ما هو العمر الافتراضي للموتور ؟

[M!SHO]

زى مقولت قبل كده
واحد معرفه معاه لانسر بومه 2007 وعامله فوق ال 490 ألف كيلو
وما شاء الله عليها العربيه زيرو ومتعملش فيها غير الصيانات الدوريه بس

على فكره اليابانى من أكتر المواتير المعمره وفى المقدمه تويوتا
عندك الكامرى والكرسيدا بتوصل للمليون كم من غير عمره

وطريقة الأستخدام هى اللى بتفرق

[M!SHO]

وعامة اكتر ماركه شفتلها مواتير مفوته في مصر وفي الخليج هي فولكس فاجن الالمانيه ومعظم البولو والجولف والبورا اللي شفتهم مغيرين مواتير لانهم فوتو !

+11111111111111
واحد صاحبى معاه بولو مغير موتور وهو مكملش 150 الف كم برغم أنه مبيهينش العربيه خالص
و بالنسبه للجولف شوفت كتير أوى

[Adham]

واحد معرفه معاه لانسر بومه 2007 وعامله فوق ال 490 ألف كيلو
وما شاء الله عليها العربيه زيرو ومتعملش فيها غير الصيانات الدوريه بس

على فكره اليابانى من أكتر المواتير المعمره وفى المقدمه تويوتا
عندك الكامرى والكرسيدا بتوصل للمليون كم من غير عمره

وطريقة الأستخدام هى اللى بتفرق

صعب قوي عربية 2007 تعمل 490 الف كيلو متر يعني دي كل يوم بتعمل فوق ال 350 كيلومتر في اليوم متوسط , دة لو كدة يبقى بيسافر اسكندرية يوماتي شغلة هناك مثلا و ساكن في القاهرة !!!

و فعلا الياباني من اكثر السيارات المعمرة و فية عربيات تويوتا سمعت من فترة ان تويوتا كريسيدا عملت المليون كيلومتر و اخدت جايزة من الشركة

طيب المحافظه عليه بمعني ايه ؟ تغيير زيت و فلاتر يعني ولا ايه ؟ و بردوا مافيش حد قال رقم يعني ممكن اوصل ل 500 من غير مشاكل ؟

موتور البوكسر تصميم هايل و كون مكوناتة يابانية من شركة محترمة زي سوبارو يؤهلة لأنة يعمل ال 500 الف كيلو متر لو تحقق شرطين

تغيير الزيت و العناية الفائقة بالمحرك من حيث الصيانة

الاستعمال الهاديء بدون قرص او حرق

و طبعا بمشيئة ربنا سبحانة و تعالي و تلافي اي ظروف عارضة او قهرية

[M!SHO]

صعب قوي عربية 2007 تعمل 490 الف كيلو متر يعني دي كل يوم بتعمل فوق ال 350 كيلومتر في اليوم متوسط , دة لو كدة يبقى بيسافر اسكندرية يوماتي شغلة هناك مثلا و ساكن في القاهرة !!!

و فعلا الياباني من اكثر السيارات المعمرة و فية عربيات تويوتا سمعت من فترة ان تويوتا كريسيدا عملت المليون كيلومتر و اخدت جايزة من الشركة

لا مش صعب ولا حاجه بالنسبه لطبيعة شغله ( سفر على طول وأكتر من مره فى اليوم )
أنا بقالى فتره نفسى أشوفه عشان أصور العداد والعربيه بس هو حاليا مستقر فى بورسعيد

أنا عندى صحابى بيعملوا فوق 120 ألف فى السنه ( وطلبة جامعه لسه )

[Adham]

اكيد صديق حضرتك دة شغال مهندس في بتروجت او شركة بترول و بيلف طول النهار على مواقع لاصلاح اعطال معدات

ليا صديق كدة بس مش لدرجه نص مليون كيلو متر في 4 سنين, و الشركة هي اللي بتطلعه بعربية بسواق

تصدق حضرتك انا يمكن ما عملتش 120 الف كيلو دي في عشر سنوات هههههههههه

[M!SHO]

اكيد صديق حضرتك دة شغال مهندس في بتروجت او شركة بترول و بيلف طول النهار على مواقع لاصلاح اعطال معدات

ليا صديق كدة بس مش لدرجه نص مليون كيلو متر في 4 سنين, و الشركة هي اللي بتطلعه بعربية بسواق

تصدق حضرتك انا يمكن ما عملتش 120 الف كيلو دي في عشر سنوات هههههههههه

ههههههههه
على فكره أنا زى حضرتك بالظبط
العربيه اللانسر معايا بقالها حوالى 6 اشهر ومعملتش غير 3000 ك

وأى عربيه بركبها بالكتير أوى بعمل 1200 ك فى الشهر

[shankosi]

أولا ... كل سنة وانتم كلكم طيبين..

