Tweet
السلام عليكم
من فترة وانا بشتكي من نقصان زيت
لغاية لما اتأكدت ان الموتور بينفخ زيت من الشكمان
وبعد اللف والدوران اتأكدت اني لازم افك الموتور وأعمل ما يسمى نصف عمرة
طبعا الفكرة في حد ذاتها مرعبة جدا خصوصا لواحد زيي مش فاهم البطيخ في العربيات
والله كل معلوماتي كانت من نايل موتورز
لكن ما اكدبش عليكم برضه كنت خايف
دي العربية اللي حلتي هيتفتح بطنها قصدي موتورها
المهم
الحمد لله
وديت العربية للميكانيكي يوم الخميس 26/8/2010 الساعة 9.30 بالليل
الراجل خد العربية فحت وردم
وبدا يفك الموتور
خلص فك على الساعة 11.15
وودا الجزء اللي فوق للخراط علشان يبص عليه ويقرر اذا كان نحتاج فيه حاجة ولا مش محتاج
بعد كده اداني طلباته :
1- طقم شنبر أصلي (جبته من عند الجندي ب 225 أصلي)
2- طقم جوانات وده اللي غلبني ولقيته بصعوبة لان كل اللي موجود في السوق جوان وش السلندر بيسموه جلبريت يعني مادة شبه الكارتون والمكيانيكي رفض وقالي عايز الجوان الحديد زي الاصلي بالظبط
وبعد لف ودوران من الحرفيين لجسر السويق لشارع دمشق (جبته من التوفيقية من عند حلمي سليمان وبدل الجوان الجلبريت بالحديد ب 200 كوري)
3- سير الكاتينة (جبته من عند الجندي 50 دايكو إيطالي)
4-أولسيهات كبالن جبته من عند الجندي 40 أصلي)
5- بطاحة (الميكانيكي هو اللي اشتراها ب 100)
ده بخلاف الزيوت باور وماكينة
هو كان عايزني انزل اشتري الحاجة دي قبل ما المحلات تقفل الساعة 12 طبعا اللي عطلني موضوع جوان وش السلندر وكان نفسه يدور الموتور بعد الفجر هو نظام شغله مبيشتغلش قبل الفطار بينزل بعد العشاء يقضيها لحد الساعة 10 الصبح وبقية اليوم الصنايعية اللي معاه هم اللي شغالين
المهم قد الله وماشاء فعل
نزلت يوم الجمعة قبل الصلاة ادور لغاية لما جمعت حاجتي كلها ورجعت للميكانيكي قبل الفطار بساعة
العربية الحمد لله دارت بالليل على الساعة 10 وسابها دايرة لحد الصبح علشان يتابع الحرارة
رحت الحمد لله استلمتها يوم السبت 28/8/2010 الساعة 10 بالليل والحمد لله كانت احسن من الاول في الاداء لكن لسه ما نحكمش دلوقتي
الميكانيكي قالي اول 500 ك بدون تكيف مطلقا واعلى سرعة 80كم/س وممنوع الكباري وبعدين أغير الزيت
النصائح من العبد لله عن موضوع العمرة ده :
1- زيت الشنبر ده مسكن مؤقت ومسكن فاشل هو فعلا يكتم الدخنة لكن بيكتم آداء العربية ويضعفها وبيظهر برضه دخنة اثناء الدوارة وبيزود استهلاك البنزين بغباء وبيتكشف لو حبيت تبيع العربية بيبان من ريحته
2-حاول ما تستعجلش الميكانيكي انه يخلص سيبه هو يبقى مستعجل ومتفاصلش معاه في مصنعية وحاول تطمع الصنايعية اللي معاه في اكرامية حلوة
3- لازم تكون واقف على ايد الميكانيكي ساعة فك الماتور علشان تبقىى كل حاجة قدام عينيك وتشوف ايه اللي بايظ بالظبط لان الموضوع بيفرق جدا من طقم شنبر لعمرة كاملة لا قدر الله (كان ممكن يفرق في عربيتي حوالي 1800ج) وتعرف امكانيات الميكانيكي في طريقة فك الموتور وفهمه في كمية السلوك والوصلات اللي في الحوض وبتعرف الفرق بين نص عمرة وعمرة كاملة بسهولة بتلاقي طقم الشنبر اللي على البساتم مجرح أو غير مستوى وبعد كده بيشوف غرف الاحتراق اللي ببيتحرك فيها البستم بتتعرف باللمس لو لقى فيها اي تجريح يبقى كده عمرة كاملة
وبتشوف السبائك اللي متوصلة بالبستم
4-وانت بتشتري قطع الغيار خلي معاك البستم علشان تتأكد من مقاس الشنبر حتى لو بالنظر وعلى فكرة لقيت محلين جنب بعض في التوفيقية بيبيعوا شنابر بس ياباني لاي بستم ب 170 ج (مش عارف السعر ده لكل مقاسات البساتم ولا مقاس معين) لكن ما انصحش بالموضوع ده الا إذا ملقتش شنبر اصلي
حاجة أخيرة عايز أقولها
طبعا أنا بشكر أخويا وحبيبي
اشرف فتحي باشا
الراجل ده بجد يا جماعة وقف جانبي وقفة مايعملهاش معايا أخويا
الراجل ده ضيع يوم أجازته الوحيد معايا في عز قوة الشمس
وجه معايا وانا بستلم العربية
ربنا يديم المعروف بينا يارب
