تفتيح موتور عربيه اتوماتيك

[Mohamed Fathy]

اللهم اشفه شفاء ليس بعده سقما ابدا..اللهم خذ بيده اللهم احرسه بعينيك التى لا تنام
و اكفه بركنك الذى لا يرام و احفظه بعزك الذى لا يُضام .و اكلأه فى الليل و فى النهار .
و ارحمه بقدرتك عليه ّ.أنت ثقته و رجائه يا كاشف الهم . يا مُفرج الكرب يا مُجيب دعوة
المُضطرين .
اللهم البسه ثوب الصحة والعافية عاجلا غير اجلا ياأرحم الراحمين..
اللهم اشفه اللهم اشفه اللهم اشفه..اللهم امين.

[shooter123]

متشكر لك جدا يا ميدو علي دعائك الرائع هذا
جزاك الله كل خير
واشكرك من كل قلبي

[hosar]

دعاء رائع يا ميوا ربنا يتقبل و يشفية و يشفى كل اولادنا

[hondaman]

كان فيه مناقشات كثيرة وآراء مختلفة بين مؤيد ومعارض لموضوع التفتيح اللي بدأ ينتشر بشدة بين الأعضاء هنا في المنتدى .

وفي النهاية رجحت كفة ان الكلام ده مالوش اساس هندسي , والله اعلم

د محمود صلاح اولا ازيك
ثانيا انا هحكيلك تجربة فى حكاية تفتيح الماتور
ونا فى الشغل ( مصنع 200 الحربى ) معايا مهندس فى الشغل معاة لانسر 2008 ( مانويل ) كان بكلمنى على ان عربيتة مخنوقة فى سحبها وحاسس انها بطيئة جدا وما الى ذالك مع انة متابع صيانتها كويس بالمواعيد ومفيش اى مشاكل فى الميكانيكا والكلام دة ... اعدت استفسر منة عرفت انة من ساعت لما جاب العربية بيجيب الغيار الخامس يمشى بية 80 /90 اقصى حاجة لما بيبقى مسافر 120 كيلو ومن ساعت لما اشترها وهو دة المشى بتاعة ظنا منة انة كدة محافظ عليها وخايف عليها كمنها لسة قسط وهكذا وهو كمان ملهوش فى الجرى والحركات دى قلتلو على كلمة تفتيح الماتور ..رد قلى ابنى بردو قلى نفس الكلمة بس انا خفت ادهالو . المهم اقنعتة بس هو خاف يعمل كدة فطلب منى اوريلو ازاى... خدت العربية برة المصنع بطلع الغيار الاول اخرة جاب 30 كيلو ولما جبت التانى العربية ريحت اوى وبتسحب براحة جدا لحد 45 كيلو بالعافية المهم اخدت الطريق بتاع انشاص دة رايح جاى مرتين تفتيح الغيار الثانى كان بيجيب 80 و 85 كيلو والعربية بقت حاجة تانية خالص والثالث بتاعها كان جايب 130 ويجيب اكتر بس مردتش اكمل علية الراجل دة ركب العربية حس ب أختلاف كبير جدا فى اداء العربية واختلاف فى استجابة الماتور من اقل دوسة اسكراتير ..... كمان خليتو برة العربية ونا اكبس قبل ما نتطلع اوريلو السخام اللى طالع من الشكمان قبل وبعد والفرق كان باين .. اسف بقا طولت عليك ومعلش على التفصيل الممل .. اتمنى ان المعلومة وصلت من واقع تجربة

[Haitham10]

الف سلامة علي ابنك يااحمد وان شاء الله يبقي كويس وربنا يشفيه ويحميه من كل الامراض يارب

هوندا مان ...... بقالي سنين مبسوقش غير اوتوماتيك وبموت فيه وانت اول واحد الاقيه بيفهم ازاي يستخدمه فعلا وكلامك كله صح 100 في 100 تسلم

احب اضيف ممكن تطلع طلعه بالd بإنك تنزل رجلك بشوية تدريجي لغايه قبل الكيك داون بس خليك سلس ومتفاهم مع العربيه هتلاقيها شدت شدة جامدة جدا كتسارع في طلعتها

[MoMohsen]

هو احسن حاجة لو خايف على الفتيس حط عبوة منظف دورة الوقود و دية فيه منها انواع كتير و احسنهم بس اغلاهم stp و اطلع بالعربيه مشوار سفر لان فى السفر بتلاقى العربيه ماشيه بسرعة ثابته و الموتور بيكون فى حالته المثاليه و مش لازم تحرق اوى على السرعات اهم حاجة تكون السرعة ثابته نقول من 100-120 بحد اقصى
و بعدين لما توصل مشوارك ريح العربيه فترة كويسه من 3-4 ساعات و شوف الفرق هتحس ان العربيه بقت ممتازة فى السحب و النعومة و مختلفة تماما والفكرة ان لو فيه رواسب فعلا منظف دورة الوقود هيسيحها بدون حرق على السرعات و هتطلع كلها من الشكمان لما يسخن.
و اهم حاجة فى الحوار دة انك مش لازم تحمل على الفتيس ولا الموتور بالعكس انت كدة بتريحه