لو سمحتم يا جماعة عندي رأي أشارك بيه في الدردشة دي..

أعتقد انه صعب جداً تقدير عمر المحرك بالكيلومترات والطريقة الأفضل نحسبها بالمصروف يعني طول ما العربية مش محتاجة وش سلندر ولا طقم شمبر تبقا شغالة

بس لما تبدأ تكون تكلفة جملة إصلاحاتها غير اقتصادية بالنسبة لسعرها السوقي يبقى عمر المحرك انتهى حتى لو كان ممكن اصلاحه، مع افنراض ان كل قطع الغيار كتوفرة وأصلية طبعاً.

يعني مثلاً ما ينفعش يكون عندي عربية ثمنها في السوق - وهي بحالة جيدة - 30 ألف جنيه وبصرف عليها كل سنة 5-6 ألاف جنيه صيانات ومصنعيات وقطع غيار، يعني لما العربية توصل للمرحله دي - بغض النظر عن أيه اللي وصلها للحالة دي سواء استهلاك طبيعي، سوء البنزين، قلة جودة الزيوت، سوء الصيانات وقلة معرفة الصنايعية، قطع الغيار المضروبة - يبقى فعلياً العربية عمرها انتهى بس احنا عمالين نضوحر معاها عملاً بمبدأ "حمارتك العارجة، ولا سؤال اللئيم" أو "احييني النهارده وبكره يحلها ألف حلال"

عموما أعتقد ان عمر العربيات عندنا نوع من ثقافة الشعب وليس مقاييس واختبارات كفاءة أو أداء.

يعني مش مهم انها كوري ولا هندي - المهم هي بتصرف ايه وماشية ازاي بعد المصروف ده؟؟

تحياتي يا شباب....

[shankosi]

أولا ... كل سنة وانتم كلكم طيبين..

لو سمحتم يا جماعة عندي رأي أشارك بيه في الدردشة دي..

أعتقد انه صعب جداً تقدير عمر المحرك بالكيلومترات والطريقة الأفضل نحسبها بالمصروف يعني طول ما العربية مش محتاجة وش سلندر ولا طقم شمبر تبقا شغالة

بس لما تبدأ تكون تكلفة جملة إصلاحاتها غير اقتصادية بالنسبة لسعرها السوقي يبقى عمر المحرك انتهى حتى لو كان ممكن اصلاحه، مع افنراض ان كل قطع الغيار كتوفرة وأصلية طبعاً.

يعني مثلاً ما ينفعش يكون عندي عربية ثمنها في السوق - وهي بحالة جيدة - 30 ألف جنيه وبصرف عليها كل سنة 5-6 ألاف جنيه صيانات ومصنعيات وقطع غيار، يعني لما العربية توصل للمرحله دي - بغض النظر عن أيه اللي وصلها للحالة دي سواء استهلاك طبيعي، سوء البنزين، قلة جودة الزيوت، سوء الصيانات وقلة معرفة الصنايعية، قطع الغيار المضروبة - يبقى فعلياً العربية عمرها انتهى بس احنا عمالين نضوحر معاها عملاً بمبدأ "حمارتك العارجة، ولا سؤال اللئيم" أو "احييني النهارده وبكره يحلها ألف حلال"

عموما أعتقد ان عمر العربيات عندنا نوع من ثقافة الشعب وليس مقاييس واختبارات كفاءة أو أداء.

يعني مش مهم انها كوري ولا هندي - المهم هي بتصرف ايه وماشية ازاي بعد المصروف ده؟؟

تحياتي يا شباب....

[Kazzaz]

شكرا يا شباب علي المعلومات دي فعلا ... يعني الموضوع موضوع نسبي و يعتمد بسكل كبير علي الشخص نفسه و كيفيه عنايته بالمحرك ...

بس انا ليا استفسار ممكن تفاصيل اكثر للمحافظه علي الموتور لو مثلا عايز اعمل الصيانه بره التوكيل ... انا اللي اعرفه اللي بيتغير دوريا زيت المحرك و الفلاتر و و سير الكاتينه و الدينامو ( و بالمره هو ازاي اعرف لو سير الكاتينه عايز يتغير ؟ ) و البوجيهات... ايه تاني يتعمل في حاجه تانيه ؟

[Ahmed Hassan]

سير الكاتينه عندك تغيره كل 90000 كم