من فترة وانا بشتكي من نقصان زيت
لغاية لما اتأكدت ان الموتور بينفخ زيت من الشكمان
وبعد اللف والدوران اتأكدت اني لازم افك الموتور وأعمل ما يسمى نصف عمرة
طبعا الفكرة في حد ذاتها مرعبة جدا خصوصا لواحد زيي مش فاهم البطيخ في العربيات
والله كل معلوماتي كانت من نايل موتورز
لكن ما اكدبش عليكم برضه كنت خايف
دي العربية اللي حلتي هيتفتح بطنها قصدي موتورها
المهم
الحمد لله
وديت العربية للميكانيكي يوم الخميس 26/8/2010 الساعة 9.30 بالليل
الراجل خد العربية فحت وردم
وبدا يفك الموتور
خلص فك على الساعة 11.15
وودا الجزء اللي فوق للخراط علشان يبص عليه ويقرر اذا كان نحتاج فيه حاجة ولا مش محتاج
بعد كده اداني طلباته :
1- طقم شنبر أصلي (جبته من عند الجندي ب 225 أصلي)
2- طقم جوانات وده اللي غلبني ولقيته بصعوبة لان كل اللي موجود في السوق جوان وش السلندر بيسموه جلبريت يعني مادة شبه الكارتون والمكيانيكي رفض وقالي عايز الجوان الحديد زي الاصلي بالظبط
وبعد لف ودوران من الحرفيين لجسر السويق لشارع دمشق (جبته من التوفيقية من عند حلمي سليمان وبدل الجوان الجلبريت بالحديد ب 200 كوري)
3- سير الكاتينة (جبته من عند الجندي 50 دايكو إيطالي)
4-أولسيهات كبالن جبته من عند الجندي 40 أصلي)
5- بطاحة (الميكانيكي هو اللي اشتراها ب 100)
ده بخلاف الزيوت باور وماكينة
هو كان عايزني انزل اشتري الحاجة دي قبل ما المحلات تقفل الساعة 12 طبعا اللي عطلني موضوع جوان وش السلندر وكان نفسه يدور الموتور بعد الفجر هو نظام شغله مبيشتغلش قبل الفطار بينزل بعد العشاء يقضيها لحد الساعة 10 الصبح وبقية اليوم الصنايعية اللي معاه هم اللي شغالين
المهم قد الله وماشاء فعل
نزلت يوم الجمعة قبل الصلاة ادور لغاية لما جمعت حاجتي كلها ورجعت للميكانيكي قبل الفطار بساعة
العربية الحمد لله دارت بالليل على الساعة 10 وسابها دايرة لحد الصبح علشان يتابع الحرارة
رحت الحمد لله استلمتها يوم السبت 28/8/2010 الساعة 10 بالليل والحمد لله كانت احسن من الاول في الاداء لكن لسه ما نحكمش دلوقتي
الميكانيكي قالي اول 500 ك بدون تكيف مطلقا واعلى سرعة 80كم/س وممنوع الكباري وبعدين أغير الزيت
النصائح من العبد لله عن موضوع العمرة ده :
1- زيت الشنبر ده مسكن مؤقت ومسكن فاشل هو فعلا يكتم الدخنة لكن بيكتم آداء العربية ويضعفها وبيظهر برضه دخنة اثناء الدوارة وبيزود استهلاك البنزين بغباء وبيتكشف لو حبيت تبيع العربية بيبان من ريحته
2-حاول ما تستعجلش الميكانيكي انه يخلص سيبه هو يبقى مستعجل ومتفاصلش معاه في مصنعية وحاول تطمع الصنايعية اللي معاه في اكرامية حلوة
3- لازم تكون واقف على ايد الميكانيكي ساعة فك الماتور علشان تبقىى كل حاجة قدام عينيك وتشوف ايه اللي بايظ بالظبط لان الموضوع بيفرق جدا من طقم شنبر لعمرة كاملة لا قدر الله (كان ممكن يفرق في عربيتي حوالي 1800ج) وتعرف امكانيات الميكانيكي في طريقة فك الموتور وفهمه في كمية السلوك والوصلات اللي في الحوض وبتعرف الفرق بين نص عمرة وعمرة كاملة بسهولة بتلاقي طقم الشنبر اللي على البساتم مجرح أو غير مستوى وبعد كده بيشوف غرف الاحتراق اللي ببيتحرك فيها البستم بتتعرف باللمس لو لقى فيها اي تجريح يبقى كده عمرة كاملة
وبتشوف السبائك اللي متوصلة بالبستم
4-وانت بتشتري قطع الغيار خلي معاك البستم علشان تتأكد من مقاس الشنبر حتى لو بالنظر وعلى فكرة لقيت محلين جنب بعض في التوفيقية بيبيعوا شنابر بس ياباني لاي بستم ب 170 ج (مش عارف السعر ده لكل مقاسات البساتم ولا مقاس معين) لكن ما انصحش بالموضوع ده الا إذا ملقتش شنبر اصلي
حاجة أخيرة عايز أقولها
طبعا أنا بشكر أخويا وحبيبي
اشرف فتحي باشا
الراجل ده بجد يا جماعة وقف جانبي وقفة مايعملهاش معايا أخويا
الراجل ده ضيع يوم أجازته الوحيد معايا في عز قوة الشمس
وجه معايا وانا بستلم العربية
ربنا يديم المعروف بينا يارب
Comment