[د.محمود صلاح]

ليه يا دكتور كدا
ترسب الكربون علي البساتم شئ صحيح 100% وبيحصل فعلا واحنا عشان راكبين عربيات اوتوماتيك لازم نشيل الكربون كل فترة ممكن يتشال بالسفر مثلا مسافة لا تقل عن 60 كيلو ولكن لو واحد مش مسافر يشيل الكربون ازاي؟؟؟؟؟؟
عشان كدا طرحنا الموضوع
بس

اليومين دول موسم يا دكتور وابني تعبان وسخن وكنت عنده الدكتور النهاردة والمتوحش كتبله علي حقن وهو سنه لسه 3 سنين
ادعوله يا جماعه ربنا يشفيه

طبقة الكربون بتتكون مع استخدام بنزين 80 انا نفسي افتكر الموضوع اللي كان فيه مناقشات عن التفتيح ده فين ؟

ألف سلامة عليه وانا شخصيا ضد مبدا ان الحقن تتاخد في البيت

د محمود صلاح اولا ازيك
ثانيا انا هحكيلك تجربة فى حكاية تفتيح الماتور
ونا فى الشغل ( مصنع 200 الحربى ) معايا مهندس فى الشغل معاة لانسر 2008 ( مانويل ) كان بكلمنى على ان عربيتة مخنوقة فى سحبها وحاسس انها بطيئة جدا وما الى ذالك مع انة متابع صيانتها كويس بالمواعيد ومفيش اى مشاكل فى الميكانيكا والكلام دة ... اعدت استفسر منة عرفت انة من ساعت لما جاب العربية بيجيب الغيار الخامس يمشى بية 80 /90 اقصى حاجة لما بيبقى مسافر 120 كيلو ومن ساعت لما اشترها وهو دة المشى بتاعة ظنا منة انة كدة محافظ عليها وخايف عليها كمنها لسة قسط وهكذا وهو كمان ملهوش فى الجرى والحركات دى قلتلو على كلمة تفتيح الماتور ..رد قلى ابنى بردو قلى نفس الكلمة بس انا خفت ادهالو . المهم اقنعتة بس هو خاف يعمل كدة فطلب منى اوريلو ازاى... خدت العربية برة المصنع بطلع الغيار الاول اخرة جاب 30 كيلو ولما جبت التانى العربية ريحت اوى وبتسحب براحة جدا لحد 45 كيلو بالعافية المهم اخدت الطريق بتاع انشاص دة رايح جاى مرتين تفتيح الغيار الثانى كان بيجيب 80 و 85 كيلو والعربية بقت حاجة تانية خالص والثالث بتاعها كان جايب 130 ويجيب اكتر بس مردتش اكمل علية الراجل دة ركب العربية حس ب أختلاف كبير جدا فى اداء العربية واختلاف فى استجابة الماتور من اقل دوسة اسكراتير ..... كمان خليتو برة العربية ونا اكبس قبل ما نتطلع اوريلو السخام اللى طالع من الشكمان قبل وبعد والفرق كان باين .. اسف بقا طولت عليك ومعلش على التفصيل الممل .. اتمنى ان المعلومة وصلت من واقع تجربة

جزاك الله خيراً على نقل التجربة - أنا كنت بعمل كده سواء في المانيوال أو الأوتوماتيك اللي ركبته بس بدون قصد , بل طبقاً لظروف الطريق والسفر والتخطي .

وحدة التحكم في الميجان بتتعلم طريقة قيادة صاحب السيارة وتخزنها وتتعامل مع السرعات والمحرك طبقا للطريقة دي .

[د.محمود صلاح]

من بعض الموضوعات القديمة

http://www.nilemotors.net/Nile/497-a.html

وكان فيه موضوع كبير آخر للأسف مش عارف أجيبه

[Haitham10]

د محمود
اعذرني علي تداخلي بس ممكن تديني معلومات شوية عن موضوع البنزين 80 دة لاني بستخدمه ومضطر

[د.محمود صلاح]

د محمود
اعذرني علي تداخلي بس ممكن تديني معلومات شوية عن موضوع البنزين 80 دة لاني بستخدمه ومضطر

معلوماتي من الميكانيكية ومن واقع خبرة السنين .. الإحتراق الغير كامل بتاع البنزين 80 بيكون الطبقة دي على وش البيستم ويخلي العربية تسقف حتى ولو ظبطت الكهربا ..

