مطب مفاجىء

[mazenzyad]

معايا لوجان 2011 عاملة 1800 كم معايا ، اليوم و انا سايق على طريق سريع و فاضى كنت ماشى على سرعة 90 الى 100 كم / س و فجأة اخدت مطب صناعى بنفس سرعتى ، و انا راجع لاحظت لما بعدي على المطبات بهدوء بسمع صوت تزييقه من ورا و انا نازل من على المطب ، يا ترى فى حاجة باظت و لا ايه ؟ ارجو الافادة..

[Ashraf_Ibrahim]

لا تقلق يا عزيزي
ان شاء الله مفيش حاجة تكون باظت ولا حاجة
ممكن بس يكون الفيبر اتخبط بس لا اكثر ولا اقل ودا اللي بيخليها تعمل صوت
وصوت التزييق متقلقش منه

[mazenzyad]

لا تقلق يا عزيزي
ان شاء الله مفيش حاجة تكون باظت ولا حاجة
ممكن بس يكون الفيبر اتخبط بس لا اكثر ولا اقل ودا اللي بيخليها تعمل صوت
وصوت التزييق متقلقش منه

الصوت مضايقنى جدا لانه بيظهر مرتين مرة بعد نزول العجل الاولانى و مرة بعد نزول العجل التانى من على المطب ، ازاى اتخلص منه ؟ و مش عاوز اروح التوكيل عشان العلربية لسة عاملة 1800 كم
اشكر استجابتك

[Ashraf_Ibrahim]

الصوت مضايقك عشان العربية لسة جديدة ومكملتش حاجة
اول ما جبت عربيتي كان موقفي زيك كدة
مع الوقت اعتدت على الصوت وبقيت بتجاهله اساسا
لو عاوز تعمله حدد بالظبط مكان الصوت فين وروح لحد بتاع فايبر عشان يظبطهولك

[mazenzyad]

الصوت مضايقك عشان العربية لسة جديدة ومكملتش حاجة
اول ما جبت عربيتي كان موقفي زيك كدة
مع الوقت اعتدت على الصوت وبقيت بتجاهله اساسا
لو عاوز تعمله حدد بالظبط مكان الصوت فين وروح لحد بتاع فايبر عشان يظبطهولك

على فكرة الصوت طلع من السوست ، لكن الغريب انو مكنش بيظهر الاول و لكن بعد الموقف ده بدأ يظهر

[A.Saad]

يبقى تروح تكشف مادام من السوست
روح لعفشجة نظيف او التوكيل
ومبدئيا
ارفع العربية فى البنزينة
بص عليها من تحت
شوف كارتيرة الزيت واسفل الموتور
وكمان والعربية على الارض بص على الاربع مساعدين

[HSHM]

انا معايا لوجان برده و ظهر معايا التزييق ده في اواخر ال 4000 كم بس لما روحت التوكيل في صيانة ال 5000كم قولتلهم على التزييق و ربطو العفشة كويس وخدت العربية منهم و لا فيها اي حاجة فانت ياريت متروحش لأي حد بره يلعبلك في العربية احسن وهما في التوكيل محترمين جدا و بتقعد في استراحة مرتاح و لا شايل هم حاجة وبتاخد العربية زي الأول واحسن و و الله لما اسلمت العربية و الله قولت انهم ادوني عربية غيرها لأن بجد بيظبطو العربية كويس اوييييي

[Honda_lover]

معايا لوجان 2011 عاملة 1800 كم معايا ، اليوم و انا سايق على طريق سريع و فاضى كنت ماشى على سرعة 90 الى 100 كم / س و فجأة اخدت مطب صناعى بنفس سرعتى ، و انا راجع لاحظت لما بعدي على المطبات بهدوء بسمع صوت تزييقه من ورا و انا نازل من على المطب ، يا ترى فى حاجة باظت و لا ايه ؟ ارجو الافادة..

صوت التزييق في الفرنسي غالبا ناتج عن جلب المقصات وليس المساعدين جرب ربط العفشة كويس ولو مازال موجود كده لازم هتغير جلب مقصات بالبيض ان امكن

[mazenzyad]

يبقى تروح تكشف مادام من السوست
روح لعفشجة نظيف او التوكيل
ومبدئيا
ارفع العربية فى البنزينة
بص عليها من تحت
شوف كارتيرة الزيت واسفل الموتور
وكمان والعربية على الارض بص على الاربع مساعدين

اولا اشكر اهتمامك
ثانيا انا ملاحظ ان صوت التزييقه راح بعد خمس ايام من الموقف اللى شرحتهولك بس اللى نفسى افهمو ليه صوت التزييقة اختفى لوحدو بدون ما اعمل اى حاجه ؟