خد بالك

[hossamhookman]

اول امبارح راجعين من الجامعة مع واحد صاحبنا
و قاعدين 6 فى العربية و كله تمام
و ماشيين فى شارع التسعين و انت رايح على الدائرى كده عن ملف dust tahi
و ماشيين 100 تقريبا
و بنطلع من الملف و احنا فى الحارة التانية من اليمين تقريبا
و اذا باتنين بيفكروا يعدوا واقفين بين التالتة و الشمال
صاحبى ده بيسوق بقاله حوالى 5 شهور
المهم
و قدامنا اتوبيس على بعد 200 متر كده
فطبعا احسن حاجه امشى زى ما انا و لما اقرب من الاتوبيس اهدى شوية و حبه و الملف يخلص
و جاى ورانا عربية لانسر ماشيهاسرع منا بالظبط بين التالتة و الشمال ( داخل فى البشر يعنى )
و اذا بصحبى بالظبط دخل على الحاره التالتة و قام داس لحد 130 كده و بعدين نقل على الشمال
و مره واحده
انفجرت الاوضاع داخل العربية اللى بيشتم واللى ................. و اللى
و يا حماااااااااااااااااااااااااااااااااار
و طبعا الاتنين اللى بيعدوا اول ما لقوا انهم هيداسوا فى الحارة التالتة واحد خشب و التانى راح على الشمال
اقول ما نقلنا على الشمال
المخشب فضل زى ما هو و التانى نط من الحاره الشمال للتالتة
طبعا موش عارف اقلكم الاحساس
انا ركبت مع ناس بتاخد غرز على 170
و قبل كده لبست المرايه فى مقطورة من وراة و احنا فى غرزة ضيقة
و الله ما قلبى اتنفض من مكانه زى ما حصل اول امبارح
طبعا تلات اربع دقايق و قولناله انه عمل الصح و زيادة عشان ميلبسش اللى اللانسر فى الناس
و طبعا فى الواقع احنا قولناله كده عشا ن لسه الدائرى طويل لغاية المعادى
و بعد ما نزلنا غسلناااااااااااااااااااااه
و هو مقتنع انه عمل الصح بردوا
و نسييت اقولكم
ان اللى كان راكب جمبى ورا هو اللى بياخد الغرز على 170
و ده اول واحد زعق فيه و شتم
الحمد لله انها جت سليمة
و اساسى فى اى حاجه كده اخبط الحديد و ما تخبطش البشر
عامتن محدش عارف ايه اللى حصله فى هذه اللحظة رغم ان سواقتة فى العادى كويسه
المهم
انت فى الموقف ده هتعمل ايه
اكيد هتمشى لغاية الاتوبيس و تهدى
انا قصدى هتعمل فيه ايه غير انك متركبش معاه تانى

[love7amada]

هسيبهم كلهم يعدوا و يعملوا اللي عايزينه و امشي انا براحتي بعد كده ده لو الدنيا مخبطه خالص غير كده هدوس بنزين للاخر و اعدي الاتوبيس لو الطريق سامح و مش هتكون فجأه هعملها بهدوء و اولع اشارات كمان

[Super_Star_h]

مش فاهم الموقف بالضبط واحتمال هو عمل الصح
واحتمال لو اي حد منكم كان سايق بداله كان عمل الغلط
والمفروض ان العربيه فيها اشارات
شغل انتظار عشان اللى وراك يفهم ويهدى
وانت كمان هدى عقبال ما توصل للأتوبيس والناس اللى بتعدى هتكون اخدت قرار تعدى ولا تستنى
عشان هما كده اتخشبو فى مكانهم لما خافو ولقو العربيه بتسرع وبترقص ع الطريق ما بين الحارات
والمفروض بدل ما تشتموه كنتو تقوله ليه على الصح قبل ما يتصرف من دماغه وتكونو صاحين للطريق اكتر منه مدام هو مبتدء

[hossamhookman]

هسيبهم كلهم يعدوا و يعملوا اللي عايزينه و امشي انا براحتي بعد كده ده لو الدنيا مخبطه خالص غير كده هدوس بنزين للاخر و اعدي الاتوبيس لو الطريق سامح و مش هتكون فجأه هعملها بهدوء و اولع اشارات كمان

المشكلة ان الطريق ملف
بتفاجئ بحد بيعدى الطريق و النقل بين الحارات موش سهل

[hossamhookman]

مش فاهم الموقف بالضبط واحتمال هو عمل الصح
واحتمال لو اي حد منكم كان سايق بداله كان عمل الغلط
والمفروض ان العربيه فيها اشارات
شغل انتظار عشان اللى وراك يفهم ويهدى
وانت كمان هدى عقبال ما توصل للأتوبيس والناس اللى بتعدى هتكون اخدت قرار تعدى ولا تستنى
عشان هما كده اتخشبو فى مكانهم لما خافو ولقو العربيه بتسرع وبترقص ع الطريق ما بين الحارات
والمفروض بدل ما تشتموه كنتو تقوله ليه على الصح قبل ما يتصرف من دماغه وتكونو صاحين للطريق اكتر منه مدام هو مبتدء

تمام
كله قاله ان المفروض نتستنى للاتوبيس و نهدى
و هو منصصم انه لو كان وصل للاتوبيس كنا هنلبس
رغم ان 110 هيكون فيها فرامل
الحمد لله انها جت سليمة

[Nistelrooy]

انا لو منه مش المفروض امشي 100 علي ملف

[karimzein4444]

المفروض طبعا طالما انتوا فاهمين قوى فى السواقة كده كنتوا نصحتوه فى ساعتها بدل ما تسيبوه يغلط وبعدين تقعدوا تشتموا فيه

[rasim]

السلام عليكم
كنت هديت خالص اصلالسرعه بتؤدى الى الهلاك
طب انا شايف يوم السبت حادثين
واحد الصبح الساعه 8 عربية ملاكى النصف الامامى ضايع وعربية نصف نقل خابطه فى الصور بتاع الدائرى
وبالليل اساعه 12:30 عربيتن ملاكلا خابطين فى بعضيهم عند كارفور
السرعه تؤدى الى الحواديث ربنا يحفظنا جميعا

[darkangel007]

سرعة عن سرعة تفرق!

[mindvision]

كنت ههدي لحد ماوصل للاتوبيس وسرعتي تكون هديت....
عشان صاحبك بالرغم من اللي عمله بس ممكن كان در فعل بتاع اللانسر غير كده ويؤدي لنتايج تانية منيلة بنيلة لو كان بتاع اللانسر ده سكران مثلا!!!! متخيل ؟؟؟

[SkyBird]

مش قادر اتخيل القصة خاااااااااااالص
بس بالنتيجه هو صح

[cyborg_ift]

المفروض يمشي قانةني علشان يبقا متحكم أكتر لكن 100 على ملف !!!!!!!!!!!!!!!