بنزين 95 لتنظيف دوره البنزين

[wbaset]

النهارده كنت عند مركز صيانه خاص بالابيزا وكنت بسأل الميكانيكى عن صوت الموتور ورعشه خفيفه جدا فى السياره فنصحنى ان اضع بنزين 95 حتى انظف دوره البنزين
فقلت له طب اضع منظفات دوره الوقود قالى لا
ارجو الافاده

[yoko]

ده سوري بيفتي لإن البنزين ال95 مبينضفش ولا حاجة هو الفرق بينه وبين ال92 إنه نسبة الأوكاتن أعلى فقط!!! وبرده بيبقى فيه شوايب
لو عامل بالعربيه أكتر من 20 ألف إستخدم منظف دورة البنزين من stp أو gunk

[wbaset]

انا شارى العربيه وهى عامله 130الف
ودلوقتى العداد قارى 140الف
فهل استخدم منظف للرشاشات واى واحد افضل وطريقه الاستخدام الامنه
وهل استخدام منظف الرشاشات مش ممكن يذيب بعض الشوائب والبعض الاخر لا مما يؤدى لانسداد الرشاشات ارجو الافاده بالتفصيل
عربيتى ابيزا موديل2002

[yoko]

انا شارى العربيه وهى عامله 130الف
ودلوقتى العداد قارى 140الف
فهل استخدم منظف للرشاشات واى واحد افضل وطريقه الاستخدام الامنه
وهل استخدام منظف الرشاشات مش ممكن يذيب بعض الشوائب والبعض الاخر لا مما يؤدى لانسداد الرشاشات ارجو الافاده بالتفصيل
عربيتى ابيزا موديل2002

لو كده يبقى إستخدم منظف دورة البنزين بتاع stp (لونه فضي أو أبيض) وفول نص التانك وبعد كده حطه وكمل تفويل ومتخفش مش هيعمل مشاكل ومتستخدمش معاه منظف الرشاشات عشان ميبقاش حامي قوي خصوصا إن منظف دورة البنزين بينضف الرشاشات
وممكن بعد 10 الاف تستخدم منظف الرشاشات

[Honda_lover]

النهارده كنت عند مركز صيانه خاص بالابيزا وكنت بسأل الميكانيكى عن صوت الموتور ورعشه خفيفه جدا فى السياره فنصحنى ان اضع بنزين 95 حتى انظف دوره البنزين
فقلت له طب اضع منظفات دوره الوقود قالى لا
ارجو الافاده

+1111111111111111
كلام ده سمعته من مهندس في توكيل عز العرب (ستروين)
وسمعته برضه من مهندس في ابو غالي
وجربته ولكن محستش بفرق كبير لان العربية مبسبهاش عايزة حاجة وعمرها موصلت معايا لدرجة انها تخنق او ترعش فالسلانسيه والله اعلم بمدي صحة الكلام مع اني واثق اوي فالناس دي لانها معرفة قبل ميكونوا شغل

[N.a.j.d]

ال 95 احسن من 92

[mr_vampire]

هو اكيد مش قصده تنظيف او قصده تحسين الاداء وترجعها تاني لنوع البنزين اللي بتستخدمه

[yoko]

ال 95 احسن من 92

هو أحسن في الأداء لكن مش بينضف دورة البنزين

هو اكيد مش قصده تنظيف او قصده تحسين الاداء وترجعها تاني لنوع البنزين اللي بتستخدمه

+1

[SkyBird]

اسمع ان بنزين 80 هو اللي بينظف دورة البنزين لانه مذيب قوي وبيطلع الشوائب من دورة البنزين وتترسب في الفلتر علشان كده الناس لما تحط بنزين 80 وتلاقي العربية تكرر يقولوا بنزين 80 وحش وكله شوائب وهو في الحقيقية نظف الشوائب من دورة البنزين ورماها على الفلتر
يعني المفروض لو استخدمته تنظف الفلتر بعدية
الكلام ده متاكدش منه على اسس علمية بس مقتنع بيه

[dreftage]

اسمع ان بنزين 80 هو اللي بينظف دورة البنزين لانه مذيب قوي وبيطلع الشوائب من دورة البنزين وتترسب في الفلتر علشان كده الناس لما تحط بنزين 80 وتلاقي العربية تكرر يقولوا بنزين 80 وحش وكله شوائب وهو في الحقيقية نظف الشوائب من دورة البنزين ورماها على الفلتر
يعني المفروض لو استخدمته تنظف الفلتر بعدية
الكلام ده متاكدش منه على اسس علمية بس مقتنع بيه

يسمع من بوقك ربنا اصل انا بحط بنزين 80 وياريت يكون بينظف مش على عكس ما بسمع

[mido_1311]

انا بستخدم stp كل 5000 كيلو

[zoom2zoom]

خلي بالك عشان في موديلات ال95 بيسلخ البساتم بتاعتها

[hamedo0]

خلي بالك عشان في موديلات ال95 بيسلخ البساتم بتاعتها

ايه هو البنزين 80 ولا منظف دورة البنزين

[zoom2zoom]

ايه هو البنزين 80 ولا منظف دورة البنزين

لا يباشا في موديلات قديمه لو حد حط فيها بنزين 95 ممكن يسلخ البساتم بتاعتها لانه حامي عليها

[mahmoud5777]

مع احترامى كلمة حامى عليها دى اشك فيها بس هو مع الموديلات القديمة هايبقى زى قلته يعنى فلوس بتترمى فى الارض اما لو محطوط لغرض النضافة يبى ده شئ تانى

وبالنسبة لحكاية ال80 اللى بينضف يبقى على كدة بعد شهرين من استخدام بنزين 80 التانك يبقى مراية والطرمبة فلة واغير الفلتر يبقى اشطة لاكربراتير يتسد ولا بخاخات والعربية ميه ميه

هاهاها ياباشا انا بغير الفلتر كل شهر بيطلع طين حتى ببقى مستغرب ان السائل اللى بيتحط ده فعلا قابل للاشتعال دانا فى مرة دوقته علشان اصدق

هاهاهاها كل سنة وانتوا طيبين