بتعلم السواقه ...ممكن شوية مساعده ؟؟

[Reem_11691]

السلام عليكم

اولا عاوزة اقولكوا انى معجبه جداا بالمنتدى دا خصوصا انى مجنونه بالعربيات ومتابعاكو من زمان بس الحمد لله اخيييرا جه الوقت اللى اشترك فيه وافضفضلكوا تجاربى مع العربية

من وانا عندى 15 سنه وانا دايما اقعد مع بابا واخويا واراقبهم واشوفهم بيسوقوا ازاى وكدة لانى عندى استعداد من زمان اوى انى اسوق
بس للاسف كل ما اقول عاوزة اسوق يقولوا لسه صغيرة
ولما كبرت شويه طبعا بعد ماما بابا يوافق بالعافيه نزلت معاه وبلاش اقولكوا ايه اللى حصل يومها والكلام اللى سمعته
قلت خلاص يبقى بابا كفايه لحد كدة..... انا بخاف
قلت اخويا
اتشنج عليا وكرهنى فى السواقه وخوفنى جدااا واحبطنى وحاسسنى انى عمرى ما اسوق بعد كدة

بس على ميييييين بقا ؟؟
وراها وراها
وانا ان شاء الله لاقيت ابن عمى هو اللى ها يعلمنى من بكرة ان شاء الله
يعنى هو انا عارفه المبادىء بس بقا الممارسه وكدة


وكنت عاوزة منكوا شوية تشجييييييع وشوية نصايح كدة عالماشى بعد ما فقدت كل الطرق والاساليب مع بابا
وياريت تحكولى عن تجاربكوا فى السواقه وياترى المفروض ابقى بسوق كويس بعد اد ايه؟؟

اصلى عاوزة استفيد من كل واحد منكوا واهو زيادة الخير خير

شكراااااااااااااا

[ALSHaRKAWY]

هتلاقى موضوع مخصوص لذلك فى نفس القسم دا بعنوان (نصائح سائق جديد) للاستاذ حسين وبصراحة مفيد جدا وماشى خطوة خطوة واهم حاجة فى القيادة اولا هى عدم الخوف والثقة فى النفس حتى لو اخطأتى

[megamoudy]

هي الزقازيق هنا ع المنتدى ولا ايه ههههههههههههههههههههه

صاحبة الموضوع وصاحب اول رد كماااااااااااااان يا هلا يا مرحبا

السواقة ممارسة يعني متسوقيش يومين تلاتة وتبطلي اسبوعين لازم ف الفترة الاولانية تعدي تسوقي كتير اوي

انا كن ف اول شهر اتعلمت فيه السواقة كنت ف اجازة فكنت بنزل ف اليوم الف بالعربية مالا يقل عن 3 ساعات يوميا

[fvks]

السلام عليكم

الاجابة بسيطة
1- هدوء
2- تركيز
3- ثقه
4- عدم التفاعل مع المدرب ( اتسقبال المعلومة وتنفيذ ) اي عدم التشتت مع المؤثرات
5- الممارسة لوحدك وفي مكان مش زجمه
وبلاش التسرع
وانشاء الله هيكون موضوع السواقه سهل وبسيط

[ahmed_mido1889]

السواقه سهله جدا بس مطلوب سرعه رد فعل واحساس بالسياره وبرود تام مع الناس عالطريق

[A.Saad]

اتعلمى فى مكان فاضى الاول
دى اهم نصيحة
لان كدة هتحافظى على عربيتك وعربيات الناس
لو غلطتى مش هتتعقدى

http://www.nilemotors.net/Nile/127724-a.html

هو صحيح المنتدى اتملى ناس من الزقازيق ليه

[keko]

اضيف ان اهم حاجة فى العربية الدواسات لو اتحكمتى فيها لدرجة انك تطلعى بالدبرياج بدن نزين انسى انها تبقل منك تانى

[prisoner]

احسن رد من وجه نظرى المتواضعة

[[frame="1 80"]
QUOTE=fvks;3873296629]الاجابة بسيطة
1- هدوء
2- تركيز
3- ثقه
4- عدم التفاعل مع المدرب ( اتسقبال المعلومة وتنفيذ ) اي عدم التشتت مع المؤثرات
5- الممارسة لوحدك وفي مكان مش زجمه
وبلاش التسرع
وان شاء الله هيكون موضوع السواقه سهل وبسيط[/QUOTE]
[/frame]

احسن رد من وجه نظرى المتواضعة هى دى اصول السواقة ربنا معاكى وكلنا بنشجعك اهم حاجة الاستعداد النفسى والرغبة فى السواقة نفسها انشاء الله هاتنجحى بس تقوليلنا على النتائج واهم مافى الموضوع التقدير الكويس للمسافات والابعاد ودقة النظر وسرعة البديهة ورد الفعل وسلامى وتحياتى لكل الزقازيقية علشان انا برضو من الزقازيق بس عايش فى القاهرة وعمرى كلو قضيته هناك ودراستى واهلى وفعلا احسن ناس بالتوفيق تحياتى.

