]

بص يا معلم انا لطش العربيه مرتين بسبب حكايه الرجوع لوري دي كل ما في الموضوع ياسيدي انت تسيب لنفسك مسافه 30-50 سنتي دا لو داخل ما بين عربيتين وتبدي تكسر واحده واحده وانتا اكيد هتعرف تصرف
واعتمد علي مرايا وبالذات الي في النص زمتعتمتش علي الي جمبك لان دي سبب الخبطه التانيه في العرابيه راجع وفي امان الله لبست في بي ام والحمد لله جت سليمه كل مافي الموضوع الحج البي ام واقف قرب القايم عندي راجع ومعتمد علي المراياا الشمال واخت البسه التمام
وبالخبرة هتيجي

[Zika9909]

ياجماعه انا بتوجهني مشكلة وانا برجع بالعربية اني مش بعرف اوازي بين البنزين والدبرياج ازاي اوازي بينهم وانا برجع لورا وشكرا على الافاده مع العلم اني بتعلم السواقة دلوقتي ولو فى نصايح فى عملية الرجوع لورا او ركن العربية شاكرين

هقولك على حاجة سهلة، و أنت راجع انسى دواسة البنزين خالص و ابدأ ارفع رجلك من على الدبرياج سنة سنة هتلاقي العربية قامت بسرعة بطيئة، ثبت رجلك على الوضع ده، و لو حبيت تزود سرعتك دوس بنزين بالراحة أوي (و رجلك الشمال ثابتها زي ما هي على الدبرياج) هتلاقي العربية سرعتها بتزيد، مع الوقت هتقدر توازن بين البنزين و الدبرياج و هيبقى الموضوع طبيعي بالنسبة لك.

[roua2007]

متابع

[zegzaag]

في لعب فلاش بسيطه لتعليم الرجوع بالظهر والركن وهتفيدك جدا

Car Parking Games - Online Flash Games

اختار اللعبه الي تعجبك وكلهم فحتت ديقه وركنات ورجعة بالظهر وعدي اللفيلز وعيش

[Zika9909]

في لعب فلاش بسيطه لتعليم الرجوع بالظهر والركن وهتفيدك جدا

Car Parking Games - Online Flash Games

اختار اللعبه الي تعجبك وكلهم فحتت ديقه وركنات ورجعة بالظهر وعدي اللفيلز وعيش

شكرًا

[medhatth]

هقولك على حاجة سهلة، و أنت راجع انسى دواسة البنزين خالص و ابدأ ارفع رجلك من على الدبرياج سنة سنة هتلاقي العربية قامت بسرعة بطيئة، ثبت رجلك على الوضع ده، و لو حبيت تزود سرعتك دوس بنزين بالراحة أوي (و رجلك الشمال ثابتها زي ما هي على الدبرياج) هتلاقي العربية سرعتها بتزيد، مع الوقت هتقدر توازن بين البنزين و الدبرياج و هيبقى الموضوع طبيعي بالنسبة لك.

ثانكس يابوب على النصيحه بس انا لما باجي ارجع المفروض بدوس سنة صغيرة على البنزين معنى كلامك اني اعتمادي كله على الدبرياج طيب ولو حسيت اني هخبط وانا برجع لورا ادوس جامد على الدبرياج عشان اوقف العربية ومتبطلش ولا

[medhatth]

شكرًا

شكرا على اللعبة وهي فعلا هتفديني فى السواقة للخلف ثانكس يا بوب

[Zika9909]

ثانكس يابوب على النصيحه بس انا لما باجي ارجع المفروض بدوس سنة صغيرة على البنزين معنى كلامك اني اعتمادي كله على الدبرياج طيب ولو حسيت اني هخبط وانا برجع لورا ادوس جامد على الدبرياج عشان اوقف العربية ومتبطلش ولا

