سوال محيرني جدا ونفسي اعرف الاجابه

[mazen234]

يا جماعه نفسي اعرف ازاي افرق اللون الفابريقه بتاع العربيه من اللون المرشوش
يعني اعرف ازاي العربيه ديه فابريكه ولا رشه؟؟
ارجوكم ساعدوني في الاجابه ومنكم نستفيد وكمان عشان اللي مش بيعرف زي حالتي كده يعرف وميضحكش عليه..

[gazzar91]

اتفرج على عربية فابريكة و عربية مرشوشه و اتفرج على اللفروق في اللمعة و الانحناءات و انت تعرف... مش هتتعلم الموضوع ده الا كده...

في رعاية الله...

[SkyBird]

سؤال مهم جداً
في انتظار الاجابات

[moooooomooo]

السيارة المرشوشة بيكون لونها فيه لمعه معينة كدة وكمان لو دققت فى الاماكن الحساسة فى العربية هتلاقى حتت سايله من الدهان وكمان بص على قوائم العربية من عند الزجاج الامامى من الخارج المفروض تكون مقشرة بسيط وكمان فيه عند العتب بتاع العربية الابواب من تحت بتلاقى فيه تسييل فى اللون وكمان ممكن تخبط بإظافرك على الصاج وتحس الاختلاف بيبين ان كانت العربية واخده معجون ولا لا وفيه حاجات كتير قوى ممكن تعرف من خلالها بس انا معرفهاش كلها وممكن تبعد شويه عن العربية وتشعر بإختلاف درجات الالوان فى العربية وخصوصا فى الشمس

[AlGazar2]

اول حاجة هاتحس ان الصاج تقيل مش خفيف زى الفابريكة عشان واخد معجون و هاتلاقى كاوتش الابواب عليه اثر الرش و حالة الدهان بالنسبة لسنة الصنع

يعنى اكيد عربية موديل 2005 مش راشة هاتلاقى لوحات الاطفال عليها لو راشة هاتلاقى اللوحات عليها برضو بس قليلة