أنا كنت بستخدمه ومضطر أيضا في الفليشيا .

[No Comment]

موضوع التفتيح ده مش غلط ولا خطر ولا حاجة ... بس يتعمل صح علشان ميأثرشى بالسلب على الماتور .
كنت لسة من يومين عامل موضوع التفتيح ده عندى على سرعة 140 بتاع 4 او 5 مرات فى يوم الساعة 2 بليل علشان العربية تفوق .
وفعلاً الأستجابة بتاعتها أتحسنت بالفعل بالرغم ان الطريق ما ساعدنيش انى اجيب آخر الماتور ... وأعتقد بأنه لو كان جاب آخر سرعة متاحة ليه ... مع أر بى أم أمان ومناسب كانت هتفوق أكتر من كدة .

[SkyBird]

انا فتحت موتور لانسر 99 اوتوماتيك بالحرق على الغيارات بدون شفقة او رحمة يعني ماتستخدمش السواقة على d لانها مش هتفتح الموتور ولكن استخدم الغيارات مانيوال اول وتاني وثالث ورابع وهكذا وهات اخر كل غيار
في البداية غير على 4.5 ثم 5 ثم 6 وماتزودش عن 6 يعني اوعى توصل للمنطقة الحمرا الرد زون
العربية بقت بتجيب معايا 150 على الثالث على اربي ام 6 في مده بسيطة جدا وكان ممكن تجيب اكثر بس ده الاخر بتاعي في السرعة
اول مرة عملت الموضوع ده كثير لمدة اسبوعين وبعد كده مرتين في الاسبوع كفايه اوي علشان تفضل فايقة

[BassamHafez]

انا مش عارف اشكر كل المساعدات دي ازاي

انا متشكر ليكوا فعلا يا جماعه وانا فعلا مش بحق على العربيه كتير ونادرا لما بعمل كيك داون ومش بطول فيه كمان

والف سلامه على ابن شوتر

انا هجرب كل الاقتراحات دي واقولكوا النتيجه

بس الواحد فعلا عايز طريق عدل يعرف يجري عليه اصل حتى الطريق اللي قاللي عليه هوندا مان بقى عليه ضغط ونادرا لما بيبقى فاضي للجري

[hondaman]

انا مش عارف اشكر كل المساعدات دي ازاي

انا متشكر ليكوا فعلا يا جماعه وانا فعلا مش بحق على العربيه كتير ونادرا لما بعمل كيك داون ومش بطول فيه كمان

والف سلامه على ابن شوتر

انا هجرب كل الاقتراحات دي واقولكوا النتيجه

بس الواحد فعلا عايز طريق عدل يعرف يجري عليه اصل حتى الطريق اللي قاللي عليه هوندا مان بقى عليه ضغط ونادرا لما بيبقى فاضي للجري

يوم الجمعة الصبح بدرى او يوم السبت الصبح بدرى هتلاقية رايق وفاضى معظم بتوع القاهرة الجديدة مش شغالين يوم السبت ودول اكتر ناس بتاخد الطريق دة

[organic_magic]

من بعض الموضوعات القديمة
http://www.nilemotors.net/Nile/497-a.html



وكان فيه موضوع كبير آخر للأسف مش عارف أجيبه

يارب يكون الموضوع دا اللي قصدك عليه

http://www.nilemotors.net/Nile/40800-a.html

انا فتحت موتور لانسر 99 اوتوماتيك بالحرق على الغيارات بدون شفقة او رحمة يعني ماتستخدمش السواقة على d لانها مش هتفتح الموتور ولكن استخدم الغيارات مانيوال اول وتاني وثالث ورابع وهكذا وهات اخر كل غيار
في البداية غير على 4.5 ثم 5 ثم 6 وماتزودش عن 6 يعني اوعى توصل للمنطقة الحمرا الرد زون
العربية بقت بتجيب معايا 150 على الثالث على اربي ام 6 في مده بسيطة جدا وكان ممكن تجيب اكثر بس ده الاخر بتاعي في السرعة
اول مرة عملت الموضوع ده كثير لمدة اسبوعين وبعد كده مرتين في الاسبوع كفايه اوي علشان تفضل فايقة

باشا انت بتجيب الفتيس علي 1 وتجيب اخر الاول وبعدين تدوس علي زرار الفتيس وتقوم ناقل علي 2 وهكذا - بس كدا مش غلط علي الفتيس لان لو مكنش غلط مكنتش تدوس علي الزرار علشان تنقل وكان تنقل عادى زى من d الى n والعكس ولا ايه؟