البوجيهات

[smsm_nabawy]

السلام عليكم ،،

لو سمحتم ، عايز أتعلم أزاي أفك البوجيهات بتاعتي ،، و أنظفها بنفسي ،، و أغيرها أذا تتطلب الامر ،

آسف هو طلب رخم

و يا رب ألاقي حد يجاوبني
و شكراً ...

[husseinoo]

السلام عليكم ،،

لو سمحتم ، عايز أتعلم أزاي أفك البوجيهات بتاعتي ،، و أنظفها بنفسي ،، و أغيرها أذا تتطلب الامر ،

آسف هو طلب رخم

و يا رب ألاقي حد يجاوبني
و شكراً ...

اول حاجة لازم تتأكد ان المكان اللى مربوط فيه البوجيه نظيف .. يعنى لا يوجد اى اتساخات ... لو قدرت تنفخ المكان ده بشوية هواء عند العجلاتى يبقى كويس
عشان اى وساخة ما تنزلش داخل الموتور بعد ما تفك البوجيه

ثانى حاجى اكيد عندك فى العربية مفتاح خاص بالبوجيه ... فك السلك عن بوجيه واحد فقط
وبعد كده فك البوجيه
ثم استعمل فى تنظيف البوجيه اسبراى "WD 40" يعنى تبخ على سن البوجيه شوية صغيرين من علبة الاسبراى ... وبعد وقت قليل امسح البوجيه فى فوطة العربية
سوف تجد ان البوجيه نظف وبقى مية مية

لو شعرت انك محتاج تبخ مرة تانية الاسبراى ... مافيش اى مشاكل
المهم بعد كده تركب البوجيه
وتربطه جيدا
وتركب السلك بتاعه فى مكانه


وبعد كده تكرر نفس الخطوات مع كل بوجيه لوحده

يعنى اوعى تفك البوجيها كلها مرة واحدة
عشان ممكن تتلخبط فى تركيب السلك بتاع البوجيها

يعنى مثلا سلك البوجيه الاول تركبه على البوجيه التانى او اى خطأ يشبه كده

فك كل بوجيه لوحده
وبعد تنظيفه
وتركيبه
وتركيب السلك الخاص به

تبدأ فى فك البوجيه التالى وهكذا


على فكرة علبة الاسبراى WD 40 العلبة دى اساسى عندى فى العربية والحجم الكبير منها ثمنه تقريبا فى حدود 24 جنيه وفيه منها احجام صغيرة ثمنها فى حدود 12 او 14 جنيه
وتجدها فى البنزينة وعند محلات الكماليات وفى كارفور وطبعا فى التوفيقية ... وفى انواع بديلة .. ولكنى افضل الـ WD 40

الفيديو ده هايبين تأثير الاسبراى فى تنظيف البوجيهات بشكل ممتاز

YouTube - wd 40 with spark plugs test

مع اطيب التمنيات بالتوفيق والنجاح
اخوكم حسين غزالة

[smsm_nabawy]

ألف شكر على سرعة الرد ،، طيب و حكاية أنقعه في ميه بكلور و بنزين دي ،، و عد كده أسخنه ،، هو أنا أعرف التسخين ده عشان الرطوبة ،، لكن سمعت أن للتنظيف بيعملو الحاجات اليي أنا قلتها دي ،،

و على العموم... ، ألف شكر ، و أن شاء الله أجربها الحكاية دي

بس عندي أستفسار ،، أنا معنديش مفك البوجيهات في العربية

ممكن حضرتك تقوللي أسمه ،، لو ليه أسم معين ،، و رقمه كام ،، و ألاقيه فين ،، و صورة لو مفيهاش رزالة
و ألف ألف شكر

[husseinoo]

ألف شكر على سرعة الرد ،، طيب و حكاية أنقعه في ميه بكلور و بنزين دي ،، و عد كده أسخنه ،، هو أنا أعرف التسخين ده عشان الرطوبة ،، لكن سمعت أن للتنظيف بيعملو الحاجات اليي أنا قلتها دي ،،

انا سمعت الكلام ده ايضا ... لكن اعتقد ان اغلب الناس كان بعمل الكلام ده مع البوجيهات زمان لما كانت اصلية وموش مضروبة ... فى الوقت الحالي الأفضل عن تجربة هو الـ WD 40

فى احد المرات اخويا كانت العربية تعباه جدا ... وكل ما اكلمه عن البوجيهات يقول لى: ده انا لسه مغيرها ومفيهاش مشاكل
المهم العربية كل شوية تبطل
وفضلنا فى العذاب ده وقت طويل
آخر ما غلبت
قلت له: طيب جرب كده وافتح بوجيه واحد نشوف اخباره ايه
طبعا وجدنا البوجيه فى حالة يرثى لها
فتحت عربيتى وجبت الاسبراى وبخيت على البوجيهات ونظفناها كويس فى خمس دقائق
دور العربية فى ثوانى كله كان تمام التمام حتى الآن والحمد لله

و على العموم... ، ألف شكر ، و أن شاء الله أجربها الحكاية دي

بس عندي أستفسار ،، أنا معنديش مفك البوجيهات في العربية

ممكن حضرتك تقوللي أسمه ،، لو ليه أسم معين ،، و رقمه كام ،، و ألاقيه فين ،، و صورة لو مفيهاش رزالة

اى محل قطع غيار او فى التوفيقية او فى السبتية
اطلب مفتاح فك البوجيهات
هو مقاسه قياسى
وممكن تشترى حاجة انظف مثل الصورة التالية

ده مفتاح معاه مجموعة من "اللقم" تختار القطعة المناسبة للبوجيه
وبيريح اليد اثناء فك البوجيه او فك اى مسمار ... مريح جدا لكن طبعا ثمنه هايكون اغلى شوية ... وموش عارف تمنه كام

او تشترى مفتاح للبوجيهات فقط لا غير وده ثمنه موش هايكون كثير

لكن انا من رأى الطقم ده افضل لأنك ممكن تستفيد به فى حاجات كثير ومع اى مسمار او مفتاح
خصوصا فى الاماكن الضيقة
عايز تفك مثلا البطارية
عايز تفك بوجيهات
اى حاجة

وفيه ناس بتشترى قطعة واحدة تشبه الصورة التالية

ويستخدمها فى فك البوجيهات فقط لا غير واغلب الميكانيكية بيستعمل قطعة مثل الصورة


وفيه المبتدأين اللى زى حالتنا بيشترى مفتاح مثل الصورة التالية للبوجيهات فقط لا غير

هو كويس لكن المفاتيح التانية اغلى لكن افضل بكثيير

و ألف ألف شكر

لا شكر على واجب
وكل عام وحضرتك بخير

مع اطيب التمنيات
اخوكم حسين غزالة

[smsm_nabawy]

و حضرتك بخير ،، و بجد معلومات قيمة و رد مفيد

[A.Saad]

http://www.nilemotors.net/Nile/168201-a.html
ده هيديك فكرة كويسة عن البوجيهات
غير براحتك

[smsm_nabawy]

thnx a lot ,, I'v already done that ,, thmx a lot sire ...

:D