نصيحه لماء الرادتير

[agwaa]

انا بقي عندي سؤال بالنسبه لغسيل الريداتير
هو مش المفروض الواحد مايزودش ميه والعربيه سخنه ولازم تكون دايره
امال ازاي بيغسلو الريداتير كله في البنزينه والعربيه سخنه والمتور مش شغال ولا الواحد مفروض يبيت العربيه في البنزينه
هاهاها
ولا لازم الريداتير يتفك ولا ببيعملو ايه بالظبط

متابع

[beshomilan]

انا اعرف ان المية الخضرا زى الحمرا ده فرق فى الالوان بس وكان فيه احد الخبراء فى المنتدى هنا قال الكلام ده من مده

وافضل مية ريداتير هى مية خضرا موبيل ب 58 جنيه جركن 4 لتر انا جبتها وحطيته وكملت عليها مية مقطرة وفرقت كتير فعلا فى العربية بجد والعربية من ساعتها مسخنتش خالص

واحذروا المية الخضرا اللى ب 25 جنيه لانها بتخلى الموتور يولع من السخونة وده عن تجربة

[ozy2026]

انا بقي عندي سؤال بالنسبه لغسيل الريداتير
هو مش المفروض الواحد مايزودش ميه والعربيه سخنه ولازم تكون دايره
امال ازاي بيغسلو الريداتير كله في البنزينه والعربيه سخنه والمتور مش شغال ولا الواحد مفروض يبيت العربيه في البنزينه
هاهاها
ولا لازم الريداتير يتفك ولا ببيعملو ايه بالظبط

انت لازم تدور العربيه وانت بتزود ميه علشان المياه اللى انت بتزودها تتقلب بسرعه مع الميه السخنه اللى فى العربيه علشان متبوظش وش السلندر
انما انت لما بتغسل الردياتير اول حاجه الراجل بيعملها انه بيفك خراطيم المياه وبيفصل الردياتير عن الموتور

[Hussein_Ramdan]

طيب لو انا بستعمل مياة خضرا ينفع اذود عليها مياة حمرا
انا بستعمل مياة خضرا بس بدون اضافة
الجركن 4 لتر بيعمل 58 جينة بعد ما كان من سنة 48
وكمان فعلا اكتر من واحد بتاع ردياتير قالى كدة بس انا مش مقتنع انا بحط مياة خضرا بس