ضبط كهرباء الاسبراتير

[ahmedshafei77]

معى سيارة لادا اريد معرفة كيفية ضبط كهرباء الاسبراتير اى ( تقديم الكهرباء) لانى عايز احط بنزين 92 بدل ال 80 افيدونى على اى اساس يتم تعديل زاوية الاشعال ومن اى اتجاة وهل لو زودتها ايه العلاقة بعدد لفات الموتور اللى هتزيد

معلشي سؤال تانى انا عايز اعملها بنفسي فهل لو عليتها او وطيتها بنفسي يحصل مشكلة


شكرا

[ahmedshafei77]

اين الردود افادكم الله

[محمد فريد]

انا عندى 128 ولما بحب اعلى الكهرباء بتبقى ناحية الشمال (اللعب فى الاسبراتير والعربية تكون مبطلة عشان لو دايرة هتتكهرب جامد)
لكن اللى اعرفه انى لما اقلل الكهرباء قوى العربية تبطل ولما اعليه زيادة عن اللازم اسمع صوت تصفيق (كركرة) مع الكبس على البنزين
نصيحة متلعبش فى الاسبراتير كتير وحط بنزينك عادى والكربراتير هو اللى بيحس بالفرق مش الكهرباء
تقبل تحياتى ومنتظر أراء الاخرين

[beshomilan]

بنزين 92 فى لادا؟؟؟؟؟؟؟؟؟؟ليه ماله ال 80 او ال 90 ؟؟؟؟؟؟؟؟

انا معايا اكسيل وبحطلها 80 وماشية زى الفل وكله تمام

[amrelsaqqa]

ما تحطش 92 لأن مش بس الكهربا هى اللى هتتحكم وتخلي عربيتك تستاهل ال92
تصميم الموتور والكربراتير بيفرق وموتورك مش متصمم ل92 وال92 لو حطيته هتحطه على الفاضى

خليك في 80 احسن ولو عايز تظبط الكهربا برضه هقولك

لو مش عارف اتجاه التأخير والتقديم اعمل الاتى
فك وش الاسبراتير
وبص على شاكوش الاسبراتير من جوة
وخلى واحد واقف معاك يدي تكة مارش


اتجاه دوران العمود هو اتجاه التأخير


( في الغالب بس مش دايما ، اتجاه التقديم او التعلية هو اتجاه فتح الحنفية واتجاه التأخير او التوطية هو اتجاه قفل الحنفية )
ركب وش الاسبراتير تانى و فك الصامولة اللى ماسكة الاسبراتير من تحت سنة صغيرة بحيث يبقى الاسبراتير حر الحركة بس في نفس الوقت ماسك نفسه
لف في اتجاه التقديم ( اللى هو عكس اتجاه التأخير سنة صغيرة )
دور العربية وجرب

كرر العملية ( تقف وتطفى العربية وتلف الاسبراتير كمان سنة وتطلع تجرب )

لحد ما تلاقى ان العربية بتسقف او بتكركر وانت بتكبس بنزين في اول الغيارات ، ساعتها اخرها سنة تانى واربط على كدة
ويبقى انت كدة ظبطت الكهربا

ولو حطيت 92 وعايز تظبط عليه ، استنى شوية لحد ما التنك والعربية يبقى كلها 92 وابدأ اظبط

[essamenen]

ما تحطش 92 لأن مش بس الكهربا هى اللى هتتحكم وتخلي عربيتك تستاهل ال92
تصميم الموتور والكربراتير بيفرق وموتورك مش متصمم ل92 وال92 لو حطيته هتحطه على الفاضى

خليك في 80 احسن ولو عايز تظبط الكهربا برضه هقولك

لو مش عارف اتجاه التأخير والتقديم اعمل الاتى
فك وش الاسبراتير
وبص على شاكوش الاسبراتير من جوة
وخلى واحد واقف معاك يدي تكة مارش


اتجاه دوران العمود هو اتجاه التأخير


( في الغالب بس مش دايما ، اتجاه التقديم او التعلية هو اتجاه فتح الحنفية واتجاه التأخير او التوطية هو اتجاه قفل الحنفية )
ركب وش الاسبراتير تانى و فك الصامولة اللى ماسكة الاسبراتير من تحت سنة صغيرة بحيث يبقى الاسبراتير حر الحركة بس في نفس الوقت ماسك نفسه
لف في اتجاه التقديم ( اللى هو عكس اتجاه التأخير سنة صغيرة )
دور العربية وجرب

كرر العملية ( تقف وتطفى العربية وتلف الاسبراتير كمان سنة وتطلع تجرب )

لحد ما تلاقى ان العربية بتسقف او بتكركر وانت بتكبس بنزين في اول الغيارات ، ساعتها اخرها سنة تانى واربط على كدة
ويبقى انت كدة ظبطت الكهربا

ولو حطيت 92 وعايز تظبط عليه ، استنى شوية لحد ما التنك والعربية يبقى كلها 92 وابدأ اظبط

الله ينور عليك

[ahmedshafei77]

شكرا على ردودكم كلها انا فعلا اول ما جيبت العربية كنت بحط 92 وكانت زى الفل ورجعت لل 80 خربلى الدنيا والعربية كانت بتسقف كتير فى القرص وفى الركن لما زهقت وعايز ارجع لل 92 تانى او حتى ال 90

[alwehiady]

ياجماعه انا عندى عربيه لانسر 1992
لسه عاملها عمره كامله ولينتها لكن المشكله فى الدواره مش بتدور غير لما اسندها ببنزين طول اليوم ولما بحاول مسندهشا ببنزين تبطل او تدور بعض مره عاوز اعرف المشكله فين عشان مكنش صرفت فلوسى ع الفاضى ياريت تفيدونى ...

[Abo_Mazen]

ياجماعه انا عندى عربيه لانسر 1992
لسه عاملها عمره كامله ولينتها لكن المشكله فى الدواره مش بتدور غير لما اسندها ببنزين طول اليوم ولما بحاول مسندهشا ببنزين تبطل او تدور بعض مره عاوز اعرف المشكله فين عشان مكنش صرفت فلوسى ع الفاضى ياريت تفيدونى ...

يفضل تعمل مشاركة منفصله بالموضوع ده ..عشان تلاقي تفاعل كتير معاك وتقدر الناس تساعد حضرتك ..

[م أحمد]

ياجماعه انا عندى عربيه لانسر 1992
لسه عاملها عمره كامله ولينتها لكن المشكله فى الدواره مش بتدور غير لما اسندها ببنزين طول اليوم ولما بحاول مسندهشا ببنزين تبطل او تدور بعض مره عاوز اعرف المشكله فين عشان مكنش صرفت فلوسى ع الفاضى ياريت تفيدونى ...

اللى بيحصل ان الميكانيكى مع اول تشغيل للموتور بعد العمرة بيعلى الخلاط (الكاربيراتير) على الآخر علشان العربية ما تبطلش ساعة التليين على الواقف و بعد ما تبدأ تمشى يرجع يوطيه تانى

بس شكله وطاه زيادة عن اللازم و ما ظبطش بك السلانسيه بتاع الكاربيراتير كويس

البنزين محتاج يعلى من الكاربيراتير شوية