مرور ابيس

[matrix_it]

لو سمحتوا عايز اروح مرور ابيس _ الاسكندرية
انا ساكن فى سيدى جابر شارع ابوقير فا اركب ايه و كدة ؟؟؟ وهو فعلا قريب من كارفور ؟؟؟
و لو سمحتوا لو تعرفوا هما بيفتحوا الساعة كام ال صبح ؟
وهل هما رخميين شوية ولا عادى ؟
و تكاليف الرخصة كام بظبط
و لكم جزيل الشكررررررررررررررررررررر

[nouranwar]

لو سمحتوا عايز اروح مرور ابيس _ الاسكندرية
انا ساكن فى سيدى جابر شارع ابوقير فا اركب ايه و كدة ؟؟؟ وهو فعلا قريب من كارفور ؟؟؟
و لو سمحتوا لو تعرفوا هما بيفتحوا الساعة كام ال صبح ؟
وهل هما رخميين شوية ولا عادى ؟
و تكاليف الرخصة كام بظبط
و لكم جزيل الشكررررررررررررررررررررر

انا هرد علي اللي اعرفه علشان انا مرور محرم بك
مرور ابيس بعد جرين بلازا علطول مش عند كارفور خالص
اللي سمعته انه ارخم من محرم بك بمراحل
و ربنا يوفقك في تطليع الرخصة ان شاء الله
:b4_033:

[totosaga]

هو بعد جرين بلازا علطول انت ممكن تروح عند نادي سموحة وتسال على مديرية الامن وتركيب من عندها تاكسي ب 2 جنيه بس انصحك تروح مع حد عارف الاجراءات لانه موضوع يلخط وهما الموظفين مش منظمين وعتتقرف فلافضل تروح مع حد فاهم الليلة

[mido_1311]

مرور ابيس لازق في جرين بلازا

[matrix_it]

الف الف شكر يا استاذ نور و فعلا بجد متعرفش معلومتك دى فادتنى بشكل كنير اوى و تحياتى لك !!!

[matrix_it]

الف شكر والله معلومات افادتنى بشكل كبيييير استاذ توتو

[matrix_it]

ميرسى جدا لذوق حضرتك و لمساعدتك !!

[matrix_it]

بس هو لازم واسطة ؟؟؟ انا اصلى ناوى اطلعها بمجهودى الشخصى :d

[ahmedvaio]

اخى matrix_it
على فكرة انا ماشوفتش رخامة زى محرم بك..انا كنت هناك من 3 شهور عشان رفع بصمة وشهادة بيانات
كل حاجة هناك بالرشوة حتى احدى السيدات لمحت لى بالرشوة وعطيتها وربنا يسامحنى..
تانى يوم كشفت فى ابيس والله لقيت فرق كبير وناس محترمة
نصيحتى لك اعمل الرخصة بمجهودك

[a7mode]

مرور ابيس ميجيش جمب مرور محرم بك حــاااااااااجه .. مرور ابيس ساهل ونضيف ومفيش زحمه انما مرور محرم بك اجااااارك الله

[matrix_it]

شكرا جزيلا والله انتم بتخدموا بطريقة فظيعة !!!!!!!!!! ربنا يباركلكم والله

[matrix_it]

طيب معلش سؤال اخير هو لازم شهادة المؤهل الدراسى ؟؟؟ هو عبارة عن ايه انا فى كلية التجارة سنة اولى ؟؟؟؟؟؟؟ و ايه الاوراق المطلوبة بظبط ,,,,,,,ولكم جزيل الشكر

[nouranwar]

طيب معلش سؤال اخير هو لازم شهادة المؤهل الدراسى ؟؟؟ هو عبارة عن ايه انا فى كلية التجارة سنة اولى ؟؟؟؟؟؟؟ و ايه الاوراق المطلوبة بظبط ,,,,,,,ولكم جزيل الشكر

كان نفسي افيدك والله بس معلش مش هقدر
اصل الكلام ده من اكتر من سنتين علشان اول ما تميت ال 18 روحت جري علي المرور و طلعتها
ان شاء الله اعضاءنا هنا هيفيدوك اكتر مني

[SunSet]

لو سمحتوا عايز اروح مرور ابيس _ الاسكندرية
انا ساكن فى سيدى جابر شارع ابوقير فا اركب ايه و كدة ؟؟؟ وهو فعلا قريب من كارفور ؟؟؟
و لو سمحتوا لو تعرفوا هما بيفتحوا الساعة كام ال صبح ؟
وهل هما رخميين شوية ولا عادى ؟
و تكاليف الرخصة كام بظبط
و لكم جزيل الشكررررررررررررررررررررر

ممكن حضرتك تركب تاكسي

انا رحته لما عملت رخصة القيادة

بشكل عام هو مريح للاعصاب

لكن ما أعرفش نظامه ايه في الترخيص

اكيد مواعيدهم زي أي مكان حكومي

وأعتقد تكاليف الرخصة للعربية بتبقى حسب الموتور والموديل والحاجات دي

[SunSet]

طيب معلش سؤال اخير هو لازم شهادة المؤهل الدراسى ؟؟؟ هو عبارة عن ايه انا فى كلية التجارة سنة اولى ؟؟؟؟؟؟؟ و ايه الاوراق المطلوبة بظبط ,,,,,,,ولكم جزيل الشكر

انت رايح لرخصة قيادة

مطلوب منك صور شخصية

شهادات صحية باطنة ونظر وفصيلة دم وعليهم الصور و رقم قيد النقابة للدكتور وياريت تنبه الدكتور ان يكتب إسمه مش توقيعه لأاحسن فيه دكاترة مستفزة شوية

واعملهم من اي مستوصف او مستشفى

بالنسبة للمؤهل هو مطلوب طبعا لكن مش عارفة انت بقى بتقدم شهادة الثانوية وكارنيه الكلية والا ايه!!
عامة ممكن تروح مرة للسؤال قبل ما تعمل اجراءاتك او تسأل حد من زمايلك


الموضوع مش مكلف خالص

أنا صراحة مش فاكرة قوي رغم اني لسه مطلعهاها قريب لكن المبلغ اقل من 100 جنيه