هركب كتاوت تقوية للمارش غدا عايز أفهم يعني ايه كتاوت التقوية دي؟

[الصيداح]

سلام الله عليكم


بكرة هركب كتاوت تقوية للمارش عند الكهربائي
عايز أفهم شوية حاجات الله يكرمكم

1-ما وظيفة الكتاوت أصلا؟

2-وماذا تختلف عن كتاوت التقوية؟

3-لماذا تستخدم كتاوت التقوية ؟

4-هل هي موجودة أصلا وتستبدل مثلا أم أنها شئ جديد يتم تركيبه؟


وجزاكم الله كل الخير

[husseinoo]

بسم الله الرحمن الرحيم
اللهم صل على محمد وعلى آله وصحبه أجمعين

اللى انا اعرفه كالتالى:
ان الكهرباء التى تدخل الى المارش عن طريق "كونتاكت السيارة"
وطبعا البطارية الامبير فيها عالى يصل الى 70 امبير لبعض البطاريات

ولتجنب كثرة الوصلات الكهربائية من البطارية الى الكونتاكت ثم الى المارش

يتم تركيب كتاوت تقوية
وسيط بين الكونتاكت والمارش

الكتاوت يتلقى "الصدمة الكهربائية" القوية الخارجة من البطارية ويتحملها ويوصلها الى المارش مباشرة بدون اى وسيط

وتصبح وظيفة الكونتاكت هى مجرد توصيل تيار كهربائى بسيط الى الكتاوت
ثم يقوم الكتاوت بباقى العمل مباشرة من البطارية الى المارش

احيانا بنوصل سلك مباشر من البطارية الى المارش خصوصا لو كانت البطارية "نايمة شوية" او فيه مشاكل فى دوران السيارة
فعملية التوصيل دى تتم بتوصيل الكهرباء مباشرة من البطارية الى المارش دون الحاجة الى اى اى وصلات كهربائية اخرى قد تؤثر على عملية التوصيل

لذلك يتم استخدام "كتاوت" تقوية للقيام بنفس الوظيفة
توصيل التيار مباشرة من البطارية الى المارش
لان المارش يحتاج الى طاقة كهربائية كبيرة

وبعد كده لو حصل اى حاجة للكتاوت بعد عمر طويل إن شاء الله فى الحالة دى يتم استبداله بسهولة



والله اعلم

مع اطيب التمنيات
اخوكم حسين غزالة

[amrelsaqqa]

بالظبط كدة زي ما قال الاستاذ حسين

واحب اضيف ، الكتاوت ما هو الا زرار بيفتح وبيقفل ، بس مش زرار عادى ، زرار بتتحكم فيه بالكهربة

يعنى فيه طرفين طرف متوصل بالبطارية وطرف بأتوماتيك المارش ، دول طرفين الزرار ودول بيبقى السلك فيهم تخين عشان يستحمل تيار كبير اللى هو بتاع المارش
وهتلاقى طرفين تانيين في الكتاوت برضه رايحين لمفتاح الكونتاكت ودول هتلاقيهم سلكين رفيعين عاديين جدا

فبدل ما كان الكونتاكت نفسه اللى بيشغل المارش
بقى يبعت اشارة بتيار صغير للكتاوت و الكتاوت يوصل الطرفين التانيين ببعض يقوم مشغل المارش وبكدة نكون عزلنا تيار مفتاح الكونتاكت عن تيار المارش وطبعا دى ميزة كبيرة جدا ومهمة جدا


ونفس الحكاية هتلاقى كتاوت للنور وكتاوت للكلاكس وكتاوت للمروحة الخ ....



في الصورة ، الطرفين اللى على اليمين ده كأنه الزرار بتاع اللمبة بس بيتم التحكم فيه عن طريق مغناطيس كهربى بحيث لماا الطرفين اللى على الشمال يتوصلوا المغناطيس يشتغل ويجذب الطرفين اللى على اليمين ببعض

الطرفين اللى على اليمين دول يمثلوا سلك المارش والبطارية واللى على الشمال دول كأنهم مفتاح الكونتاكت


وده شكل الكتاوت اللى بيتباع

[aymn2003]

شرح وافى ومفيد

جزاكم الله خيرا

[VOITUR]

بص يا سيدي الموضوع سهل جدا وانا هكون اوضح اجابه هتكتب لك ان شاء الله
بص يا سيدي

1-ما وظيفة الكتاوت أصلا؟
وظيفتها مهمه جداااااااااااا

2-وماذا تختلف عن كتاوت التقوية؟
اكييييد في اختلاف وبتختلف

3-لماذا تستخدم كتاوت التقوية ؟
اكيد ليها لازمه

4-هل هي موجودة أصلا وتستبدل مثلا أم أنها شئ جديد يتم تركيبه؟
علي حسب مزاجك
ارجو اني اكون وفيت
ملحوظه
انا عضو جديد
وحضرتك اول مشاركاتي
وياريت حضرتك متزعلش مني
لاني موفتش الاجابات حقها
لاني مستعجل



