حاجة عملتها بس مش عارف إيه مدى صحتها ..وهل كان في حاجة أحسن تتعمل؟

[الصيداح]

سلام الله عليكم ورحمته وبركاته

أنا عندي تنك البنزين فيه كام خرم صغيرين جدا بيسربوا بنزين في شنطة العربية
إنهاردة واحد سمكري دهن على أماكن الخروم بالمعجون بتاع السمكرة دة أو الدوكو مش عارف
عامل زي وش المعجون بتاع الحيطة قبل ما تتدهن وبينشف بسرعة
هو بصراحة ظبط العملية جدا بس خلى شكل التنك شوارع
بس النتيجة كويسة جدا

فإيه رأيكم في اللي إتعمل وهل كان فيه حاجة أحسن إنها تتعمل؟

وجزاكم الله كل الخير

[Ashraf_Ibrahim]

سيبك من الشكل
كويس على فكرة

[ahmed_mido1889]

بص حضرتك اللي هتحكم
لأن انا عندي التنك بتاع العربيه الفولكس
بيعرق من الجنب من فوق
عملته ببلك ساح
عملته بمعجون استوك بتاع الدوكو ولا اثر
كنت رايح الحمه عند بتاع الريدراتير بالقصدير
ده الحل الاخير او اجيب تنك استيراد
بص حضرتك لو منع تسريب البنزين خير وبركه
ممنعش يبقي حضرتك هات تنك استيراد احسن

[الصيداح]

سيبك من الشكل
كويس على فكرة

أنا برضه قلت كدة تسلم إيدك على المشاركة ربنا يبارك لك

بص حضرتك اللي هتحكم
لأن انا عندي التنك بتاع العربيه الفولكس
بيعرق من الجنب من فوق
عملته ببلك ساح
عملته بمعجون استوك بتاع الدوكو ولا اثر
كنت رايح الحمه عند بتاع الريدراتير بالقصدير
ده الحل الاخير او اجيب تنك استيراد
بص حضرتك لو منع تسريب البنزين خير وبركه
ممنعش يبقي حضرتك هات تنك استيراد احسن

جميل جدا وبإذن الله هلاحظه كام يوم بس إنهاردة أنا لاحظت إنه فعلا منع التسريب بس المرة الجاية هفول وأشوف النظام لو كدة هجيب واحد إستيراد وأريح دماغي جزاك الله كل الخير أخي على المشاركة

[amigooo]

ممكن تستخدم الايبوكسى (الانبوبتين اللى بيتخلطوا ) انا جربتة من كام شهر و حتى الان 100% .

[agwaa]

أفضل طريقة لإصلاح تانك البنزين لو فيه تسريب هي فكه من السيارة ولحامه عند السمكري نحاس

[mailo]

أنا شفت واحد جاب صابون غسيل من بتاع زمان قوي ده
جاب سبنا طرية شوية
ومسكها بايده وقعد يعاجن منها حتة بحتة مابين صوابعه ويحطها مكان الخرم اللي فلتانك كأنه بيلزق صلصال كده

ويشتغلت معاه زي الفل لحد معمل حادثة
:)

[mememsaid]

مالكش دعوه بالشكل اهم حاجه النتيجه

[الصيداح]

ممكن تستخدم الايبوكسى (الانبوبتين اللى بيتخلطوا ) انا جربتة من كام شهر و حتى الان 100% .

جميل جدا طيب ممكن تقولي منين أجيبهم وبكام
شكرا للإفادة

أفضل طريقة لإصلاح تانك البنزين لو فيه تسريب هي فكه من السيارة ولحامه عند السمكري نحاس

في ناس قالتلي كدة برضه تسلم إيدك يا غالي

أنا شفت واحد جاب صابون غسيل من بتاع زمان قوي ده
جاب سبنا طرية شوية
ومسكها بايده وقعد يعاجن منها حتة بحتة مابين صوابعه ويحطها مكان الخرم اللي فلتانك كأنه بيلزق صلصال كده

ويشتغلت معاه زي الفل لحد معمل حادثة
:)

إيه الصابون زحلق العربية ولا ايه
فكرة برضه
شكرا يا غالي

مالكش دعوه بالشكل اهم حاجه النتيجه

تمام كدة هو الشكل مش قد كدة بس الحمد لله النتيجة فل