برجاء الإيضاح : ما هو خطر وجود بقعة زيت في الطريق؟؟

[الصيداح]

السلام عليكم ورحمة الله وبركاته

كثيرا ما قرأت عن أخطار وجود بقعة زيت في الطريق وأريد منكم إيضاح هذه النقاط جزاكم الله خيرا

1-هل المشكلة في وجود بقعة الزيت وأنا أسير في خط مستقيم أم الخطر وأنا في ملف مثلا؟
2-ما هو الخطر التي تسببه؟ هل بتزحلق العربية يعني بتخليها تعوم؟
3-لماذا لا نضغط فرامل حينما نجدها على الطريق؟
4-ما الحل أثناء الوقوع فيها؟ ولو حدث عومان المفروض أني بكسر الدريكسيون باتجاه حركة مؤخرة السيارة أليس كذلك؟

بانتظاركم جزيتم خيرا

[romieh]

1 - الخطر يحدث فى الحاتين ولكن التأثير الاكبر وانت فى ملف اما لو فى خط مستقيم بيكون هناك عومان خفيف ولكن من الممكن السيطرة عليه

2- نعم الخطر هو ان العربية بتفقد تماسكها بالطريق وده بيسبب العومان

3- الضغط على الفرامل هيخلى العجل سرعته تقل بنسبة كبيرة والعربية بتزحف على الطريق نتيجة القصور الذاتى وده هايسبب عومان كبير فى العربية ومن الممكن فقد السيطرة عليها

4- الحل انك اول لما تشوف بقعة زيت من بعيد تحاول تهدى جامد قبل الدخول فيها، واول لما توصل لبقعة الزيت تشيل رجلك من على الفرامل وتدخل البقعة وانت فى خط مستقيم وانت متبت فى الدركسيون علشان تعرف تسيطر على العربية.

موضوع ان لما العربية تعوم وكسر حركة الدركسيون دى من الافضل اننا نستنى خبير يقولنا ايه افضل حاجة نعملها اثناء العومان

[الصيداح]

1 - الخطر يحدث فى الحاتين ولكن التأثير الاكبر وانت فى ملف اما لو فى خط مستقيم بيكون هناك عومان خفيف ولكن من الممكن السيطرة عليه

2- نعم الخطر هو ان العربية بتفقد تماسكها بالطريق وده بيسبب العومان

3- الضغط على الفرامل هيخلى العجل سرعته تقل بنسبة كبيرة والعربية بتزحف على الطريق نتيجة القصور الذاتى وده هايسبب عومان كبير فى العربية ومن الممكن فقد السيطرة عليها

4- الحل انك اول لما تشوف بقعة زيت من بعيد تحاول تهدى جامد قبل الدخول فيها، واول لما توصل لبقعة الزيت تشيل رجلك من على الفرامل وتدخل البقعة وانت فى خط مستقيم وانت متبت فى الدركسيون علشان تعرف تسيطر على العربية.

موضوع ان لما العربية تعوم وكسر حركة الدركسيون دى من الافضل اننا نستنى خبير يقولنا ايه افضل حاجة نعملها اثناء العومان

تسلم يا غالي على الرد الكافي والوافي وبإنتظار بقية الإخوة
جزاك الله خيرا

[Ashraf_Ibrahim]

صادفتنا بقعة زيت وكنت مع واحد صاحبي بعربيته كان هو اللي سايق
احنا استغربنا لونها على الطريق فهدينا قبلها جامد وكانت في ملف وكنا على 40 ساعتها
احب اقلكم ان العربية عملت افلام هندي ساعتها طبعا مش لوحدنا احنا واللي قدامنا واللي ورانا وكان فيلم غير عادي
ربنا ستر واحنا خرجنا منها بسلام بس فيه عربية نقل خبطت ملاكي ورانا بسبب بقعة الزيت
المشكلة انها كانت على طريق حيوي ومعروف ان السرعة فيه مبتقلش عن 90 بس نعمل ايه لاستهتار المسؤولين
عمار يا مصر !

[otefa]

بقعة الزيت نفس مبدأ رملة أو ميه علي الطريق مع فارق قوة تأثيرها
لو شايفها من مسافة تهدي علي قد ماتقدر ولما تمشي عليها تقلل أي حركة مفاجئة تسارع أو تباطأ أو حركة دركسيون علشان ماتخلش بالتوازن
لو حصلت الزحلقة فعلا فدي بتتعامل معاها بسينسك المهم بلاش فرامل علي قد ماتقدر وخصوصا العنيفة لو فيه أي بي أس وتراكشن كنترول هايساعدك جامد أنك تعدي منها بسهولة

[dedoes6]

السلام عليكم
من خبرتى فى السواقه لو داخل على بقعه زيت و بسرعه عاليه طبعا المفروض انك تحاول على قد متقدر تخلى العربيه مستقيمه و فى حاله انه لفت منك سيبها تلف و بلاش حركات مفاجئه
فيه ناس طبعاً خبراء drift او تفحيط بالسعودى
و دول لما العربيه تلف منهم يمين مثلا بدرجه معينه يقدرو يلفو الدريكسيون الناحيه التانيه بحيث ان العربيه تفضل ماشيه فى خط مستقيم
منصحكش بكده طبعاً لان بمنتهى السهوله ممكن العربيه تتقلب

[الصيداح]

مشكورين جدا يا شباب
جزاكم الله كل الخير على المشاركة الفعالة
لكن لو حصل إنها عومت مش ممكن ألف الدريكسيون في إتجاه عومانها وأول ما تتعدل أزود بنزين كأني بتعامل مع تعويم عادي للسيارة أو دريفت ولا إيه؟؟