Super Charger vs. Turbo Charger

[alarabiya11]

ربنا ما يحرمنى منك يا محمد عبدالعال

[Eng. Rafy Samy]

أ/ alarabiya11
انا فعلاً شاكر على ردك واهتمامك ... انا رجعت السيستم اللي انت بتقول عليه هو ممتاز وكامل بصراحة..
انا انا محتاج اعرف معلومات اكتر عنه اهم حاجة التلكفة الكليه للقطع دي وكمان التركيب ... وه وهل حد جربة قبل كده ولا لا ...هل في حد موثوق فيه ممكن يركب الحاجات دي هنا في مصر... وكمان هل ليها اي أثار جانبية على عمر الموتور ... معلش طولت عليك انا اسف.. واهم حاجة هل بتحتاج اي تعديلات في الموتور نفسة...؟؟؟؟؟

تقبل تحياتي واحترامي

[alarabiya11]

عاسالك فى tps وكيل k&n النهارده ان شاء الله
لكن لو عاوز تجيبه من ماليزيا عايتكلف فى حدود 10 الف جنيه

ملوش اى مخاطر على الماتور

[alarabiya11]

اسال

عاسالك فى tps وكيل k&n النهارده ان شاء الله
لكن لو عاوز تجيبه من ماليزيا عايتكلف فى حدود 10 الف جنيه

ملوش اى مخاطر على الماتور

[mmmmgogommmm]

اخر كلام

1.الفلتر الرياضي اخره اوي يوم ما يشفط الهواء الي في الشارع كله 2 او 3 هورس باور

2.في فرق كبير جدا جدا جدا في طريقة التشغيل بين التيربوا و السوبر تشارجر " هقوله تحت " ماشي

3.التيربوا بينفع في حاجات و السوبر تشارجر بينفع في حاجات

4.ال2 بيادول نفس الوظيفة او بتاخد منهم نفس النتيجه انك تزود الهورس باور

5.لازم تراعي حجم المكنة بتاعتك و انت بتركب تيربوا و سوبر تشارجر علشان دول بيزودا الضغط و دا ممكن يخلي العربية تفرقع !!!!!!!! ايوا

الفرق ما بين التيربوا و السوبر تشارجر " من غير كلام علمي " معقد

1.السوبر تشارجر يعتمد على عمود الكرنك في عمله يعني طول ما العربية بتمشي السوبر تشارجر شغاااااال " اما " التيربوا فهو بيعتمد على الهواء الي خارج للاكزوست سيستم يعني لما تدوس بنزين بنسبة كويسة التيربوا يشتغل

2.التيربوا بيطلع القوة بتاعته كاملة بعد مستوى معين من ال ار بي ام مثلا بعد 3 ار بي ام " اما " السوبر تشارجر بيزود قوة الماتور تدريجيا مع زيادة دوسة البنزين

التيربوا

المروحة الي عليها احمر تاخد هواء من الايكزوست يخليها تلف تضغطه تطلعه و تخلي المروحة الزرقه تلف تسحب هواء تضغطه تدخله يتحرق في الماتور و هكذا ............ دي تلف تخلي دي تلف علشان كدا التيربوا مش بيشتغل من ار بي ام قليل " ويمكن التحكم في الحكاية دي " يعني ممكن يشتغل حتى من الصفر ار بي ام بس دا خراب بيوت ماتور و بنزين

و في دبل تيربوا و دا بيكون عبارة عن 2 تيربوا و احد للسرعات القليلة و التانية للسرعات العالية حسب ال ار بي ام

السوبر تشارجر

اول ما عمود الكرنك يلف تبتدي المراوح الي في السوبر تشارجر تشفط الهواء الي بره و كل ما تزيد سرعة اللف تزيد قوة الشفط بتاعت المراوح

و التيربوا و السوبر تشارجر انواع واحجام و بتكون نسب 1 : 2 و هكذا يعني انت بتديله ضغط يديك الضعف و في كذا نسبة اعلى

ليه في مصر بنحب التيربوا لان التيربوا مش شغال على طول يعني مثلا هيشتغل من 3 ار بي ام و كده يكون انا لو ماشي براحة مش بستهلك بنزين و التيربو نايم و لو حبيت اجري اعلى على ال 3 ار بي ام فالتيربوا يصحى و نطير بقى

و بالنسبة ليه السوبر تشارجر ارخص لان مكوناته اقل و مبيحتاجش و سائل تبريد كتير زي التيربوا

ومش بس كدا دا في حوارات تانية في تغير الزيت بدري و الاهتمام بتبريد العربية و ان التيربوا كل ما كان الهواء بتاعه بارد كل ما كان اداءه احسن و حاجات تانية كتير و جع دماغ و عايزة اهتمام

و السوبر تشارجر بيزود قدرة الماتور حوالي 60 % و بياخد حوالي 17 - 20 % " هورس باور " علشان يشتغل

التيربوا بقى مالوش حاجة ثابته يعني لما تغير الاجزاء بتاعت الماكنة بحاجات اقوى و اخف و يكون الهواء الي داخله بارد هيديك اداء احسن نقدر نقول من 25 - 40 % زيادة

و في النهاية محدش ينسى الكلمة دي

The more power = the less life time

واسف لو اسلوب الكلام مش علمي بس دي مشكلة عندي انا مبعرفش اشرح بالطريقة العلمية و ما بعرفش اكون ملتزم بطريقة شرح واحدة

علمى اية وبتاع اية --------------دة انا قات فى الموضوع دة 100 مرة ودى اول مرة اشوف شرح وافى وواضح الواحد يستوعبة من غير مايقراة تانى ---الللة يفتح عليك------------------ وبعد اذنك انا هستخدم مداخلتك فى الرد على اى زميل فى المنتدى لية استفسار فى الموضوع دة وقول يا وحيد كمان-----------