استفسار عن الطلعة الصح

[yasser202]

السلام عليكم ورحمة الله وبركاته

كنت عايز أستفسر عن الطلعة الصح للانوس التي تطيل عمر الدبرياج وأجزاءه في حالة الشوراع المستوية ؟



1- رفع الرجل من الدبرياج للاخر وبعدين الضغط على البنزين ( لاينفع لو على مطلع )
2- رفع سنة من الدبرياج وضغط بنزين خفيف ورفع الرجل من الدبرياج حبة حبة لغاط اخره بعد كدا تزود بنزين ( اكني على مطلع )

[osama.m]

عايز تطول عمر مجموعة الدبرياج .. متحملش جامد و انت طالع .. متطلعش بسرعة و تفرك العجل عشان دا بيقلل عمر مجموعه الدبرياج

[yasser202]

شكرا لك اخي الحبيب
بس انا كنت عايز اعرف مين الصح رقم 1 ولا 2 لاني في الاتنين مش بعلي صوت الموتور عن الطبيعي

عايز اعرف مين الصح فيهم ؟

[Ashraf_Ibrahim]

الاتنين صح
انا عن نفسي بعمل الاولى في الفيرنا بتاعتي بس مش برفع رجلي مرة واحدة انا مجرد بدي العربية أمر حركة وتبدأ تتحرك وبعدين بقول موازن بنزين وطالع

[yasser202]

تمام كدا شكرا لك

[moh19227]

الاتنين صح بس الحركه الاولي لو العربيه محمله او مطلع زي مبتقول ممكن اوي العربيه تبطل
فلو العربيه خفيفه والطريق ظريف اعمل الحركه الاولي اما لو معاك ناس او في مطلع اشتغل علي التانيه
وشكرااا

[MEDO84EG]

متابع باهتمام

[Ashraf_Ibrahim]

الاتنين صح بس الحركه الاولي لو العربيه محمله او مطلع زي مبتقول ممكن اوي العربيه تبطل
فلو العربيه خفيفه والطريق ظريف اعمل الحركه الاولي اما لو معاك ناس او في مطلع اشتغل علي التانيه
وشكرااا

كلام سليم جدا

[ahmdmagdy]

في رأي علي حسب ما تتعود

[HOSSAM99]

الطريقتين بيمثلوا القياده الاقتصاديه
وانا بستخدم الطريقه الاولي (برفع دبرياج وأول ماتتحرك أوازن بالبنزين)

وكمان فيه حاجه للمحافظه علي مجموعه الديبرياج وهي انك متستخدمش الديبرياج الا عند تغير الغيار أو قبل الوقوف التام وفي الوقوف التام تترك الدبرياج وتهدي بالفرامل حتي قبل التوقف التام وتبدأ تدوس دبرياج)
والضغط علي الدبيراج يكون بسلاسه ورفق