وجزاكم الله كل الخير

[/quote]

[mohamed9999]

بص يا سيدي الموضوع سهل جدا وانا هكون اوضح اجابه هتكتب لك ان شاء الله
بص يا سيدي

1-ما وظيفة الكتاوت أصلا؟
وظيفتها مهمه جداااااااااااا

2-وماذا تختلف عن كتاوت التقوية؟
اكييييد في اختلاف وبتختلف

3-لماذا تستخدم كتاوت التقوية ؟
اكيد ليها لازمه

4-هل هي موجودة أصلا وتستبدل مثلا أم أنها شئ جديد يتم تركيبه؟
علي حسب مزاجك
ارجو اني اكون وفيت
ملحوظه
انا عضو جديد
وحضرتك اول مشاركاتي
وياريت حضرتك متزعلش مني
لاني موفتش الاجابات حقها
لاني مستعجل



وجزاكم الله كل الخير

[/quote]
مش عارف ليه مستغلس مشاركتك يا سيدى ما تعرفش متردش بلاش الردود اللى تفقع دى

[al_manara]

وكمان اعرف ان الكهربائي بيركب كتاوت لما بتكون الكتاوت بتاعت المارش ضعفت ودي بتكون جواة . فهو بيوفر لك بدل ماتجيب مارش تاني عشان الكتاوت هو بيركبهالك خارجية

[Esam Mosaad]

انا قريت العنوان هركب توك توك
انا اقوم اروح احسن

وربن امعاك يا ريس

[الصيداح]

بصراااحة أنا مش عارف أشكركم إزاي ربنا يباركلكم جميعا
جزاكم الله كل خير

husseinoo
amrelsaqqa

جزاكما الله كل الخير ربنا يبارك لكم تمام فهمت كل حاجة

aymn2003
شكرا لمشاركتك يا غالي
VOITUR
ولا يهمك يا زعييم بس بعدة كدة إياك والردود دي في ضرب نار بعد كدة

mohamed9999

شكرا لمشاركتك أخي الفاضل وخلينا نضحك شوية مش مشكلة الرد

al_manara

ألف شكر لمشاركتك يا غالي

sephiaa2001

ولا تروح ولا حاجة ما أنت قاعد يا زعيييييييم

[الصيداح]

أنا ركبت الكتاوت النهاردة وبإذن الله سأخبركم بنتيجتها بعد تجربتها كام يوم كدة
شكرا لجميع من شارك معنا

[Adham]

بصراحه دي اول مرة في حياتي اسمع عن حد بيركب كتاوت تقوية للمارش, و دي غالباً اشتغالة من الكهربائي بتاعك

الكهرباء مش بتطلع من الكونتاكت للمارش, و انما فية جزء بجوار المارش اسمة الاوتوماتيك و دة اللي لما بيوصلله كهرباء من الكونتاكت بيقوم بتوصيل الكهرباء مباشرة من كابل المارش ( كابل تخين جداً) الي المارش و يعشق ترس البندكس و بالتالي يبدا المارش في الدوران و ادارة الموتور, و برفع يدك من على المونتاكت يفضل الاوتماتيك المارش و يترد ترس البندكس و يفصل المارش عن الموتور و يقطع الكهرباء عن المارش

و مافيش كتاوت يتحمل الكهرباء اللي اللي في كابل المارش التخين اللي واصل بالبطارية, و مالوش اي لازمة من الاساس لان اوتوماتيك المارش هو ما يقوم بتلك الوظيفة

و الكتاوت لا يتحمل قوة تيار الكهرباء المار في الكابل للمارش و انما بالكتير يتم تركيب الكتاوت لتقوية اضاءة او كلاكس

[Adham]

انا قريت العنوان هركب توك توك
انا اقوم اروح احسن

وربن امعاك يا ريس

[amrelsaqqa]

بصراحه دي اول مرة في حياتي اسمع عن حد بيركب كتاوت تقوية للمارش, و دي غالباً اشتغالة من الكهربائي بتاعك

الكهرباء مش بتطلع من الكونتاكت للمارش, و انما فية جزء بجوار المارش اسمة الاوتوماتيك و دة اللي لما بيوصلله كهرباء من الكونتاكت بيقوم بتوصيل الكهرباء مباشرة من كابل المارش ( كابل تخين جداً) الي المارش و يعشق ترس البندكس و بالتالي يبدا المارش في الدوران و ادارة الموتور, و برفع يدك من على المونتاكت يفضل الاوتماتيك المارش و يترد ترس البندكس و يفصل المارش عن الموتور و يقطع الكهرباء عن المارش

