ايهما افضل فتيس مانول ولا أوتوماتيك

[SonaSteel]

أنت تعلي السلانسيه وتخليه على2أو2.5 ومتضغطش على دواسة البنزين خالص
وتخليك في الدبرياش
شوية برجلك اليمين وشوية بالشمال

يعني ايه اعلي السلانسية؟؟؟
طيب ما كده التحميل علي الاسطوانة هايبقي كتير ... وتبوظ بسرعه
صح كده ولا ايه ... هههههه

[الصيداح]

يعني ايه اعلي السلانسية؟؟؟
طيب ما كده التحميل علي الاسطوانة هايبقي كتير ... وتبوظ بسرعه
صح كده ولا ايه ... هههههه

السلانسيه يعني عدد لفات الموتور والعربية ساكنة لا تتحرك وهي دائما بتبقى أقل من 1 أو 1 (طبعا مضروب في ألف)
ولو عشقت العربية على الأول مثلا من غير ما تضغط على دواسة البنزين علشان تعلي عدد لفات الموتور
العربية هتبطل منك
فعلشان كدة هنخلي عدد لفات الموتور والعربية ساكنة على 2 ولما تعشق على الأول وتبدأ تشيل رجلك من على دواسة الدبرياش واحدة واحدة
العربية هتتحرك ومش هتبطل لأن عدد اللفات كبير بحيث يحرك العربية
وبدل ما تخلي رجلك اليمين تضغط على دواسة البنزين تريح الشمال شوية وتخلي اليمين على الدبرياش وهكذا بالتبادل دواليك
ومفيش تأثير على إسطوانة الدبرياش ولا حاجة لأن إحنا معملناش أي حاجة غير أن إحنا ريحنا رجلينا الشمال وخلينا اليمين هي اللي بتدوس على الدبرياش
بس لما تمور هتلاقي صوت العربية عالي علشان السلانسيه عالي على2
الحركة دي بتتعمل من الكربراتير بتعلي مسمار السلانسيه
إنت دوختني والموضوع كله هزار أساسا هههههههههههه

[Khaled_Nowaihy]

انا أفضل المانيوال على الاطلاق للأسباب اللى ذكرها الأخ الفاضل الصيداح
لكن بسبب القيادة فى الزحام قدمى الشمال باظت من الدبرياج .. وساعات الألم يوصل للركبة
وعلشان الشوك اللى فى الورد باحب الورد !!!!

[yoko]

السلانسيه يعني عدد لفات الموتور والعربية ساكنة لا تتحرك وهي دائما بتبقى أقل من 1 أو 1 (طبعا مضروب في ألف)
ولو عشقت العربية على الأول مثلا من غير ما تضغط على دواسة البنزين علشان تعلي عدد لفات الموتور
العربية هتبطل منك
فعلشان كدة هنخلي عدد لفات الموتور والعربية ساكنة على 2 ولما تعشق على الأول وتبدأ تشيل رجلك من على دواسة الدبرياش واحدة واحدة
العربية هتتحرك ومش هتبطل لأن عدد اللفات كبير بحيث يحرك العربية
وبدل ما تخلي رجلك اليمين تضغط على دواسة البنزين تريح الشمال شوية وتخلي اليمين على الدبرياش وهكذا بالتبادل دواليك
ومفيش تأثير على إسطوانة الدبرياش ولا حاجة لأن إحنا معملناش أي حاجة غير أن إحنا ريحنا رجلينا الشمال وخلينا اليمين هي اللي بتدوس على الدبرياش
بس لما تمور هتلاقي صوت العربية عالي علشان السلانسيه عالي على2
الحركة دي بتتعمل من الكربراتير بتعلي مسمار السلانسيه
إنت دوختني والموضوع كله هزار أساسا هههههههههههه

الموضوع ده غلط جدا
وهيدمر الإسطوانة ووهيقصر عمر الموتور والعربيه هتاكل بنزين بهبل

[الصيداح]

الموضوع ده غلط جدا
وهيدمر الإسطوانة ووهيقصر عمر الموتور والعربيه هتاكل بنزين بهبل

طبعا الموضوع له أضرار بالغة على الموتور
لكن الفكرة أن الموضوع هزار فقط وليس للتجربة العملية لأنها فكرة عقيمة
الموضوع من باب التسلية النظرية فقط وليس العملية
لكن ممكن توضحلنا يا غالي ليه الموضوع ده هيأثر على إسطوانة الدبرياش

[yoko]

طبعا الموضوع له أضرار بالغة على الموتور
لكن الفكرة أن الموضوع هزار فقط وليس للتجربة العملية لأنها فكرة عقيمة
الموضوع من باب التسلية النظرية فقط وليس العملية
لكن ممكن توضحلنا يا غالي ليه الموضوع ده هيأثر على إسطوانة الدبرياش

ببساطة كل ما سرعة الموتور تزيد الإسطوانه إحتكاكها هيزيد تخيل حاجة بتلف بسرعة 2000 لفة في الدقيقة بتحتك بحاجة ثابتة!!! كإنك بالظبط كل مرة بتتحرك فيها محمل على الدبرياج أو طلاع بتفرك ههي نفس الوضع بالضبظ

[الصيداح]

تسلم ايدك يا باشا
والموضوع كله هزار لئلا يفعله أحد الإخوة

[rahmanboud]

الاتوماتيك مريح جدا لكن عزم المانيوال ملهوش حل

[SkyBird]

المانيوال عندي به ميزات كثيرة غير التي ذكرت وهي إمكانية الفرملة بتسقيط النقلات في بعض الظروف الطارئة
(وهذه ميزة ليست بسيطة)

..............