أنا قولت لك كده عشان أنت مش عارف توازن بين البنزين و الدبرياج.
تحكمك في سرعة العربية بيكون من خلال الدبرياج مش البنزين، جرب دوس دبرياج للآخر و دوس بنزين زي ما أنت عايز عمر العربية ما هتتحرك، الخوف و أنت راجع (و مش قادر تتحكم كويس في البنزين و الدبرياج) العربية تجري منك و تدوس حد أو تخبط حاجة، عشان كده أنا بقولك ارفع رجلك من على الدبرياج بالراحة لحد العربية ما تقوم على السلانسيه من غير ما تزود بنزين، بعد كده لو عايز تجري أسرع زود بنزين و ارفع شوية من الدبرياج لحد ما ترفع رجلك من على الدبرياج خالص، مع الوقت و التدريب هتقدر توازن بين البنزين و الدبرياج من غير ما تفكر حتى.
بالنسبة للوقوف: لازم قبل ما تفرمل تكون دايس دبرياج للآخر (عشان لما العربية تقف ماتبطلش) و دوس فرامل بقوة معتدلة يعني مش تكبس فرامل و لا تحسس عليها، و بردو تيجي بالتدريب المتواصل مش من أول مرة و لا عاشر مرة.

[gbgramadan]

la;,,,,v

[gbgramadan]

مشكووووووووووور

[medhatth]

الف شكر على النصايح :)

[medhatth]

يا جماعه انا عندي مازادا استيشن 323 والفانوس بتاع العربية اتكسر عايز اعرف الاقي قطع غيار ليها فين

[kashtoot]

بص حاجة علمهاني المدرب وسهلة جدا



هاترجع لورا وعايز تخش يمين << جيب الدريكسيون يمين
هاترجع لورا وعايز تخش شمال<< جيب الدريكسيون شمال

بسيطة اوي .. في الاتجاه الي عايزة تجيب الدريكسيون ناحيتة ..

ميه ميه
و إن شاء الله واحدة واحدة و الموضوع هيبقى سهل جدا

[shaddadfalcon1]

اهم حاجه بص بصه لو تعرف وانت بره العربيه عشان تكشف الطريق كله وراك لو في حفره او مطب او اي حاجه في الطريق ولما تجيب مارشدير بص وراك يعني لف ظهرك لو حسيت انك لسه محتاج تبص او معرفتش تنزل من العربيه وبعد كده ترجع عادي خالص مع المرايا اللي في النص وكل ثانيتين كده تبص علي المرايات الجانبيه عشان تتاكد انك ماشي صح وتبقي علي اقل من مهلك

الاتجهات زي مابتبقي ماشي قدام عادي خالص لو عايز ظهر العربيه ييجي يمين هتحود يمين والعكس صحيح يعني لو انت راجع بظهرك وعايز تدخل بظهرك في طريق علي شمالك يبقي هتكسر شمال عشان ظهر العربيه يدخل في الشمال

[Sallo]

بص نظرى كده مش حلو هات واحد صاحبك و روح فى مكان واسع و طبعا ما يكونش فى عربيات و هات مثلا كراتين من بتاعت السيبسى و اعمل منهم تراك بسيط او حاجز هات الفتيس على وضع المارشدير و ارجع بهدوء و جرب ازاى تجيبها يمين و ازاى تجيبها شمال لحد ما تعرف زوايا الانحراف بتاعت عربيتك و تتعود عليا انا بقالى شهرين بسوق و كنت بركن العربيه بالعافيه بسبب انى مش بعرف ارجع للخلف دلوقت بقيت بركن العربيه وسط عربيتين و الكاوتش بتاعى لازق فى الرصيف يعنى لو عربيه زنقتنى من قدام ما اعرفش احرك عربيتى من كتر ما انا لازق فى الرصيف و ما تقلقش كل شئ بييجى بالتعود و اهم حاجه تشوف الطريقه اللى تريحك فى الرجوع مش الطريقة اللى يقوللك عليها حد اهم شئ خللى بالك لأنك مش بتبقى شايف كل حاجه وراك و انت سايق و دى بتعتمد على تقديرك للمسافات ........... اتمنى اكون افدت