و مافيش كتاوت يتحمل الكهرباء اللي اللي في كابل المارش التخين اللي واصل بالبطارية, و مالوش اي لازمة من الاساس لان اوتوماتيك المارش هو ما يقوم بتلك الوظيفة

و الكتاوت لا يتحمل قوة تيار الكهرباء المار في الكابل للمارش و انما بالكتير يتم تركيب الكتاوت لتقوية اضاءة او كلاكس

تمااااااااام جدا الكلام ده ، لأن التيار المار في كابلات المارش احيانا بيعدى الـ 200 امبير ، خصوصا في الظروف الصعبة زي التدوير الصبح بدرى في الشتاء ، بس اغلب العربيات وخصوصا القديمة -وتقريبا بيكون من اصل العربية- دايما بلاقى كتاوت بين الكونتاكت والاوتوماتيك



والدليل على كدة لما تكون البطارية نايمة على الاخر والعربية مش بتدور
تيجى تدور تسمع تكة الكتاوت ولو واقف قدام الكبوت هتلاقى الصوت جاى من كتاوت فعلا

[Adham]

تمااااااااام جدا الكلام ده ، لأن التيار المار في كابلات المارش احيانا بيعدى الـ 200 امبير ، خصوصا في الظروف الصعبة زي التدوير الصبح بدرى في الشتاء ، بس اغلب العربيات وخصوصا القديمة -وتقريبا بيكون من اصل العربية- دايما بلاقى كتاوت بين الكونتاكت والاوتوماتيك



والدليل على كدة لما تكون البطارية نايمة على الاخر والعربية مش بتدور
تيجى تدور تسمع تكة الكتاوت ولو واقف قدام الكبوت هتلاقى الصوت جاى من كتاوت فعلا

كلام سليم, بس الكتاوت دة بيبقى عالكونتاكت لفتح دوائر كهرباء الموتور (بوبينة او كويلات او في المجمل دايرة اشعال السيارة عامه سواء انجكشن او بك سيلانسية لو كاربراتير) لكن مش بيبقى متوصل بالمارش ., لان اي كتاوت حايركب عالمارش حايولع و يسيح في ثانية بمجرد الدوارة نتيجه التيار العالي جدا اللي حايمر فية.

و التكه اللي بتسمعها مع الكونتاكت لو البطارية نايمة او المارش فية مشكلة بتبقى صوت الاوتوماتيك و لو البطارية نايمة تسمع التكة دي منة مع شد ترس البندكس لان الاوتوماتيك دة بيبقى فية ملف بيولد مجال مغناطيسي قوي بيشد ترس البندكس يعشقة

التكة التانية اللي مع دوارة السيارة بتبقى فعلاً كتاوت تاني متوصل بالأوتوماتيك و دة صوتة مابيبانش مع صوت الاوتوماتيك اللي هن بيبقى تكة قوية نتيجه جذب ترس البندكس زي ما اتفقنا


و كلام حضرتك الاول كان معناه ان الكتاوت هو اللي بيدي كهرباء للمارش و دة طبعاً ماينفعش لأن زي ما اتفقنا انة التيار بيقى شديد جداً (أمبيرة عالي) ومافيش كتاوت يتحملة

و الكتاوت اللي في الصورة دة اساساً لا يتحمل الا فردتين كلاكس و لا يتحمل التيار المار الي لمبات الفوانيس فما بالك بكهرباء المارش

و تقبل تحياتي

يعنى فيه طرفين طرف متوصل بالبطارية وطرف بأتوماتيك المارش ، دول طرفين الزرار ودول بيبقى السلك فيهم تخين عشان يستحمل تيار كبير اللى هو بتاع المارش
وهتلاقى طرفين تانيين في الكتاوت برضه رايحين لمفتاح الكونتاكت ودول هتلاقيهم سلكين رفيعين عاديين جدا

فبدل ما كان الكونتاكت نفسه اللى بيشغل المارش
بقى يبعت اشارة بتيار صغير للكتاوت و الكتاوت يوصل الطرفين التانيين ببعض يقوم مشغل المارش وبكدة نكون عزلنا تيار مفتاح الكونتاكت عن تيار المارش وطبعا دى ميزة كبيرة جدا ومهمة جدا

وده شكل الكتاوت اللى بيتباع

[essamenen]

انا شارى العربيه 131 وكان متركب فيها كتاوت للمرش وهى شغاله زى الفل بس عيبها لما البطاريه تنام الكتاوت مبتشغلشى المرش ابدا انما هى بتحافظ على الكونتاك والتحمبل فقط فى الكتاوت زى ما قالوا الاخوه الاعضاء