تقدر تسقط نقلات وتهدي بيه في الطواريء ودي ميزة مهمة جدا

الاوتوماتيك برضو ممكن تسقط غيارات في الطوارئ
الاوتوماتيك يتميز ان فيه الاختيارين
لو عايز تريح نفسك تجيب على d وتسيب العربية تتصرف
واختيار الثاني لو عايز تسوق الاوتوماتيك زي المانيوال تغير عادي الاول والثاني والثالث و...... وهكذا ولو عايز تسقط غيارات برضو ممكن

وفعلا الموضوع شكله وجهات نظر لان اللي بيتكلم عن الاوتوماتيك الظاهر انه لم يتعايش معه لفترة طويلة لمعرفة امكاناته

[SkyBird]

لاتوماتيك مريح جدا لكن عزم المانيوال ملهوش حل

تمام كده
واعتقد ان مستقبل الاوتوماتيك يتجه لزيادة العزم علشان يكون مقارب للمانيوال

[الصيداح]

..............


الاوتوماتيك برضو ممكن تسقط غيارات في الطوارئ
الاوتوماتيك يتميز ان فيه الاختيارين
لو عايز تريح نفسك تجيب على d وتسيب العربية تتصرف
واختيار الثاني لو عايز تسوق الاوتوماتيك زي المانيوال تغير عادي الاول والثاني والثالث و...... وهكذا ولو عايز تسقط غيارات برضو ممكن

وفعلا الموضوع شكله وجهات نظر لان اللي بيتكلم عن الاوتوماتيك الظاهر انه لم يتعايش معه لفترة طويلة لمعرفة امكاناته

الكلام ده في الستيب ترونيك مش الأتوماتيك العادي مش كدة
وبالفعل أنا ممكن لم أعايش الأتوماتيك بالقدر الكافي ولو عايشته سأحبه أيضا لأنه مريح بالتأكيد
شكرا للمداخلة أخي الغالي

[SkyBird]

لا وفي العادي كمان اخي الصيداح

[فتح الباب]

والله يا غالي هو معظم الناس دلوقتي بتقوللك يعني أدفع فوق ال100 ألف جنيه في عربية مانيوال
(ولو حدث بعد ذلك شئ للأوتوماتيك تجدهم في حيرة من أمرهم بسبب الغلاء المبالغ فيه من قبل التوكيلات في أسعار الأوتوماتيك) لكن هذا أيضا ليس سببا للإعراض عن الأتوماتيك
بس أنا حتى لو هجيب عربية بمليون جنيه أبص أول حاجة على إحتياجي هل أنا مثلا من سكان القاهرة وكل يوم بانتظر في الطريق ساعتين ثلاثة والطريق واقف ....إلخ
أم أنا لست في هذا الموقف
أنا شخصيا لست من سكان القاهرة وفي كثير من المواقف أتعرض للزحام لكنني لا أعدل بالمانيوال أحدا
المانيوال عندي به ميزات كثيرة غير التي ذكرت وهي إمكانية الفرملة بتسقيط النقلات في بعض الظروف الطارئة
(وهذه ميزة ليست بسيطة)
هذا كله شئ ومتعة القيادة مع المانيوال في الطرق المفتوحة شئ أخر

من الأخر شوف إحتياجاتك إيه

الله ينور عليك يا باشا وتحياتى لك

[KHALED AYMAN]

فرق استهلاك البنزين بسيط اوى ...
المانيوال كصيانه دوريه بيحتاج بعض قطع الغيار فى مجموعه الدبرياج
الاوتوماتيك مش بيحتاجها ..بس فى المقابل لو حصله مشكله بيكون "افضل" واحسن حل ..انك تجيب فتيس كامل استيراد :)
المهم ..حسب احتياجك ..بس لو نويت اوتوماتيك ابعد عن تلات حاجات :
1-ايزى ترونيك (اوبل)
2- تويوتاmmt
3-دوال لوجيك فيات ..
مش هتكلم عن نقطه فيهم عيوب تصنيع او لا ..بس التلات انواع دول عليهم جدل كبير فى طريقه القياده ...ريح نفسك و ابعد

[KHALED AYMAN]

نسيت اقول ان الاوتو بتتحكم تحكم كامل فى غيارات العربيه ...فقط رجلك تفهم الدواسه والدنيا هتبقى اخر شقاوه :)