أستشارة بخصوص الصمغ بتاع الشجر

[DViPER]

السلام عليكم

أنا يا جماعة كنت مشمع العربية و روحت بيها والشمع نشف ومسك الحمد لله

تاني يوم وانا راكنه تحت الشجر وقع عليها (الشنطة) صمغ من بتاع الشجر

المهم السايس مسحه بأيده فنشف وعمل طبقة زي اللزق اللي بيبقع علي البادي بتاع العربية

ممكن حد يدلني ازاي اشيلها من غير ما اضر الدهان

الموضوع فات عليه حوالي شهر والعربية رينو لوجان

[DViPER]

للرفع

برجاء الإفادة

[micromoud]

ميه سخنه ونظفها وحاول معاها

[Adham]

دة مش صمغ

الصمغ بيبقى من اشجار معينة في البلاد الاستوائية الحارة زي السودان

و بيبقى بقطع اجزاء من لحاء الشجر علشان يتم تجميعه يعني مش من الفروع و لا من الاوراق و لا الزهور او الثمار

اللي عندك دة مجرد حبوب (ثمار صغيرة) و زيوت من اشجار عادية

اغسل العربية عادي بماية و صابون

و لو لسة ملزقة امسحها بشوية جاز

ماتقلقش من الجاز ما بيأثرش عالدهان بل بالعكس بيلمعه و يشيل اي زفارة علية

و في البنزينة بيغسلوها بجاز كتير

و بتاع الدوكو بيمسحها بجاز بعد الكومباوند علشان يزيل اي بواقي كمباوند و يديها لمعه

[lancerevolution]

مية و صابون و خلاص

[DViPER]

هجرب وأقولكوا

جزاكم الله خيرا

[Super_Star_h]

دة مش صمغ

الصمغ بيبقى من اشجار معينة في البلاد الاستوائية الحارة زي السودان

و بيبقى بقطع اجزاء من لحاء الشجر علشان يتم تجميعه يعني مش من الفروع و لا من الاوراق و لا الزهور او الثمار

اللي عندك دة مجرد حبوب (ثمار صغيرة) و زيوت من اشجار عادية

اغسل العربية عادي بماية و صابون

و لو لسة ملزقة امسحها بشوية جاز

ماتقلقش من الجاز ما بيأثرش عالدهان بل بالعكس بيلمعه و يشيل اي زفارة علية

و في البنزينة بيغسلوها بجاز كتير

و بتاع الدوكو بيمسحها بجاز بعد الكومباوند علشان يزيل اي بواقي كمباوند و يديها لمعه

بضبط كده شجر الصمغ ده مشوفتهاش الا فى اسوااان
بيبقى لازق على فروع الشجره وجسمها
مش فاكر اسمها ايه بضبط الشجره دى
بس الصمغ بتاعها لو جى على عربيتك مش هتطلع تانى ولو بالطبل البلدى حتى
حلها تقشر البويه وتطلع بيها
وخصوصآ لو الصمغ نشف

[micromoud]

دا شجر الفيكس ابو ورقه خضرا وعريضه وبيطلع سائل لونه ابيض

[mo7a_mo7a]

ماء دافئ + خل طعام عادي مخلوطين بنسبة 50%
رش جزئ علي المكان والباقي بلل بيهم فوطة جامد وسيبها لمدة نص ساعة فوق مكان البقعة
بعد كده روح امسحها بطريقة دائرية وغير وش الفوطة كل اما تتوسخ وان شاء الله البقعة تنتهي خالص

لو مطلعتش او لاحظت كثرة اتساخها خصوصا ان فات عليها شهر مفيش مانع تجرب wd40
لكني بنصح بالطريقة الاولي اولا

[Car's Sniper]

دة مش صمغ

الصمغ بيبقى من اشجار معينة في البلاد الاستوائية الحارة زي السودان

و بيبقى بقطع اجزاء من لحاء الشجر علشان يتم تجميعه يعني مش من الفروع و لا من الاوراق و لا الزهور او الثمار

اللي عندك دة مجرد حبوب (ثمار صغيرة) و زيوت من اشجار عادية

اغسل العربية عادي بماية و صابون

و لو لسة ملزقة امسحها بشوية جاز

ماتقلقش من الجاز ما بيأثرش عالدهان بل بالعكس بيلمعه و يشيل اي زفارة علية

و في البنزينة بيغسلوها بجاز كتير

و بتاع الدوكو بيمسحها بجاز بعد الكومباوند علشان يزيل اي بواقي كمباوند و يديها لمعه

مع احترامى التام لكلام حضرتك با ادهم باشا
بلاش الجاز لانك لو اسنخدمته فى مكان ومكان لأ هتلاقى فرق فى اللون ..خصوصا للعربيات ذات الالوان الفاتحة..الكلام ده عن تجربة من اكتر من شخص

[Adham]

الجاز ممكن يسبب اصفرار فعلا لو اتساب من غير ما يتمسح في الالوان الفاتحه

انما لو لتمسح و اتنضف كويس مش حايسيب اثر

على فكرة العربية لو بوية فابريقة ممكن تتمسح بتنر و اللون مش حايتأثر بس حايطفي شوية و يحتاج بولش بعدها, بس مانصحش حد يعملها بنفسة علشان مايبوظش الدهان ممكن اي واحد بتاع دوكو يعملها و يلمعها بعدها دة لو أزمت و مافيش حاجة نافعه بس اعتقد ان الموضوع مش محتاج اكتر من شوية مية سخنة و صابون و سفنجه (ليفة اطباق)