استفسار عن لون الطنابير

[azmeralda]

ده على اعتبار انها الحتة المدورة اللى باينة ورا لكوتش دى على حسب فهمى

الصبح لقيت لونها فجأة تحول لصدا كامل مع انها كانت فضى
بعدين على ما رحت مشوار الشغل وسخنت لقيته راح ده يبقى اسمه ايه

متعرضتش لأى حاجة غير ان فى بواب جديد غسلها
بس هى اتغسلت قبل كده كتير محصلهاش كده؟

[A.Saad]

اولا بلاش غسيل والطنابير سخنة
كمان
الصدا شيء طبيعى
لو حسيت بضعف للفرامل
بتروح لميكانيكى
يغسل الطنابير
ويصنفر التيل او لا
وخلاص

[azmeralda]

هى فعلا كانت ساخنة

بس الصدا طبيعى ازاى ؟

[A.Saad]

مش الفرامل معدن
لازم يكون فيه صدا
المهم كميته اد ايه : هل كتير ولا لا
سطح الطنابير مستوى ولا فيه تعرجات
العربية او الطنابير عاملة كام الف كيلو

[A.Saad]

اى طنابير لازم تسخن
ليه لان منظومة الفرامل تعتمد على احتكاك بين التيل والطنابير
المهم ان السخونة متكونش عالية قوى لان ده معناه ان التيل قافش على الطنابير اثناء المشى
ودى بتبا لو لمستى الجنط هتلاقى الجنط ساخن ويلسع ايدك
وطبعا سخونة الطنابير الامامى بتكون اكتر من الخلفية

[dragonanger]

الصدا ده بيظهر لما العربية تكون لسة راجعة من مشوار وتتغسل ودا غلط تماما
لان فى اجزاء كتير بتكون سخنة و ممكن يحصلها صدا
ودا فى احسن الاحوال
اما اسوائها وده حصل مع واحد اعرفة ان الاجزاء السخنة ديه مع البرودة المفاجئة بتنكسر
بس لازم تكون درجة الحرارة عالية
اما عن اختفاء الصدا ده بسبب احتكاك التيل مع الطنابير اثناء المشوار

[azmeralda]

هو راح دلوقتى وسطح الطنابير مستوى عادى ورحت لبتاع الكاوتش قال ده تراب من الطنابير واتأكدى لو الفرامل كويسة خلاص فالفرامل كويسة الحمد لله ومش هخليه يغسلها وهى سخنة واشوف شكرا ليكو جميعا

ومجربتش المس الجنط نفسه اشوفه سخن ولا لأ؟

[ahmedaliaeg]

متقلقش وحاول متغسلش العربيه وهيه سخنه