ازاى اخلى العجل الامامى مستقيم لما اركن

[egyptawy2010]

ياجماعة انا لما باجى اركن العربية

العجل الامامى بيقى مش مستقيم لاما رايح يمين او شمال

ازاى بعد ما اركن ازبط العجل و اخليه مستقيم

ناس قالتلى فيه علامة فى الدركسيون خليها فىالنص لما بخليها فى النص ساعت العجل بيظبط وساعات لا

اعمل ايه


شكرا

[MaZaGAngeE]

لو الطاره عندط مظبوطة يبقى ايه المشكلة ؟
لو مش مظبوطة روح لحد بتاع ظبط زوايا و خليه يظبطلك الطاره كمان

[m_elkhishin]

طبعا الموضوع ده حتكتسبه بالممارسة ، بس الطريقة السهله للمبتدئ:

1- شوف مدى الدركسيون عندك، يعني مثلا اكسر يمين على الاخر،وبعدين اكسر شمال على الاخر، وشوف من اقصى اليمين لأقصى الشمال كام لفة، نفترض مثلا طلع 4 لفات.
2-لما تركن اكسر يمين على الاخر، وبعدين اكسر شمال نص العدد الكلي للفات الدركسيون(يعني تقريبا لفتين)

[Ralliart]

بالتعود هتلاقي نفسك بتظبطه من غير ما تحس

[abogooda]

مع التعود حتتعلم والتكرار يعلم الشطار

[A.Saad]

طبعا الموضوع ده حتكتسبه بالممارسة ، بس الطريقة السهله للمبتدئ:

1- شوف مدى الدركسيون عندك، يعني مثلا اكسر يمين على الاخر،وبعدين اكسر شمال على الاخر، وشوف من اقصى اليمين لأقصى الشمال كام لفة، نفترض مثلا طلع 4 لفات.
2-لما تركن اكسر يمين على الاخر، وبعدين اكسر شمال نص العدد الكلي للفات الدركسيون(يعني تقريبا لفتين)

+++++++1111111

[egyptawy2010]

بالتعود هتلاقي نفسك بتظبطه من غير ما تحس

مش فاهم بالتعود ازاى وانت اصلا مش بتشوف العجل بعد ما تركن


شكرا على اهتمامكم ياشباب

[aymansaad]

انا حاطط علامة على الدركسيون لما توصل الى مكان معين يبقى كده العجلة مظبوطة بس انا عربيتى موديل قديم

[abdelmessih67]

أنا دايما بعمل الآتي : بعد ما تركن و تحضن أطلع لقدام أو أرجع للخلف همسة بسيطة لكي تعرف توجيه العجل

[abdelmessih67]

أنا دايما بعمل الآتي : بعد ما تركن و تحضن أطلع لقدام أو أرجع للخلف همسة بسيطة لكي تعرف توجيه العجل أو ببساطة و العربية لسه دايرة بص من الشباك و أعدل العجل علشان الباور ما يفصلش

[kamalsalem]

أنا دايما بعمل الآتي : بعد ما تركن و تحضن أطلع لقدام أو أرجع للخلف همسة بسيطة لكي تعرف توجيه العجل أو ببساطة و العربية لسه دايرة بص من الشباك و أعدل العجل علشان الباور ما يفصلش

انا كنت داخل اقول البق ده... ف هكتفي بختم الجودة

+1111

[zago]

طب وتفرق في ايه مستقيم ولا مش مستقيم؟؟؟؟؟؟

[abdelmessih67]

طب وتفرق في ايه مستقيم ولا مش مستقيم؟؟؟؟؟؟

انا اسمع دائما يا أخ زاجو أنه لصيانة الكبالن يستحسن عند ركن السيارة تكون العجلات مستقيمة رغم أن الحمل على الكبالن يكون عند السير بسرعة عالية عند الملفات و المفروض أنه عند ركن العربية لا يحدث فارق .

يا حبذا لو حد يشرح لنا فوائد استعدال العجل عند الركنة

[rouaame]

أول ما اتعلمت السواقة كنت بطلع راسى من الشباك وابص على العجل وأعدله، لكن فى طريقة تانية وهى:
وانت ماشى بالعربية فى خط مستقيم لاحظ الدريسكيون بيكون وضعه إزاى؟ وهو ده الوضع اللى عليه العجل مستقيم وبالتالى هو ده الوضع اللى هاتخلى عليه الدريكسيون لما تركن.
وفعلا الكبالن بتتأثر مع تكرار الركنة والعجل مش مستقيم.