[fvks]

[[frame="1 80"]
QUOTE=fvks;3873296629]الاجابة بسيطة
1- هدوء
2- تركيز
3- ثقه
4- عدم التفاعل مع المدرب ( اتسقبال المعلومة وتنفيذ ) اي عدم التشتت مع المؤثرات
5- الممارسة لوحدك وفي مكان مش زجمه
وبلاش التسرع
وان شاء الله هيكون موضوع السواقه سهل وبسيط

[/frame]

احسن رد من وجه نظرى المتواضعة هى دى اصول السواقة ربنا معاكى وكلنا بنشجعك اهم حاجة الاستعداد النفسى والرغبة فى السواقة نفسها ان شاء الله هاتنجحى بس تقوليلنا على النتائج واهم مافى الموضوع التقدير الكويس للمسافات والابعاد ودقة النظر وسرعة البديهة ورد الفعل وسلامى وتحياتى لكل الزقازيقية علشان انا برضو من الزقازيق بس عايش فى القاهرة وعمرى كلو قضيته هناك ودراستى واهلى وفعلا احسن ناس بالتوفيق تحياتى.[/QUOTE]




شكرا ليك

[megamoudy]

اتعلمى فى مكان فاضى الاول
دى اهم نصيحة
لان كدة هتحافظى على عربيتك وعربيات الناس
لو غلطتى مش هتتعقدى

http://www.nilemotors.net/Nile/127724-a.html

هو صحيح المنتدى اتملى ناس من الزقازيق ليه

أنا اعرف يا استاذ أحمد دي حاجة تخنق عههههههههههههههههههههههه

منور والله أخبارك عامل ايه وأخبار الكاسيت

[smsm_nabawy]

والله مقدرش أقولك حاجة بعد نصائح الخوة الأعضاء .. غير ربنا يوفقك و أفتكري دايماً السواقة ملهاش كبير... و السرعة مش هي الحل حتى لو كنتي مستعجلة


آآآه نصيحة كمان .. بججد والله .. لو كنتي ماشيه .. و لقيتي بني آدم واقف في الطريق نازي يعدي او في نصه و كده

دوسي على الأنتظار بسرعة ... و أبتدي هددددي ..

و كذلك لو السكة وقفت قدامك مره واحدة أو أنتي حتقفي مرة واحدة .. شغلي النتظار لتنبيه من هم خلفك :)

بالتوفيق يا فندم

[megamoudy]

والله مقدرش أقولك حاجة بعد نصائح الخوة الأعضاء .. غير ربنا يوفقك و أفتكري دايماً السواقة ملهاش كبير... و السرعة مش هي الحل حتى لو كنتي مستعجلة


آآآه نصيحة كمان .. بججد والله .. لو كنتي ماشيه .. و لقيتي بني آدم واقف في الطريق نازي يعدي او في نصه و كده

دوسي على الأنتظار بسرعة ... و أبتدي هددددي ..

و كذلك لو السكة وقفت قدامك مره واحدة أو أنتي حتقفي مرة واحدة .. شغلي النتظار لتنبيه من هم خلفك :)

بالتوفيق يا فندم

كلام رائع خاصة موضوع الانتضار وخاصة ف المطبات ع الطرق السريعة

شكرا على الكلام الحلو

[smsm_nabawy]

كلام رائع خاصة موضوع الانتضار وخاصة ف المطبات ع الطرق السريعة

شكرا على الكلام الحلو

شكراً لذوقك

[zeze_noor]

بصى أنا النهارده كان أول يوم ليا فى السواقة ودى التجربة فى الرابط ده

http://www.nilemotors.net/Nile/202658-a.html

[mememsaid]

بصي لو حابه موضوع السواقه وعايزاها اوي اطمني واتاكدي انيك هتعرفي تسوقي وفي فتره صغيره
كفايه ان انا اقوليك اني اول مره اسوق بجد خت العربيه من المطار ل6 اكتوبر علي الدائري
ياعني تقريبا 70 كيلو علي طريق سريع
وبعد كدا سواقتي بقت عامله زي بتوع الميكروباس (زي ما ابويا بيقولي)